10 मॅचमध्ये 8 शतकं, 90+ स्ट्राइक रेट, IPL गाजवायला 'तो' येतोय... मित्राची टीम लावणार बोली? किंमत...

इंडियन प्रिमिअर लिगच्या आगामी पर्वासाठी या तरुण खेळाडूने स्वत:चं नाव नोंदवलं आहे. या खेळाडूच्या कामगिरीची आकडेवारी पाहून तुम्ही थक्क झाल्याशिवाय राहणार नाही. या खेळाडूचं बॉलिवूड आणि क्रिकेट कनेक्शन चर्चेत आहे. जाणून घेऊयात या खेळाडूबद्दल...

शतक झळकवणारी मशीन, धावांचा रतीब घालणारा फलंदाज अशी अवघ्या 10 सामन्यांमध्ये ओळख मिळवणाऱ्या खेळाडूने आयपीएल 2025 च्या लिलावासाठी स्वत:चं नाव नोंदवलं आहे.

वडील स्वत: एक प्रसिद्ध दिग्दर्शक असताना केवळ क्रिकेट या खेळावरील प्रेमापोटी सारं काही सेट असताना मेहनतीच्या जोरावर अल्पावधीत यश संपादन करणाऱ्या या तरुण क्रिकेटपटूची सध्या जोरदार चर्चा सुरु आहे. 

केवळ खेळाची आवड नाही तर त्यामध्ये उत्तम कामगिरी करता यावी म्हणून खेळाचा केलेला अभ्यास आणि तो अधिक चांगल्या पद्धतीने समजून घेण्यासाठी त्याने केलेली मेहनत त्याच्या खेळातून दिसून येतं. 

या खेळाडूची क्षमता यावरुनच लक्षात येईल की त्याने आपल्या पहिल्या 10 सामन्यांमध्ये 8 शतकं झाळकावली आहेत. कोणत्याही स्तरावर क्रिकेट खेळताना एवढ्या धावा करणं सोपं काम नाही. मात्र त्याने हे करुन दाखवलं आहे.

ज्या क्रिकेटपटूबद्दल आपण बोलतोय तो क्रिकेटपटू म्हणजे, 'मुन्नाभाई' फेम दिग्दर्शक विधू विनोद चोप्राचा मुलगा अग्नि चोप्रा!

अग्नि चोप्राने ज्या सामन्यामध्ये शतक झळावलं आहे ते मर्यादित षटकांचे सामने नव्हते. अर्थात आयपीएलमध्ये मर्यादित षटकाचे सामने खेळले जात असले तरी अग्नि चोप्राचं शॉट सिलेक्शन आणि फलंदाजीचं तंत्र उत्तम आहे.

अग्नि चोप्राने लाल बॉलने खेळल्या जाणाऱ्या अमर्याद षटकांच्या क्रिकेटमध्येच 10 सामन्यांत 8 शतकं झळकावली आहेत. प्रथम श्रेणी क्रिकेटमध्ये त्याने 10 सामन्यांमध्ये 92.11 च्या सरासरीने 1658 धावा केल्या असून त्यातच या 8 शतकांचा समावेश आहे.

26 वर्षीय अग्नि चोप्राने 2025 च्या आयपीएल लिलावासाठी आपलं नाव नोंदवलं आहे. भारत आणि परदेशामधील 1574 खेळाडूंच्या यादीत अग्नि चोप्राचेही नाव आहे. 

शतकांचा पाऊस पाडणाऱ्या अग्नि चोप्राने आपली बेस प्राइज 30 लाख रुपये इतकी ठेवली आहे. त्याला चांगली बोली मिळाली तर पहिल्यांदाच तो आयपीएलमध्ये खेळताना पाहायला मिळेल.

आता अग्नि चोप्रावर कोण बोली लावणार असा प्रश्न पडला असेल तर त्याचं पहिलं उत्तर गुजरात टायटन्स असं देता येईल. गुजरात टायटन्सचा कर्णधार शुभमन गिल आहे. शुभमन आणि अग्नि हे फार चांगेल मित्र आहेत.

अग्नि चोप्राने नुकताच आपला 26 वा वाढदिवस साजरा केला तेव्हा शुभमन गिल त्याच्या बहिणीसहीत अग्नि चोप्राच्या घरी बर्थ डे पार्टीसाठी गेला होता.

अग्नि चोप्रा हा मधल्या फळीमध्ये डावाला स्थैर्य मिळवून देणारा फलंदाज म्हणून ओळखला जातो. त्यामुळेच केवळ त्याच्या मित्राचा संघ नाही तर इतर संघांच्याही तो टार्गेटवर असेल यात शंका नाही.

विशेष म्हणजे अग्नि चोप्राने त्याची बेस प्राइज तुलनेनं फार कमी ठेवल्याने त्याच्यावर चांगली बोली लावण्याची संधी संघांकडे आहे.