संघर्षातून यशाची शिखरं गाठणारा कलाकार; चहा विकला, उपाशी पोटी रस्त्यावर झोपला पण आज कोटींचा मालक

त्याच्या लुकमध्ये साधेपणा आहे, पण त्याचा दर्जा सुपरस्टारांपेक्षा कमी नाही. त्याने आपल्या कारकिर्दीत एकापाठोपाठ अनेक हिट चित्रपट दिले आहेत. अशा त्याच्या अद्वितीय कामगिरीसाठी, तो 'अभिनेता' ऐवजी 'कलाकार' म्हणून ओळखला जाणे अधिक पसंत करतो.

हा कलाकार आहे नवाजउद्दीन सिद्दीकी. एका छोट्या गावातून आलेल्या नवाजला बॉलिवूडमध्ये आपले स्थान निर्माण करणे सोपे नव्हते. त्याच्या कुटुंबीयांमध्ये कोणालाही विश्वास नव्हता कि तो चित्रपटसृष्टीत यशस्वी होणार. मुंबईत आल्यावर, कोणताही निर्माता त्याला काम देण्यास तयार नव्हता. 1999 ते 2012 दरम्यान त्याने लहान भूमिका केल्या मात्र, 2012 मध्ये आलेल्या 'गँग्स ऑफ वासेपूर' चित्रपटाने त्याचे नशीब बदलले आणि तो रातोरात प्रसिद्ध झाला.

जेव्हा त्याने आपल्या आईला अभिनेता होण्याची इच्छा व्यक्त केली, तेव्हा त्याची आई त्यावर विश्वास ठेवू शकली नाही. एक नातेवाईक त्याच्या आईला म्हणाला, 'तो कोणत्या मूर्खपणाबद्दल बोलतोय? तुझ्या चेहऱ्याचे काय?' आणि त्या नातेवाईकाचे शब्द त्याने स्वीकारले. तरीही त्याने ठरवले की, तो सुंदर नसला तरीही तो अभिनेता होईल.

त्याचा जन्म 19 मे 1974 रोजी उत्तर प्रदेशातील बुढाणा येथे झाला. सुरुवातीला त्याला चित्रपटसृष्टीत करिअर करण्याचे स्वप्न नव्हते. सामान्य कुटुंबातून आलेला तो मुलगा शिक्षण घेऊन नोकरी करण्याचा विचार करत होता. पण नशिबाने त्यासाठी काही वेगळेच ठरवले. एका मुलाखतीत नवाजने सांगितले की, 'विज्ञान विषयात पदवी घेतल्यानंतर, मी काही काळ भटकत राहिलो. एका कारखान्यात काम करत असताना रंगभूमीचे महत्त्व कळले आणि अभिनयाच्या आकर्षणामुळे मी रंगभूमीमध्ये करिअर करण्याचा निर्णय घेतला.

त्याच्या रंगभूमीवरील सुरुवातीच्या दिवसात, त्याने सफाई कामगार म्हणून काम केले आणि चहा विकला. बॅकस्टेजवर काम करत असताना त्याला छोट्या छोट्या भूमिका मिळाल्या. त्याची पहिली भूमिका फक्त एका ओळीची होती, पण त्यानंतर त्याला अधिक संधी मिळाल्या आणि तो एनएसडीमध्ये दाखल झाला.

त्याच्या संघर्षाच्या काळात, त्याने सांगितले की, 'कधी कधी जेवायला पैसे नव्हते आणि ओळखीच्या लोकांकडून 50-100 रुपये उधार घ्यावे लागायचे.' मुंबईत येऊन त्याने अनेक ऑडिशन्स दिल्या, पण कास्टिंग डायरेक्टर्स त्याला नाकारत होते.

त्याने 'सरफरोश', 'शूल', 'मुन्ना भाई', 'देव डी' यांसारख्या चित्रपटांमध्ये लहान भूमिका केल्या, पण त्याच्या भूमिकांचा प्रभाव फारसा पडला नाही. त्यानंतर त्याला 'पीपली लाईव्ह' आणि 'पतंग' सारख्या चित्रपटांमध्ये मोठ्या भूमिका मिळाल्या आणि त्याला काम मिळू लागले.

नवाजुद्दीन सिद्दीकीने 'बॉम्बे टॉकीज', 'किक', 'मांझी द माउंटन मॅन', 'रईस', 'मंटो', 'ठाकरे' आणि 'फोटोग्राफ' सारख्या चित्रपटांमध्ये उत्कृष्ट अभिनय केला आहे. 'लंचबॉक्स' चित्रपटासाठी त्याला सर्वोत्तम सहाय्यक अभिनेत्याचा पुरस्कार मिळाला, तसेच 'तलाश', 'कहानी', 'गँग्स ऑफ वासेपूर' आणि 'देख इंडियन सर्कस' यांसारख्या चित्रपटांसाठी राष्ट्रीय पुरस्कार प्राप्त झाले.

आज एका लहान शहरातून आलेला हा अभिनेता आपल्या भरपूर परिश्रमामुळे आणि अभिनयाच्या कलेच्या जोरावर बॉलिवूडमध्ये एक मोठा स्टार बनला आहे.