बिअर, वाईन, व्हिस्की की रम... सर्वाधिक हानिकारक काय?

अगदी जास्त प्रमाणात नाही, पण तरीही रम, वाईन आणि व्हिस्की, बिअरच्या स्वरुपात या गोष्टी टेबलावर सर्रास दिसतात. 

मद्यपान करणाऱ्या मंडळींमध्येसुद्धा गट असतात. म्हणजे आम्ही रमच पितो, बिअरच पितो म्हणणारा एक गट आणि आम्ही वोडका किंवा तत्सम काहीतरी पेय पितो असं म्हणणारा आणखी एक गट. 

मद्यपान हे अनेकांसाठी व्यसन नसून, तो जीवनशैलीचा भाग झाला असला आणि 'आम्ही फक्त Ocasionally पितो' असं म्हणणारे अनेक असले तरीही मद्याचं प्रमाण वाढलं की धोका वाढतो हे मात्र नाकारता येत नाही. 

वाईन हा फर्मंटेड द्राक्षांचा रस. त्यातही अनेक प्र्कार असता. सहसा वाईनमध्ये अल्कोहोलचं प्रमाण असतं 14 टक्के. 

व्हिस्कीचं विचारावं तर, यामध्ये असणाऱ्या अल्कोहोलचं प्रमाण आहे 30 ते 65 टक्के. विविध ब्रँडच्या व्हिस्कीमध्ये विविध प्रमाणात अल्होहोल असतं. 

बिअरचं म्हणावं तर, यामध्ये संपूर्ण धान्यांचा रस वापरण्यात येतो. यामध्ये अल्कोहोलचं प्रमाण 4 ते 8 टक्के इतकंच असतं. थोडक्यात इतर मद्यांच्या तुलनेत बिअरमध्ये हा घटक मुळातच कमी असतो. 

रमच्या बाबतीत मात्र परिस्थिती वेगळी आहे. कारण रम हे एक हार्ड ड्रिंक आहे. यामध्ये अल्कोहोलचं प्रमाण 40 टक्क्यांपासून थेट 70 टक्क्यांपर्यंत असतं. त्यामुळं रम किंवा कोणत्याही प्रकारच्या अल्कोहोलचं सेवन धोक्याचंच. (मद्यपान करणं आरोग्याच्या दृष्टीनं हानिकारक आहे.)