विदर्भ म्हटलं की डोळ्यासमोर येतो तो सावजी रस्सा, सावजी मटण आणि पाटवड्या आणि संत्रा बर्फी हे पदार्थ डोळ्यांसमोर येतात. मात्र विदर्भ तेवढ्यापुरताच मर्यादित नाहीये. विदर्भातील आणखी एक स्पेशालिटी म्हणजे सांबारवडी.
)
विदर्भातील अनेक पदार्थ पुण्या-मुंबईकडे मिळत नाहीत. ते विदर्भात जावूनच खावे लागतात. त्यामुळं विदर्भातील अनेक पदार्थांची माहिती खवय्यांना नसते. आज आम्ही तुम्हाला अशाच एका विदर्भ स्पेशल पदार्थाची माहिती देणार आहोत.
)
विदर्भात कोथिंबीरीला सांबर म्हणतात. त्यामुळं सांबरवडी म्हणजे थोडक्यात कोथिंबीर वडी. मात्र सांबारवडी नेहमीच्या कोथिंबीरवडीपेक्षा फार वेगळी आहे. आज आपण पाहुयात या पदार्थाची रेसिपी
)
डाळीचे पीठ, कणिक, तांदळाचे पीठ, ओवा, जिरे, मीठ, तिखट आणि तेल
सारणासाठीचे साहित्य
3 जुड्या कोथिंबीर, 2 कांदे, दाण्याचा कूट, सुक्या खोबऱ्याचा किस, 1 चमचा खसखस, 1 चमचा धणे, लिंबाचा रस
)
सर्वप्रथम बेसन म्हणजेच डाळीच्या पीठात ओवा, जिरे, मीठ, तिखट आणि कडल तेलाची मोहन घालून मग पीठ चांगले मळून घ्या. हे पीठ थोड्यावेळ भिजत ठेवा.
)
एका कढाईत खोबरे चांगले भाजून घ्या. त्यानंतर धुवून कोरडी केलेली कोथिंबीरदेखील त्याच कढईत टाकून चांगली परतवून घ्या. आता हे मिश्रण एका भांड्यात काढून ठेवा.
)
त्यानंतर कढाईत तेल घेऊन त्यात सगळे मसाल्यांची फोडणी द्या. त्यातच कोथिंबीर आणि खोबऱ्याचा किस घाला. मिश्रण चांगले परतून घ्या आणि थंड होण्यासाठी ठेवा.
)
आता मळलेले कणिकेचा एक गोळा घ्या आणि छोटी चपाती लाटून घ्या. आता कढाईतील सारण त्यावर ठेवून दोन्ही बाजू मुडपून रोल करुन घ्यावा. आता कढाईत तेल गरम करुन वड्या तळून घ्या
)
सांबारवडी तुम्ही दह्यासोबत किंवा कढीसोबत खावू शकता.
Newsletter
