IND vs NZ Who is Rajat Patidar: श्रेयस अय्यर जखमी झाल्याने भारताला मालिका सुरु होण्याआधीच मोठा धक्का बसला असून रजत पाटीदारला श्रेयसची रिप्लेसमेंट म्हणून संघात स्थान देण्यात आलं असून पाटीदारने यापूर्वी घरगुती क्रिकेटमध्ये दमदार कामिगिरी केली आहे.
)
29 वर्षीय रजत पाटीदारचा जन्म इंदूरमध्ये झाला आहे. तो स्थानिक स्तरावर मध्य प्रदेशकडून खेळतो. पाटीदार एका उद्योजक कुटुंबातील आहे.
)
वयाच्या आठव्या वर्षापासूनच रजतने क्रिकेट खेळण्यास सुरुवात केली. त्यानंतर त्याने आपल्या आजोबांच्याच क्रिकेट अकादमीमध्ये प्रशिक्षण घेण्यास सुरुवात केली.
)
विशेष म्हणजे पाटीदारने आपल्या करियरची सुरुवात ऑफ-ब्रेक स्पिनर म्हणून सुरु केली होती. मात्र अंडर-15 नंतर त्याने त्याच्या फलंदाजीवर लक्ष केंद्रित केली आणि आता तो स्पेशलिस्ट बॅटर म्हणून ओळखला जातो.
)
रजत पाटीदारने नोव्हेंबर 2015 मध्ये प्रथमिक स्तरावरील क्रिकेटमध्ये पदार्पण केलं. त्यानंतर एका महिन्यातच त्याने ए लिस्टेड करियरची सुरुवात केली.
)
सन 2018-19 ला रणजीमध्ये त्याने उत्तम कामगिरी केली. या पर्वात त्याने मध्य प्रदेशकडून खेळताना आठ सामन्यांमध्ये 54.84 सरासरीने 713 धावा केल्या.
)
सन 2021 मध्ये त्याला पहिल्यांदा इंडियन प्रिमियर लीग म्हणजेच आयपीएलमध्ये खेळण्याची संधी मिळाली. रॉयल चॅलेंजर्स बंगळुरुकडून खेळताना त्याला खास कामगिरी करता आली नाही.
)
आयपीएलच्या मागील पर्वामध्ये रजतने लखनऊ सुपर जायंट्स (LSG) कडून 112 धावांची नाबाद खेळी केली तेव्हा तो चांगलाच चर्चेत आला होता.
)
रजत पाटीदारला घरगुती क्रिकेटमधील रन-मशीन म्हणूनही ओळखलं जातं. पाटीदारने 50 फर्स्ट क्लास सामन्यांमध्ये 46.43 च्या सरासरीने 3 हजार 668 धावा केल्या. यामध्ये 11 शतकांबरोबर 20 अर्धशतकांचा समावेश आहे.
)
ए लिस्टेड क्रिकेटमध्ये पाटीदारने 51 सामन्यांमध्ये 34.33 च्या सरासरीने 1 हजार 638 धावा केल्या आहेत. यामध्ये तीन शतकं आणि आठ अर्धशतकांचा समावेश आहे.
)
टी-20 मध्ये पाटीदारने एकूण 44 डावांमध्ये 37.58 च्या सरासरीने 1 हजार 466 धावा केल्या आहेत. यात एक शतक आणि 12 अर्धशतकांचा समावेश आहे. 2023 च्या आयपीएलच्या पर्वामध्ये रजत पाटीदार आरसीबीकडून खेळताना दिसणार आहे.
Newsletter
