)
Loksabha Election 2024 Live Updates : लोकसभेच्या चौथ्या टप्प्यातील पुण्यासह मावळ आणि शिरूर मध्ये आज प्रचाराची सांगता होणार असून 13 तारखेला मतदान होणार आहे. पुणे, मावळ, शिरूर मधील प्रचाराच्या तोफा आज थंडावणार आहेत. त्यामुळे आज शेवटच्या दिवशी सभा, गाठीभेटी आणि रोड शोचा धुरळा आहे. मावळमध्ये मुख्यमंत्री एकनाथ शिंदे यांचा रोडशो
तर पुण्यात केंद्रीय मंत्री नितीन गडकरी यांची सभा आहे. उपमुख्यमंत्री देवेंद्र फडणवीसही पुण्यात तळ ठोकून बसले आहेत.
शिरूरमध्ये शरद पवार यांची सभा होणार आहे.
राज्यात चौथ्या टप्प्यात 53.18% मतदान झाले.
सर्वाधिक मतदान नंदुरबार मतदारसंघात झाले. 60.60% मतदान झाले.
सर्वात कमी म्हणजे 43.89% मतदान पुण्यातील शिरुर मतदारसंघात झाले.
जालनामध्ये 59.44 टक्के, तर पुण्यात 44.90 टक्के मतदान झाले.
देशात चौथ्या टप्प्यासाठी 63.28 टक्के मतदान झाले.
पश्चिम बंगालमध्ये सर्वाधिक 75.91 टक्के मतदान झाले.
जम्मू काश्मीरमध्ये सर्वात कमी 36.58 टक्के मतदान झाले.
आंध्र प्रदेशमध्ये 68.12 % मतदान, तर बिहारमध्ये 55.90 % मतदान झाले.
उद्धव ठाकरेंच्या सभेला पावसाचा फटका, पावसामुळे डोंबिवलीतील नियोजित सभा रद्द करण्यात आली आहे.
पालघरमधील जलदेवी येथे उद्धव ठाकरेंच्या बैठका सुरू आहेत . वकील , मुस्लिम अशा 21 संघटनांसोबत चर्चा सुरू आहेत. यावेळी उद्धव ठाकरे यांच्यासोबत विनायक राऊत , मिलिंद नार्वेकर , राष्ट्रवादीचे आमदार सुनील भुसारा , माकपाचे आमदार विनोद निकोले , उमेदवार भारती कामडी उपस्थित आहेत.
नंदुरबार येथे काँग्रेस उमेदवार एड. गोवाल पाडवी यांच्या प्रचारासाठी आलेल्या काँग्रेस नेत्या प्रियंका गांधी यांनी सभा संपल्यानंतर अचानक लोकांमध्ये जात त्यांच अभिवादन स्वीकारलं. प्रियांका गांधी सभा स्थळापासून हेलिपॅडकडे परत जात असताना अचानक गाडीतून खाली उतरल्या आणि सुरक्षा रक्षकांचे एकच धावपळ उडाली. प्रियांका गांधी यांनी गाडीखाली उतरत जनतेमध्ये जात लोकांच अभिवादन स्वीकारलं.
हेमंत सावरा यांना जिंकवण्यासाठी आम्ही साम दाम दंड भेद याचा वापर करू, आमचा उमेदवार घासून नाही तर ठासून निवडून आणू असा विश्वास नितेश राणेंनी व्यक्त केला.जनतेने भाजपचा खासदार निवडून दिला तर तो थेट पंतप्रधानांशी बोलू शकतो दुसऱ्या कोणत्या पक्षाचा हा खासदार असेल तर त्याला रांगेत उभे राहावे लागेल, असे ते म्हणाले.. त्यामुळे जनतेने भाजपच्या उमेदवाराला निवडून द्यावे असे आवाहन यावेळी त्यांनी केले.
नंदुरबारमधल्या प्रचारसभेतून प्रियांका गांधींनी पंतप्रधान मोदींवर जोरदार हल्लाबोल केला. कुठे शबरी आणि कुठे मोदी असा सवाल विचारत मोदींनी महिलांवर अत्याचार करणा-यांना उमेदवारी दिली अशी टीका प्रियांका गांधींनी केली.
आता बातमी येतेय संभाजीनगरातून...संभाजीनगरात शिवसेना ठाकरे गट आणि महायुतीचे कार्यकर्ते आमने-सामने आलेयत...दोन्ही गट प्रचारादरम्यान समोरा समोर आल्याने जोरदार घोषणाबाजीसोबत कार्यकर्त्यांनी एकमेकांना हाणामारी केली. त्यामुळे घटनास्थळावरील वातावरणात तणाव निर्माण झाला आहे. पोलिसांनी हस्तक्षेप करत परिस्थिती नियंत्रणात आणण्याचा प्रयत्न केला.
आमच्या मुंबईमध्ये 17 तारखेला पंतप्रधान नरेंद्र मोदीसुद्धा आहेत. त्याचवेळी महाविकास आघाडीच्या मंचावरुन दिल्लीचे मुख्यमंत्री अरविंद केजरीवालही भाषण करणार आहेत. केजरीवाल यांनी या सभेचं आमंत्रण स्वीकारलं आहे. केजरीवाल यांना काल म्हणजेच 10 मे रोजी 22 दिवसांसाठी अंतरिम जामीन मंजूर केल्यानंतर ते आजपासून प्रचारसभांमध्ये सहभागी होत आहेत.
लोकसभा निवडणुकीच्या चौथ्या टप्प्यातील प्रचाराच्या तोफा आज संध्याकाळी 6 वाजता थंडावणार आहे. याआधी सगळे उमेदवार शक्य तितक्या मतदारांपर्यंत पोहोचण्याचा प्रयत्न करतील. दिग्गज नेतेही प्रचाराच्या रिंगणात उतरलेत. मुख्यमंत्री एकनाथ शिंदेंचा आज मावळमध्ये श्रीरंग बारणेंसाठी रोड शो होणारेय. तर उपमुख्यमंत्री देवेंद्र फडणवीस पुण्यात आहेत. गडकरींची पुण्यातल्या नातूबाग इथं सभा होणारेय. शरद पवारांची पुण्यात सभा आहे. याठिकाणी आदित्य ठाकरेही उपस्थित राहणारेत. पवारांची बीडमध्येही सभा आहे. तर उद्धव ठाकरेंचा प्रचाराचा झंझावात सुरुच आहे. ते आज पालघरचा दौरा करतील. काँग्रेस नेत्या प्रियंका गांधी यांची नंदुरबारचे उमेदवार गोवाल पाडवी यांच्यासाठी सभा होणारेय. तर भाजप खासदार अशोक चव्हाण, नवनीत राणा संभाजीनगरात आहेत. महायुतीच्या नेत्यांचा ते प्रचार करतील.
लोकसभा निवडणुकीच्या चौथ्या टप्प्यातील प्रचारासाठी मनसेचे अध्यक्ष राज ठाकरे पुण्यात सभा घेतली. पुणे मतदारसंघाचे उमेदवार मुरलीधर मोहोळ यांच्या प्रचार सभेत त्यांनी शरद पवारांवर निशाणा तर अजित पवारांचं कौतुक केलं.
सविस्तर बातमीसाठी या लिंकवर क्लिक करा - माझे अजित पवारांशी अनेक मतभेद असतील पण शरद पवारांसोबत असतानाही.. : राज ठाकरे
लोकसभा निवडणुकीच्या मतदानासाठी मावळमध्ये यंत्रणा सज्ज झालीये.. सोमवारी मावळ मतदारसंघात मतदानाची प्रक्रिया पार पडणार आहे. ही मतदान प्रक्रिया भयमुक्त वातावरणात व्हावी यासाठी पोलीस प्रशासन सज्ज झालंय. यासाठी लोणावळ्यात ग्रामीण पोलिसांनी रुटमार्च काढला..
आधी शिवसेना आणि राष्ट्रवादी काँग्रेस हे पक्ष फोडले.. आता आम्हालाच मोदी डोळा मारतात.. आ जा मेरे गाडी में बैठ जा म्हणतात, अशा शब्दांत उद्धव ठाकरेंनी मोदींची खिल्ली उडवली. मोदी आता परत दिल्ली बघत नाहीत आणि महाराष्ट्र त्यांना दिल्ली बघू देणार नाही, असंही ठाकरेंनी संभाजीनगरातल्या जाहीर सभेत बोलताना ठणकावलं.
लोकसभा निवडणुकीच्या चौथ्या टप्प्यात 10 राज्यातील 1717 उमेदवार निवडणुकीच्या रिंगणात उतरले आहेत. यासाठी महाराष्ट्रातील 298 उमेदवारांचं भवितव्य 13 मे रोजी मतपेटीत बंद होणार आहे. महाराष्ट्रातील 11 मतदारसंघात नंदूरबार, जळगाव, रावेर, जालना, औरंगाबाद (संभाजीनगर), मावळ, पुणे, शिरुर, अहमदनगर, शिर्डी, बीड या मतदारसंघात मतदान होणार आहे.
सध्या लोकसभा निवडणुकांची रणधुमाळी सुरू आहे. यात सगळेच नेते एकमेकांवर सडकून टीका करताहेत. एकमेकांचा उद्धार करणारे नेते प्रचार सभा संपल्यानंतर काय करत असतील, याची उत्सुकता बहुतेकांना असते. संभाजीनगरच्या हॉटेल रामामध्ये त्याचंच प्रत्यक्ष उदाहरण पाहायला मिळालं. एकमेकांवर विखारी टीका करणारे शिंदे पक्षाचे संजय शिरसाट आणि ठाकरे पक्षाच्या सुषमा अंधारे या ठिकाणी एकत्र पाहायला मिळाले. शिंदे पक्षाचे मंत्री उदय सामंत आणि भाजपच्या नेत्यांसोबत त्यांच्या निवांत गप्पा सुरु होत्या. संभाजीनगरच्या हॉटेल रामामध्ये हे सर्व मुक्कामाला आले. विशेष म्हणजे विविध राजकीय पक्षाच्या नेत्यांचे परस्परांशी आपुलकीचे संबंध असताना, त्यांचे समर्थक मात्र आपल्या नेत्यांवरुन आपल्याच लोकांचे इतके टोकाचे विरोधक का होतात हे मात्र कोडंच आहे
उद्धव ठाकरे आज पालघर दौ-यावर आहेत...पालघरमधील विविध शिष्टमंडळं, मुस्लीम संघटना, तसंच बंदरविरोधी संघटनांची उद्धव ठाकरे भेट घेणार आहेत... पालघरमधील जलदेवी रिसॉर्ट इथे सकाळी 11 ते दुपारी 4 वाजेपर्यंत या बैठका होतील... तर 14 मे रोजी उद्धव ठाकरेंची पालघरमध्ये जाहीर सभा होणारे... त्यापूर्वी ठाकरेंची ही बैठक होतेय...
Thank you
By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts.
