महाराष्ट्रातील सर्वात खतरनाक गाव! इथंली लहान लेकरं खेळण्यांसोबत नाही तर जिवंत सांपासोबत खेळतात

महाराष्ट्रात एक असे गाव आहे जिथे घराघरात साप पाळले जातात. हे साप कुणालाच दंश करत नाहीत.

 Maharashtra Shetphal Snake Village : महाराष्ट्रातील सोलापूर जिल्ह्यात पुण्यापासून सुमारे 200 किमी अंतरावर एक शांत पण तितकचं खरतनाक गाव आहे. या गावातील  लहान लेकरं खेळ्यांसोबत नाही तर जिवंत सांपासोबत खेळतात. कारण, या गावात प्रत्येक घरात साप पाळले जातात. सोलापूर जिल्ह्यातील करमाळा तालुक्यात शेटफळ गाव हे सापांचे गाव म्हणून ओळखले जाते. जाणून घेऊय इथले लोक सापांसह इतके बिनधास्त कसे वावरतात.  

साप म्हंटल की सर्वांची बोबडी वळते. मात्र, शेटफळ गावातील लोक सापांना घाबरत नाहीत, तर त्यांच्यावर विश्वास ठेवतात. या गावात कोब्रा साप हे वन्यजीव नाहीत, तर कुटुंबाचा भाग आहेत. यामुळे शेटफळ गाव हे महाराष्ट्रातील रहस्यमयी गाव म्हणूनही ओळखले जाते. येथे विषारी साप आणि मानव एकाच छताखाली शांततेने राहतात. शेटफळमध्ये कोब्रा सापांसाठी एक खास ठिकाण आहे, ज्याला 'देवस्थानम' म्हणतात. मनुष्य आणि सापाचे नाते जगभरातील लोकांना आकर्षित करते.

शेटफळमध्ये साप चावल्याने एकही मृत्यू होत नाही हे आश्चर्यकारक आहे. जवळजवळ प्रत्येक घरात कोब्रा सापांसाठी एक खास जागा असते, जसे की एक बिळ किंवा कोपरा. हे साप पाळीव प्राणी नाहीत. हे भारतीय कोब्रा आहेत, जे जंगली आहेत आणि त्यांच्या इच्छेनुसार कुठेही येऊ शकतात आणि जाऊ शकतात. गावातील लोक, मुले कुणीच सापांना घाबरत नाही. सापाला भगवान शिवाचे दूत म्हणून येथे सापांचा आदर करायला शिकतात. लोकांचा असा विश्वास आहे की हे परस्पर समजूतदारपणा आणि देवाच्या आशीर्वादामुळे घडते.

येथे सापांची पूजा पाळीव प्राणी म्हणून नाही तर देवाचे पाहुणे म्हणून केली जाते. नाग पंचमीच्या दिवशी येथे एक विशेष उत्सव साजरा केला जातो. भारताच्या कानाकोपऱ्यातून पर्यटक या दिवशी येथे येतात. लोक सापांच्या देवतेची, नाग देवतेची पूजा करतात आणि पुजारी मंत्र पठण करतात. आणखी एक आश्चर्यकारक गोष्ट म्हणजे येथे सापांना बंदिवासात ठेवणे चुकीचे मानले जाते. साप मुक्त आहेत. नापंचमीच्या दिवशी महिला उपवास करतात आणि सापांच्या रांगोळ्या काढतात. त्या मातीचे दिवे लावतात आणि त्यांच्या कुटुंबाच्या कल्याणासाठी आणि सुरक्षिततेसाठी प्रार्थना करतात. आश्चर्याची गोष्ट म्हणजे, गेल्या अनेक दशकांपासून कोणीही कोब्रा सापांना हाकलून लावण्याचा प्रयत्न केलेला नाही. त्यांना देवाच्या आशीर्वादाचे आणि सौभाग्याचे प्रतीक मानले जाते.