अमिताभ बच्चन यांचा महा-फ्लॉप चित्रपट, बजेटही वसूल करू शकला नाही, तुम्ही पाहिला का?

बॉलिवूडचे महानायक म्हणून अभिनेते अमिताभ बच्चन यांना ओळखलं जातं. वयाच्या 82 व्या वर्षी देखील ते इंडस्ट्रीमध्ये खूप सक्रिय आहेत. त्यांनी अभिनयाद्वारे लाखो चाहत्यांची मनं जिंकली आहेत. 

अमिताभ बच्चन यांनी आतापर्यंत अनेक चित्रपटांमध्ये काम केलं आहे. ज्यामध्ये त्यांचे अनेक चित्रपट हिट, तर काही सुपरहिट तर काही ब्लॉकबस्टर देखील ठरले.

अमिताब बच्चन यांना इंडस्ट्रीमध्ये 55 वर्षे पूर्ण झाली आहेत. त्यांनी 130 पेक्षा जास्त चित्रपटांमध्ये काम केलं आहे. 1969 मध्ये त्यांनी 'सात हिंदुस्तानी' या चित्रपटातून आपल्या करिअरला सुरुवात केली. 

70च्या दशकामध्ये त्यांनी एकापाठो-पाठ एक सुपरहिट चित्रपट दिले. मात्र, अशातच त्यांना बॉक्स ऑफिसवर काही फ्लॉप चित्रपटांचा देखील सामना करावा लागला. 

आज आम्ही तुम्हाला त्यांच्या अशा एका चित्रपटाबद्दल सांगणार आहोत. जो बॉक्स ऑफिसवर प्रचंड फ्लॉप ठरला. या चित्रपटाने चित्रपटाच्या बजेट इतकी देखील कमाई केली नाही. 

हा चित्रपट त्यांच्या करिअरमधील सर्वात मोठा फ्लॉप चित्रपट ठरला. 36 वर्षांपूर्वी प्रदर्शित झाला होता. या चित्रपटाचे नाव 'गंगा जमुना सरस्वती' आहे. 1988 मध्ये हा चित्रपट प्रदर्शित झाला होता. 

या चित्रपटाचे बजेट 8 कोटी रुपये इतके होते. तर या चित्रपटाने रिलीज होताच बॉक्स ऑफिसवर फक्त 5 कोटी रुपयांची कमाई केली होती. IMDb ने या चित्रपटाला 10 पैकी फक्त 4 रेटिंग दिली आहे.