)
उद्या होणार नव्या विधानसभा अध्यक्षाची निवड होणार आहे. त्यानंतर संध्याकाळी ४ वाजता राज्यपालांच्या अभिभाषणासाठी दोन्ही सभगृहांची संयुक्त बैठक होईल. उद्या संध्याकाळी राज्यपालांचे अभिभाषण होईल. त्यानंतर हिवाळी अधिवेशनाची घोषणा होईल. राष्ट्रगीताने विशेष अधिवेशनाची सांगता होईल.
राष्ट्रवादी शरद पवार गटाचे आमदार जयंत पाटील आणि उत्तमराव जानकर आमदारकीची शपथ घेणार आहेत. मारकडवाडी गावाच्या दौऱ्यावर असल्याने आज जयंत पाटील आमदारकीची शपथ घेऊ शकले नाहीत.
अंबरनाथमध्ये विवाहित महिलेचा पाठलाग करत छेड काढणाऱ्या रोडरोमियोला स्थानिकांनी चोप देत पोलिसांच्या हवाली केलं. मात्र पोलिसांनी यावेळी फक्त एनसी नोंदवून या रोडरोमिओला सोडून दिलं. त्यामुळे हा रोडरोमियो आता पुन्हा त्रास देत असल्याची तक्रार पीडित महिलेच्या पतीनं केलीये. सध्या आम्ही दहशतीच्या छायेत असल्याचं कुटुंबीयांचं म्हणण आहे. त्यामुळे पोलिसांनी कडक कारवाई करावी अशी मागणी होतीये.
महाविकास आघाडीच्या नेत्यांनी घेतली मुख्यमंत्र्यांची भेट. विधानसभा उपाध्यक्ष पदाची मागणीबाबत मुख्यमंत्री सकारात्मक असल्याची माहिती नाना पटोले यांनी दिली आहे.
पुण्यातील बावधन, शिंदेनगर येथे मोठी आग लागली आहे. अग्निशमन दलाच्या गाड्या घटनास्थळी रवाना झाल्या आहेत. फोटो स्टुडिओला आग लागल्याची प्राथमिक माहिती समोर आली आहे. मोठी आग असल्याने धुराचे लोट ही मोठ्या प्रमाणात दिसून येत आहेत.
मारकडवाडी विषयावर सोलापूर जिल्हाधिकारी आज पत्रकार परिषद घेणार आहेत. संध्याकाळी साडे सहा वाजता जिल्हाधिकारी यांची पत्रकार परिषद होणार आहे.
बीड जिल्ह्यातील माजलगाव तालुक्यातील मोगरा या ठिकाणी दोन गटांमध्ये मारहाण. यात्रेदरम्यान कुस्ती सुरू असताना झाला दोन गटांमध्ये वाद. कुस्तीच्या कारणावरून दोन गट आपापसात भिडले. गावामध्ये तणावाचे वातावरण. यात्रेच्या निमित्ताने आयोजित कुस्ती कार्यक्रमांमध्ये झाला दोन गटांमध्ये वाद.
पुणे रेल्वे स्टेशन बॉम्बने उडवून देण्याची धमकी देणारा फोन पुणे पोलीस नियंत्रण कक्षाला आला. इसमाने खोडसाळपणे फोन केल्याची माहिती पुणे पोलिसांनी दिली. अज्ञात व्यक्तीकडून खोडसाळपणे पुणे रेल्वे स्टेशन बॉम्बने उडवून देण्याची धमकी देण्यात आली होती. फोन करणाऱ्या व्यक्तीला पुणे पोलिसांनी ताब्यात घेतलं आहे. फोन करणार व्यक्तीचे वय 40 वर्षे असून तो पिंपरी - चिंचवड भागातील रावेत येथील राहणारा आहे. या व्यक्तीला पिंपरी चिंचवड पोलिसांनी ताब्यात घेतले आहे. या व्यक्तीने नशा करून खोडसाळपणे फोन केल्याची माहिती देण्यात आली आहे. पिंपरी - चिंचवड पोलिसांकडून या व्यक्तीविरोधात गुन्हा दाखल करण्याची प्रक्रिया सुरु आहे.
सध्या मोबाईल आणि समाज माध्यमांमुळे कुटुंबांमधील रेशीमगाठी विस्कटू लागले आहेत राज्यात अनेक कुटुंब न्यायालयांमध्ये केसेसची संख्या वाढू लागली आहे याच पार्श्वभूमीवर नाशिकमध्ये पत्नीकडून अत्याचार करणाऱ्या पतींची एक भव्य परिषद राष्ट्रीय पातळीवर आयोजितकरण्यात आली होती.
महायुतीने बहुमत मिळवत राज्यात सत्ता स्थापन करताच आता अनेकांना शिवसेनेसह भाजपामध्ये पुन्हा एकदा परतण्याची घाई झालीय. निवडणुकीपूर्वीच राष्ट्रवादीमध्ये गेलेले एकनाथ खडसे भाजपमध्ये दाखल होणार होते मात्र त्यांची तळ्यात मळ्यात स्थिती होती. आता फडणवीस यांच्यासोबत एकनाथ खडसेंनी यांनी दिलजमाईचे संकेत दिल्याने पुन्हा एकदा खमंग राजकीय चर्चेला सुरुवात झाली आहे.
शिवसेनेचे आमदार तानाजी सावंत यांना मंत्रिमंडळात घेऊन पुन्हा आरोग्य खात्याचा पदभार त्यांच्याकडे द्यावा या मागणीसाठी आज पंढरपुरात संत नामदेव पायरी येथे महिलांनी विठुरायाच्या प्रतिमात्मक मूर्तीला अभिषेक घातला. विठुरायाची आरती केली आरोग्य मंत्री असताना सावंत यांनी महिलांसाठी विविध कुटुंब कल्याण योजना आरोग्य विभागाच्या माध्यमातून राबवल्या आहेत. त्यामुळे पुन्हा त्यांनाच आरोग्य मंत्री करावं असं साकडे विठ्ठलाला घातले आहे. यावेळी महाराज मंडळींनी भजन कीर्तन करत हरिनामाचा गजर केला.
यवतमाळच्या दिग्रस मतदारसंघातून सलग पाचव्यांदा विधानभवनाची पायरी चढणारे आमदार संजय राठोड यांची मंत्रिमंडळात वर्णी लागू नये यासाठी षडयंत्र रचल्या गेले आहे आणि ते बंजारा समाज हाणून पाडेल असा निर्वाणीचा ईशारा बंजारा महंतांनी दिला आहे. दिग्रस दारव्हा नेर येथून मोठ्या संख्येने बंजारा समुदाय पदयात्रेद्वारे पोहरागडावर पोहोचले, याठिकाणी भोग अरदास करून संजय राठोड याना कॅबिनेट मंत्रीपद मिळावे यासाठी साकडे घालण्यात आले. संजय राठोड बंजारा व बहुजन समाजाचे नेतृत्व आहे, पोहरागडाचा त्यांनी प्रचंड विकास केला, त्यामुळे बंजारा समाज महायुतीच्या बाजूने राहिला मात्र तरीही त्यांच्या मंत्रीमंडळातील समावेशाबाबत कारस्थान रचल्या जात असेल तर बंजारा समाज देशात पश्चाताप रैली काढून उत्तर देईल असा इशारा यावेळी महंत कबीरदास महाराज यांनी दिला.
लातूरच्या अहमदपूरमधील तळेगावच्या 103 शेतकऱ्यांना वक्फ बोर्डाने नोटीस पाठवली आहे. महाराष्ट्र राज्य वक्फ न्यायाधिकरण संभाजीनगरच्या न्यायालयाकडून याबाबत याचिका दाखल करण्यात आली आहे. मात्र या शेतकऱ्यांकडून या दाव्याचा विरोध केला जात आहे. वडिलोपार्जित जमिनी पिढ्यान पिढ्या आपल्याच वहिवाटीखाली आहेत. त्या वक्फ बोर्डाच्या नाहीत असं शेतकऱ्यांकडून सांगण्यात आलं आहे. यासाठी शेतकऱ्यांनी आपल्याला या प्रकरणी शासनाने मुख्यमंत्री देवेंद्र फडणवीस यांनी न्याय मिळवून द्यावा अन्यथा आम्हाला आत्महत्या केल्याशिवाय पर्याय राहणार नाही असं शेतकऱ्यांनी सांगितलं.
शिवसेना ठाकरे गटाचे दोन आमदार शपथविधीला अनुपस्थित होते. वरूण सरदेसाई हे पूर्वनियोजित दौऱ्यामुळे मुंबई बाहेर असल्याकारणाने शपथ घेऊ शकले नाहीत. मनोज जामसुतकर हे तब्येत ठीक नसल्याने आणि रुग्णालयात उपचार घेत असल्याने शपथ घेऊ शकले नाहीत.
विधानसभेत कोण विरोधी पक्षनेता असेल हा सर्वाधिकार विधानसभा अध्यक्षांचा आहे. मी अजून विधानसभेचे अध्यक्ष बनलो नाही. पण अध्यक्ष झाल्यानंतर जर माझ्याकडे अशा प्रकारचा कोणता प्रस्ताव आला तर मी योग्य विचार करून निर्णय घेईन असे राहुल नार्वेकर म्हणाले.
घरी बसणाऱ्यांना लोक मतदान करत नाहीत : एकनाथ शिंदे
विरोधकांकडून दुटप्पीपणा सुरु, घरी बसणाऱ्यांना लोक मतदान करत नाहीत. विरोधात निकाल लागल्यानं विरोधकांचा सुप्रीम कोर्टावरही आक्षेप. विरोधकांकडे आता मुद्दा राहिलेला नाहीये. लोकसभेच्या निकालानंतर ईव्हीएमवर विरोधकांनी आक्षेप घेतला नाही. असं एकनाथ शिंदे म्हणाले.
अबू आझमी भाजपची बी टीम म्हणून काम करतेय. EVM विरोधात महाविकास आघाडीचे आंदोलन सुरु आहे. बॅलेट पेपरवर निवडणूक घ्या अशी जनतेची मागणी असल्याचं आदित्य ठाकरे यांनी म्हटलं आहे.
मंत्रिमंडळात समावेशासाठी आमदारांचं प्रगती पुस्तकं
संजय राठोड, अब्दुस सत्तार नापास
शिवसेना आमदार, मंत्र्यांचं प्रगती पुस्तर तयार
विधानसभा अध्यक्षपदी राहुल नार्वेकर यांचं नाव निश्चित झालं आहे. राहुल नार्वेकरांची निवड बिनविरोध झाली आहे. दुपारी 12 वाजेपर्यंत अर्ज भरण्याची मुदत होती. नार्वेकरांचा एकमेव अर्ज या वेळेत आल्यामुळे त्यांच्या नावावर शिक्कामोर्तब झाला आहे.
विधानसभा अध्यक्षपदासाठी राहुल नार्वेकरांनी अर्ज दाखल केला आहे. चंद्रशेखर बावनकुळेंच्या उपस्थितीत राहुल नार्वेकरांनी अर्ज भरला आहे. आता भाजपचे कालिदास कोळंबकर विधानसभेचे हंगामी अध्यक्ष आहेत. कोळंबकर हे दुसऱ्यांदा हंगामी अध्यक्ष आहेत.
मारकरवाडी येथे EVM विरोधात गावकरी एकत्र आले आहेत. आज राष्ट्रवादीचे संस्मथापक शरद पवार मारकडवाडीतील गावकऱ्यांशी संवाद साधणार आहेत. या सगळ्या पार्श्वभूमीवर चंद्रशेखर बानवकुळे म्हणाले की, मारकडवाडीतील सर्व गावकरी ही सामान्य जनता नाही. तर ते सर्व शरद पवार यांचे कार्यकर्ते आहेत. तसेच महाराष्ट्राला महाविकास आघाडीकडून अपेक्षा नाही तर महाराष्ट्राला महायुतीकडून अपेक्षा आहे, त्यामुळे हा निकाल लागला. आता सर्व नवटंकी सुरू असल्याचं देखील बावनकुळे म्हणाले.
तसेच पुन्हा महाराष्ट्राचे नाव बदनाम करत आहेत असा आरोपही बावनकुळे यांनी लावला आहे. त्याचप्रमाणे महाविकास आघाडीचे जे जे ईव्हीएम वर निवडून आले आहेत त्या सर्वांनी राजीनामे दिले पाहिजेत, असंही यावेळी बावनकुळे म्हणाले. महाविकास आघाडीच्या सर्वांनी राजीनामे दिले पाहिजेत. तसेच आमचा सुद्धा कधीतरी पराभव झाला होता पण मोदींच्या नेतृत्वात आम्ही जिंकत आहोत, असं म्हणतं पुन्हा एकदा पंतप्रधान नरेंद्र मोदी यांचं महत्त्व अधोरेखित केलं आहे. तसेच आता शरद पवार यांनी सुद्धा पराभव स्वीकारला पाहिजे, असा खोचक टोळा देखील लगावला.
सीरियाचे राष्ट्राध्यक्ष बशर अल-असद यांचे विमान कोसळले असल्याची माहिती सूत्रांनी दिली आहे. रडारवरून गायब झाल्यानंतर राष्ट्राध्यक्ष असद यांचे विमान क्रॅश झाल्याचे सांगण्यात येत आहे. राष्ट्राध्यक्ष बशर अल-असद यांचे विमान होम्स शहराजवळ क्रॅश झाले आहे. बंडखोरांनी सीरियाची राजधानी दमास्कस ताब्यात घेतली असून सीरियात कब्जा केल्यानंतर सत्तापालट होण्याची शक्यता वर्तवली आहे.
मारकडवाडीत शरद पवार दाखल झाले आहेत. शरद पवारांसोबत जयंत पाटीलही दाखल झाले आहेत. थोड्याच वेळात मारकडवाडी ग्रामस्थांशी शरद पवार संवाद साधणार आहेत. ईव्हीएम विरोधात जानकरांनी घेतलेल्या भूमिकेवर आज शरद पवार, जयंत पाटील चर्चा करणार आहेत. ग्रामस्थांकडून EVM विरोधात गावात बॅनरबाजी करण्यात आली आहे.
काल माझ्यापर्यंत मविआचा मॅसेज पोहचला नसल्याने मी शपथ घेतली. परंतु मी महाविकास आघाडीसोबतच आहे आणि पुढेही राहणार आहे. कुठलाही संभ्रम मनात नाही, असा खुलासा माकपचे आमदार विनोद निकोल यांनी केला आहे. ईव्हीएमबाबत माझ्या पक्षाने अद्याप भूमिका जाहीर केलेली नाही. त्यामुळं मी वरिष्ठांशी बोलून भूमिका जाहीर करेन, असं म्हटलं आहे.
11 व 12 डिसेंबरला मंत्रिमंडळ विस्तार होण्याची शक्यता कमीच. मंत्र्यांच्या नावांची निवड, तीनही नेत्यांची नावांवर चर्चा आणि मग केंद्रातुन मंजुरी याला प्रकियेला वेळ लागण्याची शक्यता व्यक्त केली जात आहे. उद्या 9 डिसेंबरपर्यंत चालणार विशेष अधिवेशन त्यामुळे एका दिवसात ही सर्व प्रकिया होणे कठीण आहे. त्यामुळे शिवसेना नेत्यांनी सांगितल्याप्रमाणे 11-12 डिसेंबरला मंत्रिमंडळ विस्तार होण्याची चिन्हं धुसर असल्याची माहिती खात्रीलायक सुत्रांनी दिली आहे.
राष्ट्रवादीचे संस्थापक शरद पवार हे माळशिरस विधानसभा मतदारसंघातील मारकडवाडीच्या दिशेने रवाना झाले आहेत. हे छोटसं गाव ईव्हीएमविरोधी भूमिकेमुळे संपूर्ण देशात चर्चेत आलं आहे.
उत्तर प्रदेशचे मुख्यमंत्री योगी आदित्यनाथ यांच्या भोसरी येथील सभेत गोंधळ घालून महिला शिपायास शिवीगाळ करणऱ्या एकाचा अटकपूर्व जामीन अर्ज जिल्हा न्यायाधीश एस. आर. पहाडे यांनी फेटाळून लावला. ऋतिक लांडगे असे जामीन फेटाळलेल्याचे नाव आहे. याबाबत एका महिला पोलिस शिपायाने भोसरी पोलिस ठाण्यात फिर्याद दिली होती. या गुन्ह्यात अटकपूर्व जामीन मिळविण्यासाठी लांडगे याने वकिलांमार्फत शिवाजीनगर न्यायालयातील अतिरिक्त सत्र न्यायाधीश एस. आर. पहाडे यांच्या न्यायालयात अर्ज केला. जिल्हा सरकारी वकील प्रमोद बोंबटकर यांनी अटकपूर्व जामीन अर्जास विरोध केला. आरोपीने सार्वजनिक ठिकाणी मोठ्या जनसमुदायासमोर अश्लील आणि असभ्य वर्तन केले आहे. अतिमहत्वाच्या व्यक्तीच्या सभेच्या ठिकाणी सुरक्षेसाठी लावण्यात आलेले लोखंडी कठडे (बॅरीकेट) ओलांडुन व्यासपीठाच्या दिशेने लांडगे निघाला होता. त्यावेळी महिला पोलीस कर्मचाऱ्याने त्यााला रोखण्याचा प्रयत्न केला. अतिमहत्वाच्या व्यक्तीजवळ पोहोचुन त्याच्या सुरक्षिततेस धोका निर्माण करण्याचा आरोपीचा उद्देश होता किंवाकसे याबाबत तपास करायचा असल्याने त्याचा अटकपूर्व जामीन फेटाळण्याची विनंती अॅड. बोंबटकर यांनी युक्तिवादात केली. सरकारी वकिलांचा युक्तिवाद ग्राह्य धरुन न्यायालायने लांडगे याचा अटकपूर्व जामीन अर्ज फेटाळून लावला.
प्रसिद्ध चित्रपट निर्माते आणि दिग्दर्शक सुभाष घई यांना मुंबईतील लिलावती रुग्णालयात दाखल करण्यात आले असून त्यांच्यावर आयसीयूमध्ये उपचार सुरु असल्याची माहिती समोर येत आहे.
मुंबई महानगर प्रदेशात आता बऱ्यापैकी हिवाळा सुरू झाला आहे. किमान तापमानात चढ-उतार नोंदविण्यात येत आहेत. सध्याच्या दिवसांमध्ये मुंबईसह लगतच्या परिसरात परदेशी पाहुणे पक्षी दाखल होऊ लागले आहेत. त्यात फ्लेमिंगोसह इतर पक्ष्यांचा समावेश आहे. पाणथळ जागा, समुद्रकिनारे, तलाव आणि खारफुटीसारख्या जागा त्यांच्या जगण्याचे सध्याचे ठिकाण आहे. हिवाळा संपल्यानंतर हे पक्षी पुन्हा आपल्या देशाकडे रवाना होतात. ऑक्टोबरनंतर परदेशी पक्षी येथे दाखल होऊ लागतात. यात पाणपक्षी मोठ्या प्रमाणावर असतात. ग्रेटर फ्लेमिंगो आणि लेसर फ्लेमिंगोंची संख्या मोठी असते. गेल्या काही वर्षांपासून फ्लेमिंगो वर्षभर मुंबईत आढळून येतात.
मुंबई शहर आणि उपनगरातील प्रदूषणाला कारणीभूत ठरणाऱ्या बेकऱ्या आता मुंबई महापालिकेच्या रडारवर आल्या आहेत. पालिकेने जवळपास 1200 बेकरींना नोटीस पाठविली असून, बेकरी मालकांनी भट्टया पेटविण्यासाठी इंधन म्हणून लाकडाचा वापर न करतात विजेचा किंवा गॅसचा वापर करावा, असे निर्देश दिले आहेत. बेकरी मालक भट्टी पेटवण्यासाठी मोठ्या प्रमाणावर लाकडाचा वापर करतात. त्यामुळे त्याचा काळा धूर हवेत मिसळत असल्याने प्रदूषणात भर पडते. उच्च दर्जाच्या लाकडासाठी जास्त खर्च येत असल्याने बेकरी मालक-चालक प्रामुख्याने जुन्या, पाडण्यात आलेल्या इमारतींच्या लाकडाचा जाळण्यासाठी वापर करतात. जवळपास 47 टक्के बेकऱ्यांच्या भट्टया या लाकडावर पेटवल्या जातात. त्यासाठी सुमारे 130 किलो लाकूड लागते.
मतपत्रिकेवर मतदान घेण्याचा प्रयत्न करणाऱ्या माळशिरस तालुक्यातील मारकरवाडी गावाला आज शरद पवार भेट देणार आहेत. गावात नुकतेच मतपत्रिकेवर मतदान करण्याचे काहींनी आवाहन करत तशी चाचणी घेण्याचा प्रयत्न केला होता. प्रशासनाने ही प्रक्रिया थांबवल्याच्या पार्श्वभूमीवर आज शरद पवार गावास भेट देऊन गावातील नागरिकांशी संवाद साधणार आहे.. अंदाजे दहा वाजेपर्यंत शरद पवार हेलिकॉप्टरने मारकरवाडी पोचतील. दरम्यान, पवारांच्या दौऱ्याच्या पार्श्वभूमीवर परिसरातील भाजप कार्यकर्त्यांनी मारकरवाडी गावात भाजप आणि मुख्यमंत्री फडणवीस यांच्या अभिनंदनाचे फलक लावल्याने गावात काहीसे वातावरण तापू लागले आहे.
साताऱ्यातील प्रतापगडावर आज शासनाकडून शिवप्रताप दिन साजरा केला जाणार आहे. यात हेलिकॉप्टरमधून छत्रपती शिवाजी महाराजांच्या पुतळ्यावर पुष्पवृष्टी केली जाते.
विधानसभेच्या अध्यक्षपदाची निवडणूक 9 डिसेंबरला होणार आहे. आज दुपारपर्यंत अर्ज भरता येणार आहे. हंगामी अध्यक्ष कालिदास कोळंबकर यांनी यासंदर्भात विधानसभेत घोषणा केली.
ईव्हीएमविरोधी आंदोलनाचा केंद्रबिंदू मारकडवाडी होण्याची शक्यता आहे. राष्ट्रवादीचे सर्वेसर्वा शरद पवार आणि जयंत पाटील आज मारकडवाडी दौऱ्यावर आहेत. शरद पवार गटाचे नवनिर्वाचित आमदार उत्तमराव जानकर यांनी ईव्हीएमविरोधात घेतलेल्या भूमिकेबाबत चर्चा करणार आहेत. तसेच मारकडवाडीत राहणाऱ्या गावकऱ्यांशी देखील शरद पवार संवाद साधणार आहेत. आज सकाळी साडेदहा वाजता शरद पवार, जयंत पाटील जाणार माळशिरस मतदारसंघातील मारकडवाडी गावाच्या दौऱ्यावर जाणार आहेत.
शेतकरी आज पुन्हा दिल्लीकडे कूच करणार आहेत. एसकेएम नेते पंढेर यांनी शनिवारी ही घोषणा केली. शंभू सीमेवर शेतकरी उभे आहेत. पंढेर शनिवारी बोलताना, उद्या शेतकरी दिल्लीकडे कूच करणार आहेत, सांगितलं. शंभू सीमेवर आंदोलन करणाऱ्या शेतकरी संघटना आपल्या मागण्यांवर ठाम आहेत. शंभू सीमेवरील शेतकरी नेते सर्वनसिंग पंढेर यांनी सांगितले की, आपण सरकारच्या निमंत्रणाची वाट पाहत आहोत. सरकारकडून चर्चेचा प्रस्ताव न आल्यास 101 शेतकरी रविवारी दुपारी 12 वाजता शांततेत आंदोलन करतील.
मुख्यमंत्र्यांच्या शपथविधी सोहळ्यात चोरांचा सुळसुळाट पाहायला मिळाला. 4 महिलांसहीत 11 जणांच्या सोन्याच्या चैनींवर चोरांनी डल्ला मारला. तर कार्यकर्त्यांची हजारोंची रोकड घेऊन चोर पसार झाले आहेत. चोरांनी तब्बल 12 लाख रुपयांचे ऐवज लंपास केला.
आज सकाळी 10.30 वाजता महाविकास आघाडी एकत्र येऊन पाय-यांवर आंदोलन करणार आहे. छत्रपती शिवाजी महाराजांच्या पुतळ्याला अभिवादन करुन मविआचे नेते पुढील निर्णय घेणार आहेत.
आज सकाळी मविआच्या सर्व आमदारांची बैठक होणार आहे. आमदारांची बैठक सकाळी 10 वाजता होणार आहे. मविआच्या आंदोलनाआधी ही बैठक होणार आहे.
आज सकाळी 10.30 वाजता महाविकास आघाडी एकत्र येऊन पाय-यांवर आंदोलन करणार आहे. छत्रपती शिवाजी महाराजांच्या पुतळ्याला अभिवादन करुन मविआचे नेते पुढील निर्णय घेणार आहेत.
पंचायत राज पुरस्कारात महाराष्ट्र शासनाला 6 पुरस्कार मिळाले आहेत. तत्कालीन ग्रामविकास मंत्री गिरीश महाजन यांच्याकडून पुरस्कार प्राप्तीसाठी ग्रामपंचायत, पंचायत समित्यांचे अभिनंदन करण्यात आलं आहे. 2022 ते 2024 काळातील कामासाठी केंद्राकडून महाराष्ट्राचा सन्मान करण्यात आला आहे. दीनदयाळ उपाध्याय पंचायत पुरस्कार, नानाजी देशमुख सर्वोत्तम पंचायत पुरस्कार, ग्राम ऊर्जा विशेष पुरस्कार, कार्बन न्यूट्रल कंट्रोलसह इतर पुरस्कारांनी महाराष्ट्राला सन्मानित करण्यात आलं आहे.
महाराष्ट्राच्या विधानसभेच्या विशेष अधिवेशनाचा आज दुसरा दिवस आहे. विरोधी पक्षाचे आमदार आज शपथ घेणार आहेत.
Thank you
By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts.
