राज्यात थंडीचा कडाका वाढला आहे. उत्तर महाराष्ट्रातील अनेक जिल्ह्यात तापमानाचा पारा घसरला आहे. अनेक जिल्ह्यात तर तापमान 4 अंशापर्यंत गेले आहेत. नंदूरबारमध्ये गवतावर व वाहनांवर बर्फाची चादर पसरली आहे.
)
उत्तरेकडून येणाऱ्या वाऱ्यामुळं राज्यात थंडीचा कडाका वाढला आहे. महाराष्ट्रात किमान तापमान आठ अंश सेल्सिअसवर आल्यामुळे उत्तर महाराष्ट्रात गारठा वाढला आहे.
)
नंदुरबार जिल्ह्यात शीत लहरीचा प्रकोप वाढत आहे. सातपुडा पर्वत रांगामधील वालंबा, डाब आणि तोरणमाळ परिसरात तापमानात मोठी घट झाल्याने थेट दवबिंदु गोठल्याचा प्रकार समोर आला आहे.
)
दवबिंदु गोठल्याने गवतांवर बर्फाची चादर पसरल्याचे चित्र दिसुन आले. या सोबतच चारचाकी वाहनांच्या टपावर बर्फ जमा झाल्याचे पाहायला मिळत आहे.
)
गेल्या काही वर्षापासुन या भागात तापमानात मोठ्य प्रमाणात घट होत असल्याने अशा पद्धतीने दवबिंदु गोठुन बर्फाची चादर होत असल्याचे चित्र दिसुन आले आहे.
)
अशातच कडाक्याच्या थंडीने सातपुडा पर्वत रांगामध्ये सकाळी उशीरापर्यत शेकोट्या पेटत असल्याचे चित्र आहे.
)
गेल्या 48 तासात नंदुरबारमधील सातपुडा परिसरात भागात तापमानात 08 अंश सेल्सिअसपर्यंत घट झाल्याचे पहावयास मिळाले होते. अशातच सातपुड्याच्या पर्वत रागांमध्ये समुद्र सपाटीभागापेक्षा तापमान चार ते पाच अंशापर्यंत खाली आलेलं आहे.
)
राज्यातील धुळे येथील कृषी महाविद्यालयात मंगळवारी देशातील सर्वात कमी ४ अंश सेल्सिअस किमान तापमानाची नोंद झाली. हे तापमान मोसमातील सर्वात निचांकी ठरले आहे.
Newsletter
