ठाण्यातून वसई काही मिनिटांवर, घोडबंदरमार्गे खाडीवरील पूलासाठी MMRDA चा 'असा' प्लान

Thane Vasai Khadi Bridge : ठाणे, घोडबंदर, भिवंडी ते वसईकरांसाठी अत्यंत महत्वाची बातमी आहे. या मार्गांना जोडणारा पूल लवकरच साकारला जाणार असून यासंदर्भात महत्वाची अपडेट समोर आली आहे. येथील खाडीवर पूल नसल्यामुळे नागरिकांना अडचणीला सामोरे जावे लागणाऱ्या नागरिकांना दिलासा देणारी बातमी आहे.

ठाणे ते भिवंडी दरम्यानच्या 3 पुलांचे बांधकाम केले जाणार आहे. या बांधकामासाठी 2027 पर्यंतची डेडलाईन देण्यात आली आहे. मुंबई महानगर प्रदेश विकास प्राधिकरण म्हणजेच एमएमआरडीएने यासाठी प्रक्रिया सुरू केली आहे.

गेल्या काही वर्षांत भिवंडीतील लोकसंख्या झपाट्याने वाढली आहे. त्यात देशाच्या इतर राज्यांतून येणारा माल भिवंडीत उतरतो आणि त्यानंतर मुंबईच्या इतर भागांत पोहोचतो. संकुलात शेकडो गोदामे असल्याने भिवंडीत दिवसभर मोठ्या प्रमाणात वाहनांची वर्दळ असते. घोडबंदर रोडलगतच्या संकुलात आता बांधकामाला जागा नाही. यानंतर आता फक्त भिवंडी आणि वसई रोडमध्ये जागा उरली आहे. 

भिवंडीमध्ये ठाण्याच्या तुलनेत निम्म्या किमतीत घरे उपलब्ध होतात. त्यामुळे मध्यमवर्गीय लोक येथे येऊन स्थायिक होण्यास प्राधान्य देताना दिसताहेत. रिअल इस्टेट क्षेत्राची भविष्यातील शक्यता पाहून अनेक नामवंत बांधकाम व्यावसायिकांनीही येथे शेकडो एकर जमीन खरेदी केली आहे. कॅम्पसचा झपाट्याने होत असलेला विकास पाहता भिवंडीची वाहतूक समस्या सोडवण्यासाठी तीन नवीन मार्ग तयार करण्याचेही नियोजन सरकारने केले आहे. 

ठाणे ते भिवंडी दरम्यानच्या खाडीवर पूल बांधण्यासाठी कंत्राटदाराची निवड केली जाणार आहे. एमएमआरडीएने यासाठी निविदा मागवल्या आहेत. गायमुख-पायगाव आणि कोलशेत-काल्हेर पुलाच्या बांधकामासाठी इच्छुक असलेल्या कंपन्या 24 एप्रिलपर्यंत अर्ज करू शकतात. 3 एप्रिलला बोलीपूर्व बैठक होणार आहे. कासारवडवली-खरबाव दरम्यानच्या प्रस्तावित पुलासाठी इच्छुक कंपन्या 30 मार्चपर्यंत अर्ज करू शकतात. या प्रकल्पासाठी 19 मार्च रोजी प्री-बिड बैठक होणार आहे.

निविदा प्राप्त झाल्यानंतर कंपनीला गायमुख-पायगाव आणि कासारवडवली-खरबाव पूल 42 महिन्यांत बांधावा लागणार आहे. त्याचबरोबर कोलशेत-काल्हेर पूल 36 महिन्यांत बांधणे बंधनकारक असणार आहे. पावसाळ्यात  पूल पूर्ण झाल्यानंतर 60 महिन्यांत काही दोष दूर करण्याची जबाबदारी बांधकाम कंपनीची असेल.

ठाण्यातील कोलशेत, गायमुख, कासारवडवली ते भिवंडीच्या काल्हेर, पायगाव, खरबाव दरम्यानच्या खाडीवर हा पूल बांधण्यात येणार आहे. पुलाच्या बांधकामामुळे वाहने काही मिनिटांतच घोडबंदर रोडमार्गे ठाण्याहून थेट भिवंडी आणि वसई रोडला जाऊ शकणार आहेत. त्यामुळे नागरिकांना मोठा दिलासा मिळणार आहे.