Goodnews! FD वरील व्याजदरात वाढ; पाहा कोण असतील लाभार्थी

 रेपो रेटमध्ये झालेली आतापर्यंतची ही सहावी वाढ आहे, त्यामुळं काहीजणांच्या खर्चाची गणितही कोलमडणार आहेत. 

मागील वर्षीच्या मे महिन्यापासून आतापर्यंच रेपो रेटमध्ये साधारण 2.25 टक्क्यांनी वाढ झाली आहे. या सर्व निर्णयांमुळं (Finance News) आर्थिक व्यवहार काही अंशी कोलमडत असतानाच एका वर्गासाठी आशेचा किरणही बँकांकडून दाखवण्यात आला आहे. 

काही बँकांनी त्यांच्या खातेदारांना एफडीवरील व्याजदरांमध्ये वाढ करत दिलासा दिल्याचं कळत आहे. व्याजदरवाढीचा फायदा ज्येष्ठ नागरिकांना मिळेल. 

व्याजदरवाढ करण्यासोबतच गुंतवणुक (Investment) मर्यादाही बँकांनी वाढवली आहे. जिथं ज्येष्ठ नागरिकांना याचा थेट फायदा होणार असून, 2 कोटी रुपयांपर्यंतच्या दीर्घकालीन ठेवीवर 7.55 ते 8 टक्के दरानं व्याज देण्यात येईल. 

दरम्यान, रेपो रेटमध्ये (Repo Rate) वाढ झाल्यानंतर व्याजदरवाढीचा फटका अनेक कर्जदारांना (Loan) बसला. पण, यातही पहिल्या दोन व्याजदरवाढीनंतरही बँकांकडून FD च्या दरांत वाढ करण्यात आली नव्हती. 

तिसऱ्यांदाही याचीच पुनरावृत्ती झाल्यामुळं (Bank) बँकांनीसुद्धा एफडी असणाऱ्या खातेधारकांच्या व्याजदरात वाढ केली. मागील 6 महिन्यांची आकडेवारी पाहायची झाल्यास व्याजदरांमध्ये 0.60 टक्क्यांनी वाढ झाली.