PHOTO: चीननंतर भारतातील 'या' किल्ल्याची आहे सर्वात लांब भिंत, 500 वर्षांपूर्वी बांधला गेला होता किल्ला

भारतात ऐतिहासिक स्थळांची कमतरता नाही. भारतात अनेक राजवाडे आणि किल्ले आहेत, जे पाहण्यासारखे आहेत. इतिहासाची आवड असलेल्यांची आवर्जून अशा ठिकाणांना भेट द्यायला हवी. 

जर तुम्हाला इतिहासात रस असेल आणि किल्ले आणि राजवाडे पाहण्याची आवड असेल तर तुम्ही राजस्थानला भेट द्यायलाच हवी. या राज्यात अनेक डोंगरी किल्ले आहेत, त्यापैकी एक कुंभलगड किल्ला आहे. राजस्थानच्या राजसमंद जिल्ह्यात असलेला हा किल्ला अजयगड या टोपणनावानेही ओळखला जात असे, कारण हा किल्ला जिंकणे कोणत्याही राजासाठी खूप अवघड काम होते.

हा किल्ला अरवली पर्वतरांगांवर वसलेला असून समुद्रसपाटीपासून 1,100 मीटर उंचीवर आहे. या किल्ल्याची भिंत १५ फूट रुंद आहे. हा किल्ला महाराणा प्रताप यांचे जन्मस्थान आहे.  किल्ल्याच्या परिसरात अनेक हिंदू आणि जैन मंदिरे आहेत.

या किल्ल्याचे नाव आहे कुंभलगड. या किल्ल्याला ग्रेट वॉल ऑफ इंडियाअसेही म्हणतात. या तटबंदीला आणि किल्ल्याला भेट देण्यासाठी देशाच्या कानाकोपऱ्यातून पर्यटक येतात. द ग्रेट वॉल ऑफ चायना नंतर या किल्ल्याची भिंत पाहण्यासारखी आहे.

हा किल्ला १५ व्या शतकातील आहे. अकबरालाही हा किल्ला नष्ट करता आला नाही. या किल्ल्यात तुम्ही लाइट आणि साउंड शो देखील पाहू शकता. यासाठी तुम्हाला तिकीट काढावे लागते. 

असे म्हणतात की जेव्हा हा किल्ला बांधलायाला सुरुवात करायची होती तेव्हा अनेक समस्या येत होत्या, त्यानंतर एका संताने स्वतःचा त्याग केला आणि किल्ल्याचे बांधकाम सुरू झाले.

एखाद्या व्यक्तीने स्वेच्छेने त्याग केल्यास गडाच्या बांधकामातील अडथळे दूर होतात, असे सांगितले गेले होते. यामुळे शेवटी दुसऱ्या एका संताने स्वेच्छेने बलिदान दिले आणि मगच हा किल्ला बांधता आला.