Birthday Special Bollywood News: हा अभिनेता केवळ मनोरंजनसृष्टीमधून कमाई करतो असं नाही. त्याच्या कमाईचे स्रोत काय आहेत हे जाणून घेऊयात.
)
बॉलिवूडमधील सर्वात यशस्वी अभिनेत्यांमध्ये या अभिनेत्याचा समावेश होतो. हा अभिनेता आहे तरी कोण आणि अभिनय सोडून इतर कोणत्या माध्यमातून करतो कमाई पाहूयात...
)
बॉलिवूडमधील ग्रीक गॉड नावाने ओळखल्या जाणाऱ्या अभिनेत्याचा आज वाढदिवस आहे.
)
खरं तर हा अभिनेता आज 51 वा वाढदिवस साजरा करत असला तरी त्याची शरीरयष्टी आणि एकंदरित हेल्थ पाहता तो तिशतल्या तरुणांपेक्षाही अधिक तरुण वाटतो.
)
आपल्या पहिल्याच चित्रपटामधून प्रेक्षकांवर कायमचा प्रभाव पाडणाऱ्या या अभिनेत्याच्या अभिनयाबरोबरच डान्ससाठीही तो प्रचंड लोकप्रिय आहे. त्याने या साऱ्यामधून प्रेक्षकांच्या मनात घर बनवलं आहे.
)
विशेष म्हणजे या अभिनेत्याची एकूण संपत्ती 3101 कोटी रुपये इतकी आहे. यासंदर्भातील वृत्त डीएनएने दिलं आहे.
)
आजही वयाच्या 51 व्या वर्षी तरुण मुली त्याच्यावर फिदा आहेत. त्याला एक झलक पाहण्यासाठी तरुणी चातकासारख्या वाट पाहतात असं म्हटलं तर चुकीचं ठरणार नाही.
)
लग्नानंतर या अभिनेत्याने 14 वर्षांनी घटस्फोट घेतला. आता हा अभिनेता त्याच्यापेक्षा वयाने 12 वर्षांनी लहान असलेल्या अभिनेत्रीला डेट करतोय. या दोघांचे अनेक फोटो सोशल मीडियावर व्हायरल होत असतात.
)
आपण ज्या अभिनेत्याबद्दल बोलतोय त्याचं नाव आहे हृतिक रोशन! हृतिक रोशनचा आज 51 वा वाढदिवस आहे. त्याने 2014 साली पत्नी सुझैन खानला घटस्फोट दिला. हे दोघेही त्यांच्या दोन मुलांचं कोपॅरेंटींग करतात.
)
हृतिक सध्या 39 वर्षीय सबा आझादला डेट करतोय तर त्याची पूर्वश्रमीची पत्नी सुझैन खान अर्सलान गोनीला डेट करतोय. 3101 कोटींचा मालक असलेला हृतिक कशी कमाई करतो ते पाहूयात...
)
चित्रपटांच्या मानधनाबरोबरच इतर अनेक माध्यमांमधून हृतिक कमाई करतो. 2013 मध्ये हृतिकने आपला फिटनेस आणि फॅशन ब्रॅण्ड एचआरएक्स लॉन्च केला. यामध्ये कपड्यांबरोबरच फिटनेससंदर्भातील वस्तू मिळतात. हा ब्रॅण्ड नंतर एवढा मोठा झाला की यामध्ये मित्राने भागेदारी विकत घेतली. या ब्रॅण्डची आजची किंमत 200 कोटी इतकी आहे.
)
हृतिकने आपल्या क्युअर डॉट फिट या स्टार्टअप कंपनीमध्ये 100 कोटींची गुंतवणूक केली आहे. तसेच त्याने इतर फिटनेस स्टार्टअपमध्येही मोठ्या प्रमाणात पैसा गुंतवला आहे.
)
हृतिकने अनेक ब्रॅण्डबरोबर करार केले आहेत. यामध्ये रॅडो, ओप्पो, माऊंटन ड्यूसारख्या कंपन्यांचा समावेश आहे. या कंपन्यांच्या प्रत्येक जाहिरातीसाठी हृतिक 3 ते 5 कोटी रुपये मानधन घेतो.
)
इस्टाग्रामवर हृतिकचे 4 कोटी 47 लाखांहून अधिक फॉलोअर्स आहेत. इथे प्रत्येक प्रमोशनल पोस्टसाठी तो 4 ते 5 कोटी रुपये मानधन घेतो. हा सुद्धा त्याच्या कमाईचा मोठा स्रोत आहे.
)
'टाइम्स ऑफ इंडिया'च्या वृत्तानुसार, हृतिक रोशन प्रत्येक चित्रपटासाठी 65 कोटी ते 75 खोटी रुपये मानधन करतो. फाइटर चित्रपटासाठी हृतिकने 50 कोटी मानधन घेतल्याचं वृत्त आहे.
Newsletter
