उचकी लागलीये म्हणजे नक्कीच कोणीतरी तुमची आठवण काढत असेल, असं आपल्याकडे म्हटलं जातं. मात्र एकदा उचकी लागली की ती थांबण्याचे नाव घेत नाही.
Hiccups Problem Solution: जेवताना किंवा घास खाताच उचकी लागते, असं तुमच्यासोबतदेखील घडतं का? कितीही पाणी प्यायलं तरी उचकी जात नाही, अशावेळी काय करावं, असा प्रश्न पडतो.
एकदा उचकी सुरू झाली की ती थांबतच नाही. खूप पाणी प्यायलं तरी उचकी कमी होत नाही. साधारणतः जास्त तिखट खाल्लं किंवा मग कमी पाणी प्यायलं तरी उचकी लागते. यावर हे उपाय तुम्ही ट्राय करु शकता.
उचकी लागल्यावर ती थांबवण्यासाठी पाणी प्या. पाणी प्या, असा सल्ला अनेकजण देतात. मात्र काही जण घटाघट पाणी पितात असं करु नका. एक ग्लास पाणी हळूहळू प्या जेणेकरुन उचकी थांबेल.
जर तुम्हाला सतत उचकी येत असेल तर थोडावेळासाठी श्वास रोखून धरा. तुम्ही हाथाने नाक आणि तोंड काही सेकंदासाठी बंद करा. ज्या लोकांना श्वास घेण्यास त्रास होतो अशालोकांनी हा पर्याय वापरू नका.
उचकी लागल्यावर तुम्ही लगेचच जीभ बाहेर काढा हा पर्याय खूपच प्रभावी आहे. जीभ हळूहळू बाहेर काढा असं केल्याने उचकी लगेच थांबेल.
अनेकदा उचक्या थांबवणं खूप कठिण होऊन जाते. अशावेळी बर्फाची ही आयडिया करुन पाहा. एका ग्लासमध्ये आइस क्यूब टाका आणि त्या पाण्याने अर्धा मिनिटापर्यंत उळण्या करा. एका फटक्यात उचकी नाही थांबली तर हीच क्रिया आणखी एक-दोन वेळा करा.
(Disclaimer: येथे दिलेली माहिती सामान्य माहितीवर आधारित आहे. ZEE 24 TAAS त्याची पुष्टी करत नाही.)