Slogan against Sushma Andhare : मनमाडमध्ये सुषमा अंधारेंच्या गाडीसमोर घोषणाबाजी

सुषमा अंधारेंविरोधात कांदे समर्थकांची जोरदार घोषणाबाजी

Slogan against Sushma Andhare : मनमाडमध्ये शिवसेना ठाकरे गटाच्या उपनेत्या सुषमा अंधारे यांच्या विरोधात घोषणाबाजी करण्यात आलीय. आमदार सुहास कांदे यांच्या समर्थकांनी ही घोषणाबाजी केलीय.. सुहास कांदे शिंदे गटाचे आमदार आहेत. त्यांच्या कार्यालयासमोर सुषमा अंधारे जात होत्या. यावेळी कांदे समर्थकांनी त्यांच्याविरोधात घोषणाबाजी केली. 

बातमीचा व्हिडीओ पाहा -

नाशिकमध्ये कांदा लिलाव बंदी मागे घेण्याचा व्यापाऱ्यांचा निर्णय

Nashik Onion Auction : नाशिक जिल्ह्यातील बाजार समित्यांमध्ये उद्यापासून कांदा खरेदी विक्रीला सुरूवात होणाराय. नाशिक जिल्ह्यातील व्यापाऱ्यांनी तालुका स्तरावर बैठका घेऊन हा निर्णय घेतला. त्यानुसार पिंपळगावसह इतर बाजार समित्या सकाळच्या वेळेत सुरू होतील. तर लासलगाव बाजार समिती दुपारी 2 वाजता सुरू होईल. कांदा निर्यातबंदीच्या निषेधार्थ कांदा व्यापाऱ्यांनी लिलाव बंद ठेवण्याची घोषणा केली होती. मात्र नाशकात कांद्याची आवक वाढल्यानं पुन्हा कांदा खरेदी विक्री सुरू करण्याचा निर्णय घेण्यात आलाय.

बातमीचा व्हिडीओ पाहा -

मुंबईकडे जाणारी वाहतूक पूर्णपणे ठप्प, माणगावजवळ वाहनांच्या रांगा

Raigad Traffic : रायगडमध्ये मुंबई गोवा महामार्गावर मोठी वाहतूक कोंडी, मुंबईकडे जाणारी वाहतूक पूर्णपणे ठप्प माणगाव जवळ वाहनांच्या लांबच लांब रांगा. माणगाव ते ढालघर फाट्यापर्यंत पोहोचली वाहनांची रांग. बेशिस्त वाहन चालकांचा वाहतुकीला फटका.

बातमीचा व्हिडीओ पाहा -

कांदाप्रश्नी आजच तोडगा निघण्याची शक्यता- दादा भुसे

Dada Bhuse on Onion : कांदाप्रश्नी नाशिकमधील व्यापाऱ्यांसोबत चर्चा केल्यानंतर आजच तोडगा निघेल असा विश्वास पालकमंत्री दादा भुसे यांनी व्यक्त केलाय. कांदा निर्यात बंदी विरोधात नाशिक जिल्ह्यातल्या व्यापाऱ्यांनी कांदा खरेदी विक्री बंद केल्यामुळे शेतकरी अडचणीत आलाय. या हंगामात येणाऱ्या लाल कांदा हा जास्त टिकवण क्षमतेचा नसल्याने तो तातडीने विकला जाण्याची गरज आहे परिणामी आज पालकमंत्री दादा भुसे यांनी तातडीची बैठक संध्याकाळी कांद्याच्या प्रमुख व्यापाऱ्यांसोबत बोलावलीय. यामध्ये तोडगा काढण्याचा प्रयत्न असून जवळपास उद्यापासून बाजार समित्या सुरू करण्याची शक्यता पालकमंत्र्यांनी व्यक्त केली आहे.

मुख्यमंत्री म्हणून विष्णूदेव साय यांच्या नावावर शिक्कामोर्तब

Chhattisgadh New CM : भाजपनं छत्तीसगडमध्ये नवा चेहरा दिलाय. मुख्यमंत्री म्हणून विष्णूदेव साय यांच्या नावावर शिक्कामोर्तब करण्यात आलाय. आमदारांच्या बैठकीत त्यांच्या नावावर एकमत झालंय. छत्तीसगडचे मुख्यमंत्री म्हणून ते लवकरच शपथ घेतील.

बातमीचा व्हिडीओ पाहा -

डर अच्छा है, आदित्य ठाकरेंची राज्य सरकारवर टीका

Aaditya Thackeray : दिशा सालियन मृत्यूप्रकरणी राज्य सरकारने एसआयटी चौकशीची घोषणा केलीय. त्यावरच आदित्य ठाकरेंची पहिली प्रतिक्रिया समोर आलीय.. डर अच्छा है असं म्हणत आदित्य ठाकरेंनी टोला लगावलाय.. ज्यांची सरकारला भीती वाटते त्यांना बदनाम केलं जातं अशी टीकाही आदित्य ठाकरेंनी केलीय.

बातमीचा व्हिडीओ पाहा - 

ऊसदरासाठी स्वाभिमानी शेतकरी संघटना आक्रमक

Sangali Swabhimani Protest : सांगली जिल्ह्यातील ऊस दर जाहीर करावा या मागणीसाठी स्वाभिमानी शेतकरी संघटना सांगतील दत्त इंडिया संचलित वसंतदादा साखर कारखान्यावर धडक दिलीये... कारखान्याच्या मुख्य गेटवर स्वाभिमानीच्या कार्यकर्त्यांकडून जोरदार निदर्शने करत कारखान्याच्या आत मध्ये घुसण्याचा प्रयत्न करण्यात आला... मात्र पोलिसांनी या आंदोलकांना गेटवरच थांबवलं... त्यामुळे स्वाभिमानीचे कार्यकर्ते आणि पोलिसांमध्ये झटापट झालीये.. या ठिकाणी राजू शेट्टीचे नेतृत्वाखाली आता काटाबंदी आंदोलन करण्यात येणार आहे.तर आंदोलनाच्या पार्श्वभूमीवर कारखाना परिसरामध्ये मोठा पोलीस बंदोबस्त देखील असण्यात करण्यात आला आहे.

बातमीचा व्हिडीओ पाहा - 

भेकडांच्या अंगावर कपडे राहिले नसते - पडळकर

Gopichand Padalkar : भेकडांच्या अंगावर एकही कपडे राहिले नसते अशी संतप्त प्रतिक्रिया गोपीचंद पडळकरांनी दिलीय.. इंदापूरमध्ये झालेल्या चप्पलफेकीवरुन पडळकरांनी थेट इशाराच दिलाय.. तसंच ओबीसी बांधवांनी याचा निषेध हिंसेचा मार्गाने न करण्याचं आवाहनही पडळकरांनी केलंय... इंदापूरच्या प्रशासकीय भवनासमोर दूध दरवाढीच्या मागणीसाठी दीपक काटे उपोषणाला बसले आहेत.त्यांची भेट घेण्यासाठी गोपीचंद पडळकर आले होते. तेव्हा मराठा कार्यकर्त्यांनी त्यांच्यावर चप्पलफेक केली तसच त्यांच्याविरोधात जोरदार घोषणाबाजीही केली. 

बातमीचा व्हिडीओ पाहा - 

मुंबईवरील ड्रोन हल्ल्याचा कट उधळला

Mumbai Drone Attack : मुंबईवरील ड्रोन हल्ल्याचा कट NIAनं उधळून लावलाय.. शनिवारी NIAनं मुंबई, ठाणे, पुणे आणि कर्नाटकमध्ये संयुक्त कारवाई करुन ISISशी संबंधीत अनेक ठिकाणी छापेमारी केली होती.. या छापेमारीदरम्यान ठाण्यातील भिवंडी तालुक्यातील पडघा-बोरिवली भागातून 15 संशयितांना ताब्यात घेण्यात आलं.. त्यांच्याकडून मोठ्या प्रमाणावर शस्त्रसाठा, रोख रक्कम तसंच हमास या दहशतवादी संघटनेचे झेंडे जप्त करण्यात आलेत.. चौकशी दरम्यान हे सर्वजणं मुंबईवर ड्रोन हल्ला करण्याच्या तयारीत असल्याचं उघड झालंय.. बोरिवलीमध्ये राहाणारा साकीब नाचन हा या कटाचा मुख्य सूत्रधार आहे.. साकीब नाचन हा सीमी या दहशतवादी संघटनेचा कार्यकर्ता असून या आधीही तो अनेक दहशतवादी कारवाईमध्ये सहभागी होता.. 

बातमीचा व्हिडीओ पाहा - 

कुणबी नोंदी शोधण्यात अधिकाऱ्यांचा जातीवाद - मनोज जरांगे

Manoj Jarange Patil : कुणबी नोंदी शोधण्यात अधिकारी जातीवाद करतात असा गंभीर आरोप मनोज जरांगे-पाटील यांनी केलाय.. स्थानिक अधिकारी कामचुकारपणा करत असल्याने नोंदी सापडत नाहीत.. तेव्हा या अधिका-यांना निलंबित करण्याची मागणी जरांगेंनी मुख्यमंत्री एकनाथ शिंदे यांच्याकडे केलीय.. 

बातमीचा व्हिडीओ पाहा - 

देवेंद्र फडणवीसांवरील विश्वास उडाला - मनोज जरांगे

Latur Manoj Jarange Patil : लातूर दौ-यादरम्यान मनोज जरांगेंनी उपमुख्यमंत्री देवेंद्र फडणवीसांवर टीका केलीये... फडणवीसांनी पुन्हा मराठा समाजाच्या खोड्या काढण्यास सुरुवात केलीय त्यामुळे त्यांच्यावरील विश्वास उडू लागल्याचं जरांगे म्हणालेत.. त्यांच्या जवळचेच लोकं आता टीका करु लागलेत त्यामुळे फडणवीसांनी वेळीच शहाणं व्हावं असा इशार जरांगेंनी दिलाय.. 

बातमीचा व्हिडीओ पाहा - 

जयंत पाटील आणि राजू शेट्टींमध्ये कलगीतुरा

Jayant Patil Vs Raju Shetty : उस दरावरून राष्ट्रवादी काँग्रेस नेते जयंत पाटील आणि स्वाभिमानी पक्षाचे प्रमुख राजू शेट्टी यांच्यात कलगीतुरा रंगलाय. कुणाचे तरी नाव घ्यायचे त्यामुळे टीव्हीवर दिसतं, अशा शब्दांत जयंत पाटील यांनी राजू शेट्टींची खिल्ली उडवली. तर पाटलांचं नाव घेऊन चर्चेत येण्याएवढी अधोगती झाली नाही, असा पलटवार शेट्टी यांनी केलाय.

बातमीचा व्हिडीओ पाहा - 

पुरातत्व खात्यातील कुणबी नोंदी तपासणार

Shinde Samiti : कुणबी नोंदी तपासण्यासाठी आता पुरातत्व खात्याकडील नोंदीही तपासल्या जाणार आहेत. पुण्यातील बैठकीत शिंदे समितीनं हा निर्णय घेतलाय. यामुळे कुणबी नोंदींचे आणखी पुरावे मिळण्याची शक्यता आहे.. मात्र या नोंदी तपासण्यासाठी वेळ लागणार आहे. त्यामुळे कुणबी नोंदी तपासण्याचं काम सुरुच ठेवण्याचे आदेश शिंदे समितीनं दिलेत.. पुण्यातील बैठकीत आतापर्यंतच्या कामाचा आढावा घेण्यात आला. या कामावर शिंदे समितीनं समाधान व्यक्त केलंय.

बातमीचा व्हिडीओ पाहा - 

कांदाप्रश्नी शरद पवार मैदानात

Sharad Pawar : कांदा निर्यातबंदीविरोधात आता स्वत: शरद पवार रस्त्यावर उतरणार आहेत.. कांदा निर्यातबंदीविरोधात नाशिकच्या चांदवडला होणा-या आंदोलनात शरद पवार उपस्थित राहणार आहेत.. 11 डिसेंबरला कांदा प्रश्न तसंच इतर विविध प्रश्नांवर चांदवडला शेतक-यांचा एल्गार होणार आहे.. मुंबई-आग्रा रोडवर चांदवडच्या चौफुलीला हे आंदोलन होईल.. कांदा निर्यातबंदीवर केंद्र सरकारला जाग आणण्यासाठी पवार मैदानात उतरले आहेत.. या आंदोलनात मोठ्या प्रमाणात सहभागी होण्याचं आवाहन शरद पवार गटाने केलंय...

बातमीचा व्हिडीओ पाहा - 

आरक्षण आणि अवकाळीवरुन मविआ आक्रमक

Nagpur Winter Session MVA Morcha : हिवाळी अधिवेशनात सोमवारी आणि मंगळवारी मविआकडून धडक मोर्चा काढला जाणार आहे.. आरक्षण आणि अवकाळी पावसाच्या नुकसानीवरुन विरोधक आक्रमक झाले आहेत.. सोमवारी आणि मंगळवारी मोर्चाच्या माध्यमातून शक्तिप्रदर्शनाची त्यांनी तयारी केलीय. सोमवारी काँग्रेसने हल्लाबोल करण्याची तयारी केलीय. सोमवारी नाना पटोलेंच्या नेतृ्त्वाखाली काँग्रेसचा मोर्चा निघेल. तर दुसरीकडे राष्ट्रवादी काँग्रेसच्या शरद पवार गटाचा मोर्चा मंगळवारी होणार आहे.. राष्ट्रवादीने शक्तिप्रदर्शनासाठी शरद पवार तसंच उद्धव ठाकरेंनाही बोलावलंय. तर दुसरीकडे धनगर आरक्षण तसंच जुन्या पेन्शनच्या मागणीसाठीही मोर्चा काढण्यात येणार आहे.. त्यामुळे कायदा आणि सुव्यवस्था अबाधित राखण्याचं मोठं आव्हान नागपूर पोलिसांसमोर आहे..

बातमीचा व्हिडीओ पाहा - 

जुन्या पेन्शनसाठी आंध्र पॅटर्न?

Old Pension Scheme : हिवाळी अधिवेशनात सरकारच्या चिंतेत भर पडणार आहे.. कारण जुन्या पेंशनच्या मागणीसाठी सरकारी कर्मचारी 14 डिसेंबरपासून बेमुदत संपावर जाणार आहेत... राजपत्रित अधिका-यांची संघटना 12 डिसेंबरला याबाबत अंतिम निर्णय घेणार आहे.. दरम्यान पेंशनसाठी राज्य आंध्र प्रदेशच्या फॉर्म्युलावर विचार करण्याची शक्यता आहे.. आंध्र प्रदेशमध्ये निवृत्तीच्या वेळचं जे मुळ वेतन असेल त्यांच्या 50 टक्के रक्कम अधिक महागाई भत्ता मिळून आलेली रक्कम ही पेंशन म्हणून दिली जाते... 

बातमीचा व्हिडीओ पाहा - 

शहापूर तालुक्यात कोट्यवधींचा धान्य घोटाळा

Shahapur Scam : ठाणे जिल्ह्यातील शहापूर तालुक्यात कोट्यवधींचा धान्य घोटाळा झालाय.. साकडबाव इथल्या आदिवासी विकास प्रकल्पातील हजारो क्विंटल धान्य अधिका-यांच्या संगनमतानं परस्पर लंपास करण्यात आलंय.. याप्रकरणी आदिवासी विभागाचे तत्कालीन प्रादेशिक व्यवस्थापक, उपप्रादेशिक व्यवस्थापक आणि विपणन निरिक्षकांसह 6 जणांवर किन्हवली पोलीस ठाण्यात गुन्हा दाखल करण्यात आलाय. शेतक-याच्या नावे खोट्या चलन पावत्या बनवून बोगस भात खरेदी दाखवण्यात आलीये. 

बातमीचा व्हिडीओ पाहा - 

कार आणि ट्रकचा भीषण अपघात, 8 जणांचा मृत्यू

Uttar Pradesh Accident : उत्तर प्रदेशच्या बरेलीमध्ये कार आणि ट्रकचा भीषण अपघात झालाय. अपघातानंतर कारनं पेट घेतल्याने कारमधल्या 8 जणांचा होरपळून मत्यू झालाय. मृतांमध्ये एक लहान मुलांचा समावेश आहे. एक विवाह सोहळ्यासाठी ते बरेलीला गेले होते. विवाह सोहळा उरकून कार बहेडीकडं जात होती. मात्र टायर फुटल्यानं कार चालकाचं कारवरील नियंत्रण सुटलं आणि कार डिव्हायडरला धडकून विरुद्ध दिशेनं येणाऱ्या ट्रकवर आदळली. ट्रकनं कारला अनेक मीटर दूर फरफटत नेलं त्यानंतर कारसह ट्रकनेही पेट घेतला. 

बातमी पाहा - धक्कादायक! कार आणि ट्रकचा भीषण अपघात, 8 जणांचा होरपळून मृत्यू

शेतकरी संघटना निर्यातबंदीविरोधात आक्रमक

Sinnar Kanda Tharav : कांदा निर्यात बंदीविरोधात  महाराष्ट्र राज्य कांदा उत्पादक शेतकरी संघटना आक्रमक झालीये.. निर्यात बंदीविरोधात थेट सुप्रीम कोर्टात दाद मागण्याचा इशारा शेतकरी संघटनेनं दिलाय. सिन्नरमध्ये झालेल्या बैठकीत  तीन ठराव मंजूर करण्यात आलेत.. कांदा निर्यातबंदीचा निर्णय तातडीने मागे घेण्याची विनंती या बैठकीत करण्यात आलीये.. 

कांदाप्रश्नी फडणवीस आणि गोयल यांच्यात चर्चा

Devendra Fadanvis & Piyush Goyal Meet : कांदा निर्यातबंदीवरुन मोठी बातमी.. उपमुख्यमंत्री देवेंद्र फडणवीस यांनी काल सह्याद्री अतिथीगृहावर केंद्रीय मंत्री पियूष गोयल यांच्यासोबत बैठक घेतली.. कांदा, कापूस आणि सोयाबीन प्रश्नावर ही बैठक होती.. शेतकरी हिताचे सकारात्मक निर्णय घेण्याचं आश्वासन गोयल यांनी या बैठकीत दिल्याची माहिती फडणवीसांनीदिलीय... 

बातमीचा व्हिडीओ पाहा -