IPL 2023 : भारतीय संघ म्हणू नका किंवा मग आयपीएलची टीम. सिराजनं कायमच त्याच्या खेळाच्या बळावर या क्षेत्रात आपली वाट बनवण्याचा यशस्वी प्रयत्न केला.
)
अशा या खेळाडूच्या आयुष्यातील काही खास क्षण नुकतेच सोशल मीडियावर क्रिकेटप्रेमींनी पाहिले. कुटुंबाच्या अतिशय जवळ असणाऱ्या सिराजच्या घरी काही खास पाहुणे आले आणि हेच क्षण अनेकांना भारावून गेले.
)
मोहम्मद सिराजच्या घरी आलेले हे पाहुणे म्हणजे रॉयल चॅलेंजर्स बंगळुरू या संघातील खेळाडू. सनरायजर्स हैदराबादविरोधातील (SRH) सामन्यापूर्वी आरसीबीच्या (RCB) खेळाडूंनी सिराजचं घर गाठलं.
)
प्रचंड मेहनत आणि चिकाटीनं स्वप्नांचा पाठलाग करत सिराजनं हा स्वप्नांचा डोलारा उभा केला आणि क्रिकेट जगतातील बड्या खेळाडूंनी या वास्तूला भेट दिली. याहून मोठी गोष्ट काय ती?
)
संघातील खेळाडूंसाठी सिराजच्या घरी मेजवानीचं आयोजन करण्यात आलं होतं. सोशल मीडियावर आरसीबीच्याच वतीनं या क्षणांचे काही फोटो शेअर करण्यात आले.
)
क्रिकेट क्षेत्रातील इतकी मोठी नावं आपल्या घरी आल्याचा आनंद आणि त्यांच्याप्रती असणारं कुतूहल सिराजच्या कुटुंबीयांच्या चेहऱ्यावर स्पष्ट पाहायला मिळालं.
)
खुद्द मोहम्मद सिराजचाही आनंद या क्षणांना गगनात मावेनासा झाला होता. आपल्या घरी आलेल्या पाहुण्यांचा पाहुणचार करण्यासोबतच तो मोठ्या आपुलकीनं सर्वांना कुटुंबीयांसोबत भेटवत होता.
)
आता या भेटीगाठी झाल्या, मेजवानीवर तावही मारून झाला. आरसीबीचं पुढलं लक्ष्य असेल हैदराबादच्या संघाला नमवण्याचं. (सर्व छायाचित्र- आरसीबी/ ट्विटर)
Newsletter
