पुण्यात नेमकं चाललंय काय? सांस्कृतिक राजधानी म्हणून ओळखलं जाणारं पुणे क्राईममध्ये अग्रेसर होत असल्याच्या बातम्या समोर येत आहे. पुणे एअरपोर्टवर तीन विद्यार्थ्यांच्या पुस्तकात तब्बल 4 लाख डॉलर जप्त करण्यात आले आहेत. म्हणजे तब्बल साडेतीन कोटी रुपये जप्त करण्यात आले आहेत. ही मुलं दुबईत जात असताना त्यांच्यावर ही कारवाई करण्यात आली आहे.
कस्टम अधिकाऱ्यांना संशय आहे की,ही विदेशी रक्कम दुबईन नेण्यात येत होती. 20 वर्षीय तीन विद्यार्थ्यांचा यामध्ये समावेश आहे. या प्रकरणात पुण्यातील ट्रॅव्हल एजंट खुशबू अग्रवाल आणि मुंबईचे पॉरेक्स ट्रेडरला अटक करण्यात आली होती. ट्रॅव्हल एजंटने या विद्यार्थ्यांची दुबईची तिकिट बुक केलं होतं.
पुणे कस्टम्सच्या म्हणण्यानुसार, अधिकाऱ्यांना आधीच माहिती होती की तीन विद्यार्थिनी नोटबुकमध्ये लपवून मोठ्या प्रमाणात परकीय चलन तस्करी करण्याचा प्रयत्न करत आहेत. दुबईत पोहोचल्यानंतर, भारतीय अधिकाऱ्यांच्या विनंतीवरून, तिन्ही विद्यार्थिनींना भारतात परत पाठवण्यात आले. 17 फेब्रुवारी रोजी दुबईहून पुण्याला येणाऱ्या या तीन विद्यार्थ्यांना पुणे विमानतळावर रोखण्यात आले. एअर इंटेलिजेंस युनिट (एआययू) च्या अधिकाऱ्यांनी त्यांची कसून तपासणी केली. शोध दरम्यान, त्यांना तब्बत 3.47 कोटी रुपयांसह पकडले. या विद्यार्थिनींच्या बॅगांमध्ये असलेल्या अनेक नोटबुकच्या पानांमध्ये 100 डॉलरच्या नोटा लपवल्या होत्या.
Newsletter