Ayodhya Ram Mandir Pran Pratishtha : झी समूहाचे संस्थापक डॉ. सुभाष चंद्रा यांच्यासह कोणकोणते मान्यवर अयोध्येत दाखल?

Ayodhya Ram Mandir Pran Pratishtha : राम मंदिरातील प्राण प्रतिष्ठा सोहळ्याच्या पार्श्वभूमीवर अयोध्या नगरीत सध्या हजारो व्हीव्हीआयपी, सेलिब्रेटींनी हजेरी लावण्यास सुरुवात केली आहे. 

काही क्षणांमध्येच प्रभू श्री राम यांच्या मूर्तीच्या प्राणप्रतिष्ठेला सुरूवात होणार आहे. या कार्यक्रमाला उपस्थित राहण्यासाठी मुख्य प्रवेशद्वारातून हजारो व्हीव्हीआयपी कार्यक्रमासाठी दाखल होत आहेत. 

झी समूहाचे संस्थापक डॉ. सुभाष चंद्रा हेसुद्धा अयोध्येतेल्या प्राणप्रतिष्ठा सोहळ्यात सहभागी झाले आहेत. डॉ. सुभाष चंद्रा यांनी रविवारी अयोध्येतील राममंदिराची पाहणीसुद्धा केली होती. 

राममंदिर निर्माण समितीचे अध्यक्ष नृपेंद्र मिश्रा डॉ. सुभाष चंद्रा यांच्यासोबत होते. डॉ. सुभाष चंद्रा प्राणप्रतिष्ठा सोहळ्यासाठी रवाना झाले आहेत. यावेळी हा अतिशय नशिबाचा दिवस असून आपण नशीबवान असल्याची प्रतिक्रिया त्यांनी दिली. 

हिंदू समाज आणि संस्कृती ही अतिशय सहनशील संस्कृती असल्याचं म्हणत त्यांनी आपल्या मनातील भावनांना वाट मोकळी करून दिली. 

उत्तर प्रदेशचे मुख्यमंत्री योगी आदित्यनाथ यांनीसुद्धा अयोध्या गाठली असून प्राणप्रतिष्ठा सोहळ्यासाठी ते मंदिर परिसरात दाखल झाले. यावेळी त्यांनी उपस्थितांकडून करण्यात आलेल्या स्वागताचा स्वीकार केला. 

भारतीय ऑलिम्पिक संघाच्या अध्यक्षा आणि राज्यसभेच्या सदस्या, पीटी उषा यांनीसुद्धा प्राणप्रतिष्ठा सोहळ्यासाठी राम मंदिर परिसरात हजेरी लावली.