'सगळं थांबवा, आम्हाला एकटं सोडा', व्हिडीओ शेअर करत करीनाने पापाराझींना फटकारले

बॉलिवूड अभिनेत्री करीना कपूर आणि त्याचे कुटुंब गेल्या काही दिवसांपासून सोशल मीडियावर चर्चेत आहे. 16 जानेवारी रोजी करीनाच्या घरात चोर घुसला होता. त्याने सैफवर हल्ला केला होता. 

या हल्ल्यामध्ये सैफ अली खान जखमी झाला होता. त्याला रुग्णालयात दाखल करण्यात आले होते. सध्या त्याच्यावर उपचार सुरु आहेत. अशातच पापाराझी सैफच्या घराबाहेर गर्दी करताना दिसत आहेत. 

याच गोष्टीला कंटाळून करीना कपूर पापाराझींवर संतप्त झाल्याचं दिसून आलं आहे. करीनाने तिच्या इन्स्टाग्राम स्टोरीवर एक व्हिडीओ शेअर करत तिने आम्हाला एकटे सोडा  म्हणत पापाराझींना फटकारले. 

त्यासोबतच तिने कॅप्शनमध्ये म्हटले की, हे सर्व आता थांबवा, आम्हाला एकटं राहू द्या. पापाराझींच्या सततच्या गोष्टींना करीना कंटाळली असल्याचं स्पष्ट झालं आहे. 

हल्ल्यानंतर करीना कपूरच्या टीमने कुटुंबासाठी प्रायव्हसीची मागणी केली होती. त्यासोबतच कोणत्याही प्रकारचे अनुमान न लावण्याची आणि अफवांपासून दूर राहण्याची विनंती केली होती. 

सध्या सैफ अली खानवर लीलावती रुग्णालयात उपचार सुरु आहेत. काही दिवसांमध्ये सैफला डिस्चार्ज दिला जावू शकतो असे देखील म्हटले जात आहे. 

करीना कपूर देखील सतत हॉस्पिटलमध्ये फेऱ्या मारताना दिसत आहे. आता सर्वांचे लक्ष सैफ अली खानच्या डिस्चार्जकडे लागले आहे.