Ashadhi Ekadashi 2023 Sant Tukaram Maharaj Palkhi: बेलवडीमध्ये आज (20 जून 2023 रोजी) संत तुकाराम महाराजांच्या पालखीचं पहिलं गोल रिंगण संपन्न झाले. या सोहळ्याची खास क्षणचित्रे नक्कीच तुम्हालाही प्रत्यक्ष या गोल रिंगणामध्ये सहभागी झाल्याचा अनुभव देतील यात शंका नाही. पाहूयात या सोहळ्यातील काही खास फोटो...
)
आषाढी एकादशी वारीनिमित्त जगद्गुरु संत तुकाराम महाराजांचा 338 वा पालखी सोहळा सुरू आहे. सोमवारी काटेवाडी इथं मेंढ्यांचे रिंगण झाल्यानंतर आज (20 जून 2023 रोजी) बेलवडीमध्ये संत तुकाराम महाराज यांच्या पालखीचं पहिलं गोल रिंगण संपन्न झाले. (सर्व माहिती आणि फोटो - जावेद मुलाणी/ विशाल सवने यांच्याकडून)
)
संत तुकाराम महाराज यांचा पालखी सोहळा सणसरहून अथुर्णेकडे मार्गस्थ होत असताना वाटेत बेलवडी या गावात महाराजांच्या पालखीचं पहिलं गोल रिंगण मोठ्या उत्साहात संपन्न झालं. यावेळी महाराजांची पालखी रिंगण स्थळी आल्यानंतर पालखी खांद्यावर घेऊन मानकर यांनी पालखीला रिंगण दाखवलं. त्यानंतर तुकोबांची पालखी मध्यभागी ठेवण्यात आली.
)
पालखी मध्यभागी ठेवण्यात आल्यानंतर मेंढ्यांनी पालखीची प्रदक्षिणा पूर्ण केली. इतिहासात पहिल्यांदाच पोलिसांनी देखील पालखीला प्रदक्षिणा घातली.
)
पोलिसांच्या प्रदक्षिणेनंतर डीवायएसपी गणेश इंगळे यांनी पोलीस आणि सामान्य जनता यामध्ये अंतर कमी करण्याचा हा एक प्रयत्न असल्याचा म्हटलं. पोलिसांच्या प्रदक्षिणेनेनंतर अनुक्रमाने दिंडीतले मानकरी, झेंडेकरी, पताकाधारी आणि महिला वारकरी यांनी पालखीला प्रदक्षिणा घातली.
)
रिंगण सोहळ्यामध्ये मुख्य आकर्षण असतं ते मानाच्या अश्वांनी घेतलेल्या दौडीचं. यावेळी मानाच्या अश्वांनी पालखीला 5 प्रदक्षिणा पूर्ण केल्या.
)
प्रदक्षिणा पूर्ण झाल्यानंतर अश्वांच्या टापांखालची माती उचलण्यासाठी वारकऱ्यांनी एकच गर्दी केली. अश्ववांच्या टापांखालची माती एरवी माती असते. मात्र ही माती रिंगणानंतर प्रसाद होऊन जाते. टापांखालची माती आपल्या शेतामध्ये टाकल्यानंतर पीक भरघोस येतं अशी वारकऱ्यांची धारणा आहे.
)
जगद्गुरु संत तुकाराम महाराज यांच्या पालखीला जे मानाचे अश्व आहेत ते अकलूजचे विजयसिंह मोहिते पाटील यांच्याकडून अर्पण केले जातात.
Newsletter
