Asia Cup मधून बाहेर झाला 'हा' मोठा खेळाडू; टीमला धक्क्यावर धक्के!

आशिया कप सुरू होण्यासाठी आता फक्त काही तास शिल्लक आहे. पाकिस्तान आणि नेपाळ यांच्यात सलामीचा सामना खेळवला जाणार आहे. अशातच आता श्रीलंकेच्या संघाला धक्क्यावर धक्के बसल्याचं पहायला मिळत आहे.

डिफेन्डिंग चॅम्पियन श्रीलंकेला चार मोठे धक्के बसले आहेत. संघातील स्टार प्लेयर्स दुखापतग्रस्त झाल्याने आता लंकन टीम टेन्शनमध्ये असल्याचं पहायला मिळतंय.

श्रीलंका संघाचा अष्टपैलू वनिंदू हसरंगा (Wanindu Hasaranga) आणि वेगवान गोलंदाज दुष्मंत चमीरा (Dushmantha Chameera) बाहेर पडले होते. दुखापतीमुळे त्यांना खेळता येणार नाही.

डावखुरा वेगवान गोलंदाज दिलशान मदुशंका (Dilshan Madushanka) आणि लाहिरु कुमारा (Lahiru Kumara) हे खेळाडू आशिया चषक 2023 स्पर्धेतून बाहेर पडल्याची माहिती समोर आली आहे

श्रीलंकेचा पहिला सामना हा बांग्लादेशविरुद्ध 31 तारखेला खेळवला जाणार आहे. तर दुसरा सामना हा अफगाणिस्तानविरुद्ध 3 तारखेला खेळवला जाईल.

मागील वर्षी दसुन शनाका (Dasun Shanaka) याच्या नेतृत्वाखालील श्रीलंका संघाने पाकिस्तानला फायनल सामना पराभूत करत विजेतेपद पटकावलं होतं.

दासुन शनाका (कर्णधार), पथुम निसांका, दिमुथ करुणारत्ने, कुसल परेरा, कुसल मेंडिस, चैरिथ असालंका, सदीरा समरविक्रमा, धनंजय डी सिल्वा, दुशान हेमंथा, डुनिथ वेललेज, महीश थीक्षाना, प्रमोद मदुशन, कसुन राजिथा, दिलशान मदुशंका, मथीशा पथिराना.