डायबिटीसपासून हृदयाच्या आजारांपर्यंत सगळ्याना मिळेल पूर्णविराम; झोपण्यापूर्वी करा 'ही' सोपी गोष्ट

रात्रीच्या जेवणानंतर चालल्यामुळे पचनसंस्था सुधारते. अन्न पचण्यास मदत होते आणि पोटाशी संबंधित तक्रारी कमी होतात. हलक्या चालण्यामुळे आतड्यांना चालना मिळते, पचन एंजाइम सक्रिय होतात आणि पोट फुगणे, गॅस, अपचन यांसारख्या समस्या दूर होतात.  

जेवणात कार्बोहायड्रेटने समृद्ध आहार घेतल्यानंतर रक्कातील साखर वाढते, अशा वेळी चालल्यामुळे स्नायूंना शरीरातील साखर वापरण्यास चालना मिळते आणि साखरेची पातळी नियंत्रित राहते. मधुमेह असलेल्या लोकांसाठी ही सवय खूप फायदेशीर ठरते.

चालण्यामुळे कॅलरी बर्न होतात आणि मेटॅबॉलिझम सुधारतो. रात्रीच्या जेवणानंतर केवळ 15-20 मिनिटे चालण्यामुळे शरीरात चरबी साठत नाही. ही सवय वजन कमी करण्यात किंवा ते स्थिर ठेवण्यात खूप उपयुक्त आहे.  

रात्रीच्या चालण्यामुळे शरीराला आराम मिळतो आणि मन शांत होते, ज्यामुळे चांगली झोप येते. चालण्याने शरीरातील ताण कमी होतो आणि तुम्ही झोपतांना चिडिचिड करत नाही. झोपायच्या आधी जड व्यायाम केल्याने झोपेमध्ये व्यत्यय येऊ शकतो, पण हलके चालणे शरीराला विश्रांतीसाठी तयार करते. 

चालताना शरीरात एंडोर्फिन (हॅप्पी हार्मोन्स) रिलीज होतात, जे तणाव आणि चिंता कमी करतात. रात्री शांत हवामानात चालण्याने मनावरचा भार कमी होतो. यामुळे तुम्हाला दिवसभराचा ताण विसरून चांगले वाटते. 

रोज रात्री चालण्याने रक्ताभिसरण सुधारते, रक्तदाब कमी होतो आणि कोलेस्ट्रॉल नियंत्रित राहते. यामुळे हृदय निरोगी राहते आणि हृदयविकाराचा धोका कमी होतो. नियमित चालण्याने हृदयाच्या कार्यक्षमतेत लक्षणीय सुधारणा होते.  

जास्त जेवल्यास पोटात गॅस आणि अस्वस्थता निर्माण होऊ शकते. हलक्या चालण्यामुळे आतड्यांमधील हालचाल सुरळीत होते, पचन सुधारते आणि जडपणाचा त्रास कमी होतो.  

रात्रीच्या शांत वातावरणात चालणे ही केवळ व्यायामाची सवय नसते, तर मनासाठीही आरामदायी ठरते. चालताना नवे विचार सुचतात, समस्या सोडवण्यासाठी कल्पना येतात. तुम्हाला तणावमुक्त होऊन मन मोकळे वाटते.  

रात्रीच्या जेवणानंतर चालण्याची सवय केवळ रात्रीच नाही, तर एकूणच तुमच्या दैनंदिन जीवनात सक्रियता वाढवते. ही सवय कमी वेळेत, कमी मेहनतीने आरोग्य सुधारण्याचा सोपा मार्ग आहे.  

रात्रीच्या जेवणानंतर चालण्याचे फायदे तुमच्या शरीरावर लगेचच दिसून येऊ शकतात. पचन सुधारल्यापासून वजन नियंत्रणात ठेवण्यापर्यंत, झोप चांगली लागल्यापासून हृदय निरोगी ठेवण्यापर्यंत, या सवयीचे परिणाम खूप फायदेशीर असतात.  

पुढच्या वेळेस जेवण झाल्यावर, घरात बसून टीव्ही पाहण्याऐवजी बाहेर थोडीशी फेरी मारून या सवयीचे फायदे अनुभवायला सुरुवात करा. ही सवय तुमच्या शारीरिक आणि मानसिक आरोग्याला सुधरवेल. (Disclaimer -  वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. )