अळुवडी हा अनेकांचा जीव की प्राण पदार्थ आहे. श्रावणात व गणेशोत्सवाच्या पहिल्या दिवशी हमखास घराघरांत अळुवडी केली जाते. आज आम्ही तुम्हाला अळुवडीची खास रेसिपी सांगणार आहोत.
)
अभिनेत्री ऐश्वर्या नारकर यांनी त्यांची स्पेशल अळुवडी रेसिपी सोशल मीडियावर पोस्ट केली आहे. ऐश्वर्या नारकर यांनी खास पदार्थ वापरण्याचा सल्ला दिला आहे. त्यामुळं अळुवडीला छान चव येते.
)
ऐश्वर्या नारकर यांनी बेसनाऐवजी मुगाचे पीठ वापरा असा सल्ला दिला आहे. तसंच, तांदळाच्या पिठाने वड्या छान खुसखुशीत होतात.
)
1 वाटी मुगाच्या डाळीचे पीठ, पाव वाटी तांदळाचे पीठ, चिंचगुळाचा कोळ, लाल तिखट, मीठ, धणे जीरेपुड, तळण्यासाठी तेल
)
एका भांड्यात मुगाच्या डाळीचं पीठ आणि तांदळाचं पीठ घ्या. या पीठात तिखट, हळद, धणेपूड, जिरेपूड, मीठ आणि चिंचेचा कोळ घालून पीठ चांगले कालवून घ्या.
)
अळुच्या पानाची देठं कापून ती पान लाटण्याने लाटून घ्या. म्हणजे त्याच्या शिरा दबून जातील आणि अळुवड्या कुरकुरीत होतील.
)
आता पानांच्या एका बाजुला सारण लावून घ्या आणि पानं दुमडून घेत चला. अशाप्रकारे एकावर एक पानं ठेवून अळुवडीचा उंडा तयार करुन घ्या.
)
आता अळु वडीचे उंडे 10 ते 20 मिनिटे वाफवून घ्या. उंडे थंड झाल्यानंतर त्याच्या वड्या पाडून घ्या.
)
आता एका पॅनमध्ये तेल घेऊन त्यात या वड्या कुरकुरीत होईपर्यंत शॅलोफ्राय करुन घ्या.
Newsletter
