रेखा अन् जया नाही तर 'ही' व्यक्ती अमिताभ यांचं पहिलं प्रेम; मग नेमकी माशी कुठे शिंकली?

बॉलिवूडचे महानायक अमिताभ बच्चन त्यांच्या व्यावसायिक आयुष्यासोबतच वैयक्तिक आयुष्यामुळेही चर्चेत राहिले आहेत. त्यांचे लग्न जया बच्चन यांच्याशी झाले, परंतु रेखा यांच्याशी असलेल्या त्यांच्या नात्याचे किस्से आजही ऐकले जातात. मात्र, लेखक हनीफ झवेरी यांच्या मते, अमिताभ यांचे पहिले गूढ प्रेम कोलकात्यात सुरू झाले होते.

झवेरी यांनी 'मेरी सहेली' पॉडकास्टमध्ये सांगितले की, अमिताभ बच्चन एका कंपनीत काम करत असताना त्यांना 250-300 रुपये पगार मिळायचा. याच वेळी त्यांची भेट माया नावाच्या मुलीशी झाली, जी ब्रिटिश एअरवेजमध्ये काम करत होती. माया आणि अमिताभ एकमेकांवर खूप प्रेम करत होते आणि अनेक वेळा भेटत असत. पण, जेव्हा अमिताभ मुंबईत त्यांच्या अभिनय कारकिर्दीच्या शोधात आले, तेव्हा त्यांच्या नात्यात अनेक समस्या आल्या.

माया अमिताभ यांना भेटायला येत असे, पण अभिताभ यांना त्यांच्या नात्याबद्दल आईला कळू नये याची चिंता होती. म्हणूनच त्यांनी घर बदलण्याचा निर्णय घेतला. अमिताभ यांनी ही समस्या मित्र अन्वर अली यांना सांगितली, ज्यांनी त्यांना नवीन घर शोधून दिले.

अमिताभ आणि माया यांचे नाते जास्त काळ टिकले नाही. अमिताभ खूप लाजाळू होते, तर माया खूप धाडसी होती. हळूहळू त्यांच्या विचारांमध्ये फरक दिसू लागले, ज्यामुळे नात्यात समस्या निर्माण होऊ लागल्या. 'सात हिंदुस्तानी' चित्रपटाच्या चित्रीकरणादरम्यान, अन्वर अली यांनी अमिताभ यांना सल्ला दिला की, मायासोबत त्यांचे भविष्य कदाचित शक्य नाही.

अमिताभ आणि माया यांचे ब्रेकअप झाल्यानंतर, जया भादुरी त्यांच्या आयुष्यात आल्या. जया आणि अमिताभ यांची प्रेमकहाणी 'एक नजर' चित्रपटाच्या सेटवर सुरू झाली. जया त्यांच्यावर खूप प्रेम करत होत्या आणि अमिताभ यांच्या प्रत्येक यशात जया यांनी पूर्ण साथ दिली. जेव्हा 'जंजीर' चित्रपटासाठी कोणतीही अभिनेत्री तयार नव्हती, तेव्हा जया म्हणाल्या, 'मी अमिताभ बच्चनसोबत काम करेन.' यामुळे, जया आणि अमिताभ यांचं नातं अधिक घट्ट झालं आणि 'जंजीर' त्यांच्या करिअरमधील सर्वात मोठा हिट ठरला.   

अमिताभ बच्चन आणि रेखा यांचे नाते 'सिलसिला' (1981) चित्रपटादरम्यान अधिक चर्चेत आले. या चित्रपटात त्यांचे रोमॅंटिक पात्र होते आणि चित्रपटाच्या शूटिंगदरम्यान त्यांच्यामध्ये जवळीक निर्माण झाली, ज्यामुळे मीडिया आणि चाहते यांच्यात अफवांचा जोर वाढला. त्याआधीही, अमिताभ आणि रेखा यांनी काही चित्रपटांमध्ये एकत्र काम केले होते, जसे की मिस्टर नटवरलाल (1979), सत्ते पे सत्ता (1982), लावारिस (1976).

परंतु, 'सिलसिला' नंतर त्यांचे व्यक्तिगत जीवन आणि अफवा अधिक चर्चेत आल्या आणि त्यांनंतर त्यांनी एकत्र काम करणे टाळले. अमिताभ बच्चन आणि रेखा यांचे व्यक्तिगत नाते नेहमीच गूढ राहिले आहे आणि त्यांच्यातील संबंधांबद्दल जास्त माहिती कधीही समोर आलेली नाही.