सिमेंटला मराठीत काय म्हणतात? योग्य उत्तर एकालाही जमलेलं नाही

कळत नकळत दर दिवशी कितीही मराठीच बोलायचं म्हटलं तरीही काही इंग्रजी शब्द आपण ओघाओघानं बोलून जातो आणि ते लक्षातही येत नाही. 

बरं, ज्या इंग्रजी शब्दांचा आपण उच्चार केला, त्यांना मराठीत काय म्हणतात? असं विचारलं की सर्वांच्याच चेहऱ्य़ावर एक भलंमोठं प्रश्नचिन्हं उभं राहतं. 

असाच एक गोंधळात टाकणारा प्रश्न आणि त्याचं उत्तर शोधूया... सिमेंटला मराठीत काय म्हणतात? माहितीये का तुम्हाला? 

घर, ऑफिस किंवा अगदी रस्त्यावरून चालतानासुद्धा या सिमेंट या शब्दाचा वापर आपण करतो. सिमेंट उडतंय, सिंमेंटचे रस्ते, सिमेंटचं बांधकाम, सिमेंटचं जंगल या आणि अशा अनेक संदर्भांमध्ये सिमेंट ही एक गोष्ट कायम आहे. 

तुम्ही स्वत: हा शब्द नेमका कितीवेळा उच्चारला आहे, या गणिताची उकल होते तेव्हाही धक्काच बसतो ना? याच सिमेंटला मराठीत काय शब्द आहे ठाऊक आहे? 

बांधकामासाठी वापरात येणारं सिमेंट प्रामुख्यानं चुनखडीपासून तयार केलेलं असतं. विटांमध्ये साधारण ओलसर करून वापरल्या जाणाऱ्या या मिश्रणामुळं बांधकामाला एक भक्कमपणा मिळतो. 

सिमेंटला मराठीत वज्रचूर्ण असं म्हणतात. शासकीय व्यवहारामध्ये, परिपत्रकांमध्ये सहसा या शब्दाचा वापर केल्याचं आढळतं. राहील ना हा शब्द लक्षात?