Maharashtra Political Crisis Updates : राज्यातील सत्तासंघर्षावर शिंदे गटाचा जोरदार युक्तीवाद

Maharashtra Political Crisis Updates : महाराष्ट्रातील सत्तासंघर्षावर आज सुप्रीम कोर्टात पुन्हा सुनावणी झाली. संपूर्ण महाराष्ट्राचं लक्ष सत्तासंघर्षाच्या या सुनावणीकडं लागले आहे. आमदारांच्या अपात्रतेचा निर्णय विधानसभा अध्यक्षांकडे द्याच पण अध्यक्षांना निर्णय घेण्यासाठी विहित कालावधी देखील द्या, अशी मागणी करताना हरिश साळवे यांनी 2020 च्या मणिपूर केसचा दाखला दिला. संबंधित केसमध्ये सर्वोच्च न्यायालयाने ती महिन्यात अध्यक्षांनी निर्णय घ्यावेत, असे आदेश दिलेले होते.

Maharashtra Political Crisis Updates : Uddhav Thackeray vs Eknath Shinde : शिंदे गटाने ठाकरे सरकारविरोधात जोरदार युक्तीवाद केला. राजकीय पक्षाचे अस्तित्वच विधिमंडळ पक्षावर अवलंबून असते. नेत्याला प्रश्न विचारणे म्हणजे बंड नाही. त्यांना त्यांचं मत मांडण्याचा अधिकार असतो. अशा स्थितीत जर पक्षनेत्याला त्यांनी सवाल विचारले तर त्यांचे चुकले कुठे? सत्ताधारी मुख्यमंत्र्यांवर जर का अविश्वास असेल तर राज्यपालांनी बहुमत चाचणीचे आदेश देण्यात गैर काय? असे प्रश्न विचारत आमदारांच्या अपात्रतेचा निर्णय विधानसभा अध्यक्षांकडेच द्या, असा आक्रमक युक्तिवाद करुन शिंदे गटाच्या वकिलांनी ठाकरेंना अडचणीत आणण्याचा प्रयत्न केला. 

मंगळवारपासून पुन्हा सुनावणीला सुरुवात झाली आहे. सरन्यायाधीश धनंजय चंद्रचूड यांच्या अध्यक्षतेखालील पाच न्यायमूर्तींच्या खंडपीठासमोर ही सुनावणी सुरु आहे. मागील आठवड्यातील सुनावणीत शिंदे गटाकडून हरीश साळवे यांनी शिवसेनेकडून  युक्तिवाद केला होता.  आमदारांच्या अपात्रतेचा निर्णय विधानसभा अध्यक्षांकडे द्याच पण अध्यक्षांना निर्णय घेण्यासाठी विहित कालावधी देखील द्या, अशी मागणी करताना हरिश साळवे यांनी 2020 च्या मणिपूर केसचा दाखला दिला. संबंधित केसमध्ये सर्वोच्च न्यायालयाने ती महिन्यात अध्यक्षांनी निर्णय घ्यावेत, असे आदेश दिलेले होते.

14 March 2023

14 March 2023 13:20 PM

Maharashtra Political Crisis Updates : Uddhav Thackeray vs Eknath Shinde : जेठमलानी घटनांच्या टाइमलाइनद्वारे कोर्टात मुद्दे मांडत आहेत. उद्धव ठाकरे यांनी 21 जून रोजी एकनाथ शिंदे यांची विधिमंडळ नेतेपदावरुन हकालपट्टी केली होती. त्यानंतर समेट होण्याची शक्यता नव्हती. 

14 March 2023 12:49 PM

ॲड महेश जेठमलानी युक्तीवाद करणार

Maharashtra Political Crisis Updates : Uddhav Thackeray vs Eknath Shinde :  जर राज्यपालाचे समाधान झाले असेल की सरकारने विश्वासमत गमावलं आहे, तर फ्लोअर टेस्ट घेणे हे राज्यपालांचे कर्तव्य आहे. - नीरज किशन कौल, शिंदेचे वकील

दरम्यान, निरज किशन कौल यांचा युक्तीवाद संपला असून आता ॲड महेश जेठमलानी युक्तीवाद करणार आहेत

14 March 2023 12:41 PM

नीरज कौल यांच्या युक्तिवादावर घटनापीठाचा सवाल 

Maharashtra Political Crisis Updates : Uddhav Thackeray vs Eknath Shinde :  गटनेता हा विधानसभा अध्यक्ष, राज्यपालांच्या संपर्कात असतो. त्याचे ते कामच असते. विधिमंडळात तो पक्षाच प्रतिनिधित्व करत असतो. केंद्रीय निवडणूक आयोग, राज्यपाल, विधानसभा अध्यक्ष या सर्व संवैधानिक संस्थांना बायपास करत त्यांचे निर्णय रद्द करण्याची मागणी ठाकरे गटाकडून केली जात आहे. हे योग्य नाही.

नीरज कौल यांच्या या युक्तिवादावर घटनापीठाने सवाल केला की, तुमचे म्हणणे मान्य केले तर विधानसभा अध्यक्षांच्या मदतीने कुणीही पक्ष ताब्यात घेऊ शकतो का? यावर नीरज कौल म्हणाले की, सर्व संवैधानिक संस्था बाजूला ठेवून सुप्रीम कोर्ट निर्णय घेऊ शकत नाही. 

विधानसभेतील गटनेताच पक्षाची भूमिका ठरवतो. विधानसभा अध्यक्षांना आमदारांच्या अपात्रतेचा अधिकार आहे. राज्यपालांना बहुमत चाचणीचा अधिकार आहे. निवडणूक आयोगाला पक्ष कुणाचा, हे ठरवण्याचा अधिकार आहे. या सर्व संवैधानिक यंत्रणा बाजूला ठेवून आम्ही निर्णय घेतो, असे कोर्ट म्हणू शकेल का? स्वायत्त संस्थांचे अधिकार बायपास करण्यासाठीच ठाकरे गट सुप्रीम कोर्टात आला आहे.

14 March 2023 11:53 AM

Maharashtra Political Crisis Updates : Uddhav Thackeray vs Eknath Shinde :  आमदारांची संख्या मोजणी राजभवनात नाही तर सभागृहात होते हे बोम्मई निकालाने स्पष्ट केले आहे.  राज्यपाल राजभवनात आमदार कोणाकडे आहे हे बेरीज करू शकत नाहीत. राजकारण राजभवनात येण्यापासून रोखायला हवे, असा युक्तिवाद  हरिश साळवे यांनी केला आहे.

14 March 2023 11:52 AM

Maharashtra Political Crisis Updates : Uddhav Thackeray vs Eknath Shinde :  राज्यपालांची चुकीचं काय केलं ? तत्कालिन मुख्यमंत्री उद्धव ठाकरेंनी राजीनामा दिला आणि तो राजीनामा स्वीकारला गेला. राहीला मुद्दा अपात्रतेचा तर तो विधानसभा अध्यक्ष योग्य वेळेत निर्णय घेतील, असा युक्तिवाद  हरिश साळवे यांनी केला आहे.

14 March 2023 11:51 AM

Maharashtra Political Crisis Updates : Uddhav Thackeray vs Eknath Shinde :  राज्यपालांनी फ्लोर टेस्ट बोलावून काहीही चूक केली नाही.  नबाम रेबियाच्याबाबतीत, कदाचित त्यावर पुनर्विचार करणे आवश्यक आहे, असा युक्तिवाद  हरिश साळवे यांनी केला आहे.

14 March 2023 11:29 AM

Maharashtra Political Crisis Updates : Uddhav Thackeray vs Eknath Shinde :  सत्ता संघर्षावर सुप्रीम कोर्टात सुनावणी सुरु. आज एकनाथ शिंदे तर्फे हरिश साळवे नीरज किशन कौल, मनिंदर सिंग, SG तुषार मेहता युक्तीवादकरणार आहेत. आता हरिश साळवे हे युक्तिवाद करत आहेत.

14 March 2023 10:50 AM

Maharashtra Political Crisis Updates : Uddhav Thackeray vs Eknath Shinde :  सत्तासंघर्ष : आत्तापर्यंत काय घडलं ?

सुनावणी दरम्यान न्यायालयाने उपस्थित केलेले मुद्दे
- तुम्हीच शिवसेना हे विधिमंडळ ठरवू शकत नाही.
- अपात्रतेच्या नोटिसा बजावलेले आमदार मतदान कसे करतात?
- आमदार अपात्रतेचे अधिकार विधानसभा अध्यक्षांचेच आहेत.
- ठाकरे सरकार बहुमत चाचणीला सामोरे गेले नाही.
- राज्यपालांनी राजकारणात दखल देऊ नये.

14 March 2023 10:46 AM

Maharashtra Political Crisis Updates : Uddhav Thackeray vs Eknath Shinde : ठाकरे गटाकडून मोठा युक्तिवाद

- राज्यपालांचे बहुमताचे आदेशच रद्द करा.
- कायदेशीर असलेले ठाकरे सरकार आमदार खरेदी करून पाडण्यात आले.
-राज्यपालांची भूमिका घटनात्मक राजकारणाच्या वैधतेबाबत चुकीची आहे.
- शिवसेनेतील फुटीला राज्यपालांनी थेट मान्यता दिली. ते तसे करू शकतात का?
- पक्षांतर बंदी कायद्यातील दहाव्या परिशिष्टातील तरतुदींना हरताळ फासून हे सत्तांतर झाले आहे.
- अपात्रतेची कारवाई प्रलंबित असताना आमदारांचा गट सरकार पाडू शकतो का?
- अपात्रतेची कारवाई प्रलंबित असताना आमदारांचा गट विधानसभाध्यक्षांच्या निवडणुकीत सहभाग घेऊ शकतो का?
- अपात्रतेची कारवाई प्रलंबित असताना राज्यपालांनी शिंदेंना शपथ दिलीच कशी?
प्रतोदचे नेमणूक पक्षप्रमुख करतात

14 March 2023 10:44 AM

Maharashtra Political Crisis Updates : Uddhav Thackeray vs Eknath Shinde : शिंदे गटाकडूनही जोरदार युक्तिवाद 

-  हा मुद्दा पक्षफुटीचा नसून पक्षांतर्गत वादाचा आहे.
-  आमदारांनी विधिमंडळात बहुमताने निर्णय घेतले आहेत, यात हस्तक्षेप करू नये.
-  पक्ष कुणाचा हे ठरवण्याचा अधिकार निवडणूक आयोगाला आहे. कोर्टाला नाही.
-  उपाध्यक्षांविरोधात अविश्वास प्रस्ताव असल्याने त्यांना आमदारांना अपात्र ठरवण्याचा अधिकार नाही.
-  आमदारांच्या जिवाला धोका असल्यामुळे आमदार गुवाहाटीत होते.
-  उद्धव ठाकरे बहुमत चाचणीला सामोरे गेले नाहीत म्हणून सरकार पडले.

14 March 2023 10:40 AM

Maharashtra Political Crisis Updates : Uddhav Thackeray vs Eknath Shinde : राज्यातील सत्तासंघर्षावर थोड्याच वेळात सुनावणी होणार आहे. दरम्यान, जनतेच्यावतीने न्यायालयात याचिका दाखल केलेल्या ॲड. असिम सरोदे यांना देखील  बाजू मांडण्याची संधी मिळू शकते. दरम्यान न्यायालयाने गेल्या सुनावणीच्या वेळी ॲड असिम सरोदे यांना देखील लिखित स्वरुपात आपलं म्हणणं मांडण्यास सांगितलं आहे.

14 March 2023 07:17 AM

Maharashtra Politics Crisis Updates : Uddhav Thackeray vs Eknath Shinde : महाराष्ट्रातील सत्तासंघर्षावर आज सुप्रीम कोर्टात पुन्हा सुनावणी होणार आहे. (Maharastra Political News) आज या सुनावणीत काय युक्तिवाद होतो, याची उत्सुकता आहे. संपूर्ण महाराष्ट्राचं लक्ष सत्तासंघर्षाच्या या सुनावणीकडं लागले आहे. येत्या 48 तासांत सत्ता संघर्षांची सुनावणी संपणार आहे. एकनाथ शिंदे आणि उद्धव ठाकरेंचं राजकीय भवितव्य या निकालावर अवलंबून आहे. सकाळी 11 वाजता सुनावणीला सुरुवात होईल. 2 मार्चला झालेल्या मागील सुनावणीत ठाकरे गटाचा युक्तीवाद पूर्ण झाल्यानंतर शिंदे गटाने युक्तिवाद सुरु केला आहे.

 शिंदे गटाच्यावतीनं ज्येष्ठ वकील निरज किशन कौल आणि ज्येष्ठ वकील हरीश साळवे यांनी युक्तिवाद केला. आजही त्यांचा युक्तिवाद होईल. त्यानंतर शिंदे गटाच्यावतीने वकील मनिंदर सिंह आणि ज्येष्ठ वकील महेश जेठमलानी युक्तिवाद करतील. तसंच राज्यपालांच्यावतीने सॉलिटर जनरल तुषार मेहता बाजू मांडणार आहेत... त्यानंतर जनतेच्या वतीनं न्यायालयात याचिका दाखल करणारे वकील असिम सरोदे यांना देखील न्यायालय बाजू मांडण्याची संधी देऊ शकते.