भारतातील सर्वात धोकादायक रेल्वे मार्ग, प्रवासी जीव मुठीत धरुन करतात प्रवास!

India most dangerous train route: भारताच्या कानाकोपऱ्यात रेल्वेचे जाळे पसरले आहे. यातील काही रेल्वे मार्ग त्यांच्या वेगळेपणामुळे ओळखले जातात. यातील एका मार्गाबद्दल जाणून घेऊया. 

भारतात अनेक सुंदर आणि साहसी रेल्वे ट्रॅक आहेत पण काही असे आहेत जे त्यांच्या धोकादायक आणि रोमांचक अनुभवासाठी ओळखले जातात. असाच एक रेल्वे मार्ग चेन्नई आणि रामेश्वरम दरम्यान आहे.

हा पूल पंबन पूल म्हणून ओळखला जातो. हा पूल केवळ तांत्रिक चमत्कार नाही तर भारतातील सर्वात धोकादायक रेल्वे मार्गांमध्ये देखील गणला जातो. पंबन पूल इतका खास आणि धोकादायक का मानला जातो ते जाणून घेऊया.

पंबन पुलाचे उद्घाटन 1914 मध्ये झाले. हा पूल भारतातील पहिला सागरी पूल आहे, जो पंबन बेटाला भारताच्या मुख्य भूमीशी जोडतो. हा पूल ब्रिटिश काळात बांधला गेला होता आणि आजही तो तितकाच मजबूत आहे.

पंबन पूल अंदाजे 2.3 किलोमीटर लांबीचा आहे आणि तो थेट समुद्रावर बांधला गेला आहे. जेव्हा ट्रेन या पुलावरून जाते तेव्हा असे वाटते की जणू ट्रेन पाण्यावर तरंगत आहे. निळा समुद्र आणि आजूबाजूला जोरदार वारे यामुळे हा प्रवास आणखी रोमांचक होतो.

जेव्हा पंबन पुलावर 58 किमी/तास पेक्षा जास्त वेगाने वारे वाहतात तेव्हा गाड्यांची वाहतूक थांबवली जाते. जोरदार वाऱ्यात ट्रेन हाताळणे कठीण होते आणि कोणत्याही अपघाताची शक्यता वाढते. या कारणास्तव हा एक धोकादायक रेल्वे मार्ग मानला जातो.

हा पूल समुद्राच्या अगदी वर असल्याने तो नेहमीच समुद्री मीठ आणि आर्द्रतेच्या संपर्कात असतो. त्यामुळे पुलाला गंज लागण्याचा धोका कायम आहे. त्यामुळे पूल सुरक्षित आणि टिकाऊ बनवण्यासाठी त्याची वेळोवेळी दुरुस्ती केली जाते.

पंबन पुलात एक विशेष भाग आहे, जो जहाजांना रस्ता देण्यासाठी वर उचलता येतो. पूर्वी हे काम हाताने केले जात होते. पण आता ते स्वयंचलित झालंय. त्यामुळे हा पूल आणखी खास झालाय पण त्यातील धोकाही वाढला आहे.

पावसाळ्यात आणि वादळी हंगामात या रेल्वे मार्गावर सर्वाधिक परिणाम होतो. समुद्राच्या उंच लाटा आणि पावसाचे पाणी पुलावरून वाहत असल्याने गाड्या थांबाव्या लागल्या. अशा हवामानात या मार्गावर ट्रेन चालवणे धोकादायक बनते.

चेन्नई ते रामेश्वरम या रेल्वे मार्गाचे धार्मिक महत्त्व देखील आहे. रामेश्वरम हे हिंदूंसाठी चार पवित्र धामांपैकी एक आहे. म्हणून दरवर्षी लाखो यात्रेकरू या मार्गाचा वापर करतात. साहस आणि भक्तीचा हा अनोखा संगम या मार्गाला आणखी खास बनवतो.