मिनिटामिनिटाला घाबरवणारा भयपट; भीतीचा कडेलोट करणाऱ्या या चित्रपटाचं नाव काय?

Most Scariest South Movie: जेव्हाजेव्हा भयपटाचा मुद्दा चर्चेत येतो तेव्हातेव्हा दाक्षिणात्य चित्रपटांचाही उल्लेख होतो. दाक्षिणात्य भयपटांमधील बऱ्याच गोष्टी प्रेक्षकांच्या मनात त्या कलाकृतीप्रतीचं कुतूहल टिकवून ठेवतात. 

असाच एक चित्रपट इतका जास्त घाबरवणारा आहे, की त्यातील प्रत्येक Scene थरकाप उडवतो. 2023 या वर्षात दमदार कमाई करणारा हा चित्रपट एकट्यानं पाहूच नका असं अनेकजण म्हणतात. या चित्रपटाचं नाव आहे, 'विरुपाक्ष'. 

चित्रपटाच्या स्टारकास्टपासून कथानकापर्यंत अनेक गोष्टी प्रशंसनीय असून, कार्तिक दांडू यांच्या दिग्दर्शनात ही कलाकृती साकारण्यात आली आहे. 

साई धर्म तेज, संयुक्ता मेनन यांसारख्या कलाकांनी या चित्रपटामध्ये भूमिका साकारल्या आहेत. या चित्रपटामध्ये अशी अनेक दृश्य आहेत, जी पाहून अंगावर काटाच उभा राहतो. 

गावात होणाऱ्या विचित्र प्रकारच्या मृत्यूंभोवती या चित्रपटाचं कथानक फिरतं. एक गुढ रहस्य, ते सोडवण्यासाठीची धडपड आणि त्यातून उलगडणारं कथानक अशी एकंदर या चित्रपटाची बांधणी. 

103 कोटी रुपये इतकी कमाई केलेल्या या चित्रपटानं सिनेमागृहात धडाकेबाज कामगिरी केल्यानंतर आता ओटीटी प्लॅटफॉर्मवरही त्याचाच डंका वाजत आहे. 

नेटफ्लिक्सवर IMDb कडून कमाल रेटिंग मिळालेला हा चित्रपट तुम्ही हिंदी भाषेतही पाहू शकता. हो, पण भयपटानं धडकी उडत असल्यास मात्र हा चित्रपट पाहणं टाळा.