उपाशी पोटी अंजीरचे पाणी पिणे ठरते फायदेशीर

सकाळी उठून अंजीरचे पाणी पिणे ठरते फायदेशीर  

अंजीर हे अत्यंत फायदेशीर फळ असून सुपरफूड मानले जाते.अंजीरमध्ये अनेक पोषक घटक असल्यामुळे ते शरीरासाठी खूप फायदेशीर आहे. अंजीरचे पाणी प्रजनन क्षमता सुधारण्यासाठीही मदत करते.  

आपल्या नियमित डाएटमध्ये अंजीरचा समावेश करून घेणे उत्तम ठरते.अंजीरचे पाणी डिटॉक्स करण्यास मदत करते.अंजीरच्या पाण्यात भरपूर प्रमाणात फायबर असते जे तुमच्या पचनसंस्थेसाठी उपयुक्त ठरते.

आपल्या आहारात अंजीरच्या पाण्याचे समावेश केल्यास शरीरातील अनावश्यक विषारी पदार्थ बाहेर काढून टाकण्यास मदत मिळते. यामुळे त्वचा हेल्दी राखण्यास फायदा होतो. त्वचेसंबंधित समस्यांसाठी हे एक सुपरफूड मानले जाते. यामुळे नियमित २ अंजीर रात्री भिजवा आणि सकाळी अंजीरचे पाणी पिऊन २ भिजवलेले अंजीर खा.  

वजन कमी करण्यासाठी तुम्ही अंजीरच्या पाण्याचे सेवन करू शकता. वजन कमी करण्यासाठी शरीराला जास्त फायबर असणाऱ्या पदार्थांची आवश्यकता असते आणि अंजीरमधून ते अधिक प्रमाणात शरीराला मिळते. त्यामुळे वजन कमी करण्याकरिता सकाळी उपाशीपोटी अंजीराचे पाणी पिणे तुमच्यासाठी फायदेशीर ठरू शकते.  

अंजीरचे सेवन बदाम अथवा मनुकाप्रमाणे केले जात नाही. तर केवळ १ वा २ अंजीर रात्री पाण्यात भिजत घालून त्याचे पाणी आणि फुगलेले अंजीर खाणे हे आरोग्यासाठी फायदेशीर ठरते. दररोज भिजवलेले अंजीर खाल्ल्याने हाडे मजबूत होण्यास मदत होते.  

महिलांसाठी अंजीरचे पाणी अधिक फायदेशीर मानले जाते.पीएमएस आणि पीसीओडी महिला रुग्णांसाठीही अंजीर खूप फायदेशीर ठरते.गर्भवती मातांसाठीही अंजीरचे सेवन गुणकारी असते.

अंजीरमध्ये हाय पोटॅशियम असून क्लोरोजेनिक अ‍ॅसिड असते.ज्यामुळे ब्लड शुगरची पातळी कमी करण्यासाठी फायदेशीर ठरते. टाइप २ डायबिटीस असणाऱ्या व्यक्तींसाठी रोज भिजलेले अंजीर खाण्यामुळे ब्लड शुगरच्या पातळीत कमतरता येते आणि शुगर नियंत्रित होते.  

(Disclaimer: येथे दिलेली माहिती सामान्य माहितीवर आधारित आहे. ZEE 24 TAAS त्याची पुष्टी करत नाही.)