)
Latur Babasaheb Manohare: महाराष्ट्रात खळबळन घटना घडली आहे. लातूर महानगरपालिकेचे आयुक्त बाबासाहेब मनोहरे यांनी स्वतःवर गोळी झाडून आत्महत्या करण्याचा प्रयत्न केलाय. यात ते गंभीर जखमी झाले असून सध्या त्यांच्यावर उपचार सुरू आहेत. मात्र एका कर्तव्यदक्ष अधिका-याने हे टोकाचं पाऊल का उचललं? याबाबत चर्चा सुरू झाली आहे.
लातूरचे महापालिका आयुक्त बाबासाहेब मनोहरे यांनी आत्महत्येचा प्रयत्न केला. स्वात:वर गोळी झाडल्याने ते गंभीर जखमी झालेत. दरम्यान थेट महापालिका आयुक्तांनी आत्महत्या करण्याचा प्रयत्न केल्यामुळे सर्वत्र खळबळ उडाली आहे.
नेमकं काय घडलं
मनोहरे यांनी शासकीय निवासस्थानी नेहमीप्रमाणे त्यांच्या कुटुंबीयांसोबत जेवण केले. रात्रीचे जेवण झाल्यानंतर मनोहरे आपल्या खोलीत गेले. आपल्या बेडरूमचा दरवाजा त्यांनी आतून बंद केला. काही वेळातच खोलीतून गोळी झाडल्याचा आवाज आला. रिव्हॉल्व्हरने मनोहरे यांनी स्वतःवर गोळी झाडून घेतली. त्यावेळी घरच्यांनी खोलीकडे धाव घेतली. मनोहरे हे रक्ताच्या थारोळ्यात आढळले. त्यांना तातडीने खासजी रुग्णालयात दाखल केलं. डोक्याला गोळी लागल्याने डॉक्टरांनी त्यांच्यावर तात्काळ शस्त्रक्रिया केली. सध्या ते व्हेंटिलेटरवर असून, त्यांची प्रकृती गंभीर आहे.
घटनेची माहिती मिळताच भाजपा आमदार अभिमन्यू पवार आणि माजी मंत्री आमदार संजय बनसोडे यांनी दवाखान्यात येऊन आयुक्तांच्या तब्येतीची विचारपूस केली .आवश्यकता पडल्यास त्यांना एर ॲम्बुलन्स ने मुंबईला उपचारासाठी नेल जाईल असं ते म्हणाले. बाबासाहेब मनोहरे यांनी आत्महत्येचा प्रयत्न का केला? याचं नेमकं कारण अद्याप समोर आलेलं नाही. कौटुंबिक कारण की कार्यालयीन ताण? याचा शोध पोलीस घेत आहेत.
या संपूर्ण घटनेमागील सत्य शोधून काढण्याची मागणी आता लातूरकर करत आहेत. कुणाचा राजकीय दबाव होता का? कुणी धमकी दिली का? याचा शोध घेण्याची मागणी होत आहे कुठल्याही वादांपासून दूर राहणाऱ्या या अधिकाऱ्याने असे टोकाचे पाऊल का उचलले ? याचं उत्तर सध्या कुणाकडेच नाही. कर्तव्यदक्ष आयुक्त बाबासाहेब मनोहरे यांनी आत्महत्येचा प्रयत्न केल्याने आता अनेक प्रश्नांचं मोहोळ उठलंय. आता पोलिस तपासात या सगळ्या प्रश्नांचा उलगडा होईल का हे पाहावं लागेल.
Newsletter