Nepal vs Mongolia List Of Records Broken By Nepal Team: लिंबू-टिंबू संघ म्हणून आजपर्यंत ओळखल्या जाणाऱ्या भारताच्या शेजारी असलेल्या नेपाळ या छोट्याश्या देशाच्या टीमने आज टी-20 क्रिकेटमध्ये भीमपराक्रम केला आहे. या संघाने आशियाई गेम्स पुरुष क्रिकेट स्पर्धेतील पहिल्याच सामन्यात चौकार षटकारांचाच नाही तर विक्रमांचाही पाऊस पाडला आहे. या चिमुकल्या संघाने नेमके कोणते विक्रम स्वत:च्या नावावर केलेत जे इतर कोणत्याही संघाला जमले नाहीत ते पाहूयात...
)
भारत, इंग्लंड, ऑस्ट्रेलिया, पाकिस्तानसारख्या टी-20 मधील दादा संघांना जे मागील 15 वर्षांहून अधिक काळापासून म्हणजेच टी-20 आंतरराष्ट्रीय सामने खेळले जाण्यास सुरुवात झाल्यापासून जमलं नाही ते लिंबू-टिंबू समजल्या जाणाऱ्या नेपाळने करुन दाखवलं आहेत. नेपाळच्या या कामगिरीची जगभरात चर्चा आहे.
)
आशियाई गेम्सच्या पुरुष क्रिकेट स्पर्धेतील पहिल्याच सामन्यामध्ये भारताचा शेजारी असलेल्या नेपाळच्या संघाने ऐतिहासिक कामगिरी केली आहे. नेपाळच्या संघाने आंतरराष्ट्रीय टी-20 क्रिकेटमधील अनेक विक्रम मोडले आहेत. नेपाळने या सामन्यात टी-20 मधील 5 वर्ल्ड रेकॉर्ड आपल्या नावे केले आहेत. ते कोणते हे पाहूयात...
)
नेपाळच्या संघाने मंगोलियाविरुद्धच्या सामन्यात 20 ओव्हरमध्ये तब्बल 314 धावा कुटल्या. विशेष म्हणजेच केवळ 3 गड्यांच्या मोबदल्यात त्यांनी एवढी मोठी धावसंख्या उभारली आहे.
)
आंतरराष्ट्रीय टी-20 सामन्यामध्ये एकाच डावात कोणत्याही संघाने 300 धावांचा टप्पा ओलांडण्याची ही पहिलीच वेळ आहे. टी-20 आंतरराष्ट्रीय सामन्यात 300 धावा करणारा नेपाळ हा पहिला देश ठरला आहे.
)
नेपाळचा फलंदाज कुशल मल्लाने टी-20 च्या इतिहासातील सर्वात वेगवान शतक झळकावलं आहे. 34 चेंडूंमध्ये कुशलने शतक झळकावलं आहे.
)
कुशल मल्ला 50 चेंडूंमध्ये 137 धाव करुन नाबाद राहिला. त्याने 8 चौकार आणि 12 षटकार लगावले. म्हणजेच त्याने 104 धावा केवळ 20 चेंडूंमध्ये केल्या.
)
याशिवाय दीपेंद्र सिंह ऐरी नावाच्या नेपाळच्या फलंदाजाने टी-20 मधील सर्वात वेगवान अर्धशतक झळकावलं असून केवळ 9 चेंडूंमध्ये त्याने अर्धशतक झळकावलं आहे.
)
दीपेंद्रने आपल्या पहिल्या 6 चेंडूंमध्ये 6 षटकार लगावले. दींपेंद्र हा 10 चेंडूंमध्ये 52 धावा करुन नाबाद राहिला. त्याने एकूण 8 षटकार लगावले. षटकारामधूनच त्याने 48 धावा केल्या. उर्वरित 4 धावा त्याने 2 चेंडूंमध्ये केल्या.
)
दीपेंद्रने सिंहने भारताचा माजी अष्टपैलू खेळाडू युवराज सिंगचा टी-20 मधील सर्वात वेगवान शतक झळकावण्याचा विक्रम मोडीत काढला आहे. दीपेंद्र सिंहने 10 चेंडूंमध्ये नाबाद 52 धावा केल्या म्हणजेच त्याने तब्बल 520 च्या स्ट्राइक रेटने धावा केल्या.
)
युवराजने 2007 साली झालेल्या टी-20 च्या पहिल्या वर्ल्डकप स्पर्धेमध्ये इंग्लंडविरुद्ध खेळताना केवळ 12 चेंडूंमध्ये अर्धशतक झळकावलं होतं. याच सामन्यात युवराजने स्टुअर्ट ब्रॉडला 6 चेंडूंमध्ये 6 षटकार लगावले होते.
)
नेपाळच्या फलंदाजांनी 314 धावांचा डोंगर उभारताना 26 षटकार, 14 चौकार लगावले. म्हणजेच नेपाळच्या फलंदाजांनी केवळ 44 चेंडूंमध्ये चौकार, षटकारांच्या माध्यमातून 212 धावा केल्या.
)
कुशल मल्लाने 50 चेंडूंमध्ये 137 धावांची खेळी केली. त्याने 12 षटकार आणि 8 चौकार लगावले. त्याचा स्ट्राइक रेट 237 इतका होता.
)
नेपाळने या सामन्यामध्ये टी-20 सामन्यामध्ये केलेल्या वर्ल्डरेकॉर्ड्सची ही यादीच त्यांच्या कामगिरीबद्दल भाष्य करण्यासाठी पुरेशी आहे.
)
नेपाळने दिलेल्या या अवाढव्य धावसंख्येचा पाठलाग करताना मंगोलियाचा संघ अवघ्या 41 धावांमध्ये तंबूत परतला. अवघ्या 13.1 ओव्हरमध्ये 41 धावा करुन मंगोलियाचा संघ तंबूत परतल्याने नेपाळने हा सामना 273 धावांनी जिंकला.
)
मंगोलियाचे 5 खेळाडू शून्यावर बाद झाले. मंगोलियाच्या केवळ एका फलंदाजाला दुहेरी घावसंख्या गाठता आली.
)
आश्चर्याची बाब म्हणजे नेपाळच्या गोलंदाजांनी 41 पैकी 23 धावा या अतिरिक्त दिल्या. यामध्ये 2 नो बॉल, 16 वाईड आणि 5 लेग बाईजचा समावेश आहे.
Newsletter
