छोट्याशा रोलसाठी डायरेक्टरची मोठी डिमांड, '12वी फेल'च्या मेधा शंकरचा कास्टिंगबद्दल धक्कादायक खुलासा

12th Fail Medha Shankar: '12th Fail' हा चित्रपट सध्या सगळीकडे चर्चेत आहे. सिनेमाची कथा, त्यातील पात्र, गाणी या सर्वांबद्दलच लिहिलं, बोललं जात आहे. प्रत्येकजण सिनेमा पाहून इतरांना पाहण्यासाठी प्रोत्साहित करतोय.

सिनेमाची अभिनेत्री मेधा शंकरदेखील सिनेमामुळे नॅशनल क्रश बनली आहे. तिच्या फॉलोअर्समध्ये प्रचंड वाढ झाली आहे. इंडस्ट्रीत अनेक वर्षे स्ट्रगल केल्यानंतर मेधाला यशाची किल्ली सापडली आहे. 

मेधा शंकरने तिला आलेल्या कास्टिंग काउचबद्दल भाष्य केले आहे. कास्टिंग काउचचे भयाण वास्तव तिने सांगितले आहे. 2020 मध्ये या चित्रपटात श्रद्धा जोशीचे कॅरेक्टर साकारताना काय अनुभव आला? ते जाणून घेऊया. 

12वी फेल या चित्रपटातील मुख्य अभिनेत्री मेधा शंकरदेखील सध्या चर्चेत आहे. मला सुरुवातीपासूनच अभिनेत्री बनायचे होते पण इंडस्ट्रीतील कास्टिंग काउचची खूप भीती वाटत होती, असे तिने सांगितले. 

कारण अनेकदा असं होतं की, कोणतीही छोटी भूमिका मिळवण्यासाठी दिग्दर्शक अनेक मोठ्या मागण्या करतात. मला या गोष्टीला तोंड द्यायचं नव्हतं, अशा परिस्थितीत हिरोईन बनण्याचा निर्णय घेण्यापूर्वी मी अनेक वेळा विचार केल्याचे मेधाने सांगितले.

माझ्या अभिनेत्री बनण्याच्या निर्णयाला संपूर्ण कुटुंबाचा विरोध होता. माझ्या पालकांना अभिनयातील करिअर अजिबात आवडले नव्हते. मुंबईत येण्यासाठी मला आई-वडिलांशी खूप संघर्ष करावा लागल्याचे मेधाने एका मुलाखतीदरम्यान सांगितले.

2020 हे वर्ष इतरांप्रमाणे मेधासाठीदेखील खूप वाईट होते. संपूर्ण देशात लॉकडाऊन होता. त्यावेळी माझ्याकडे पैसेही नव्हते. मला कोणतेही काम मिळत नव्हते. माझे जग उद्ध्वस्त झाल्यासारखे वाटत होते अशी आठवण मेधाने सांगितली. 

अशावेळी मला 3 प्रोजेक्टमधून काढून टाकण्यात आले. पण मी हार मानली नाही आणि आज '12वी फेल' चित्रपटाने माझे नशीब बदलल्याचा आनंद मेधा व्यक्त करते. 

या सिनेमामुळे मेधा शंकर आज सोशल मीडियावर मोठे नाव बनले आहे. ती आता स्टार झाली असून तिचे फॉलोअर्स लाखोंच्या संख्येने आहेत.