Mahashivratri 2024 : 8 मार्चला महाशिवरात्रीच व्रत ठेवण्यात येणार आहे. महाशिवरात्री आणि सोमवारी शिव मंदिरात जाऊन शिवलिंगावर जल अर्पण केलं जातं.
)
धार्मिक शास्त्रानुसार भगवान महादेवाचा आशीर्वाद मिळवण्यासाठी शिवलिंगावर जल अर्पण केलं जातं. त्यामुळे महादेव प्रसन्न होतात, अशी मान्यता आहे.
)
शिवाय धार्मिक शास्त्रात शिवलिंगावर जल कधी अर्पण करु नये याबद्दलही सांगण्यात आलं आहे. प्रत्येक शिव भक्ताला हा नियम माहिती हवा.
)
हिंदू धर्मात शिवलिंगावर जल आणि बेलपत्र अर्पण करण्यासाठी काही नियम सांगण्यात आले आहेत. अशी मान्यता आहे की जल आणि बेलपत्र हे महादेवाला प्रिय आहेत.
)
धार्मिक शास्त्रानुसार शिवलिंगावर पहाटे 5 ते 11 या वेळेत जल अर्पण करणे खूप शुभ मानले जाते.
)
शिवपुराणानुसार सूर्यास्तानंतर शिवलिंगावर जल अर्पण करु नये. त्याच बरोबर शिवलिंगाची सजावट करुन जल अर्पण करणे वर्ज्य मानले जाते.
)
मात्र महाशिवरात्री आणि श्रावण महिन्यात महादेवाला सूर्यास्तानंतरही जल अर्पण करु शकता.
)
शास्त्रानुसार असं सांगण्यात आलंय की, सूर्यास्तानंतर शिवलिंगावर जलाभिषेक करु नये. कारण कोणतीही पूजा ही सूर्याच्या साक्षीने करावी असं म्हणतात. (Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
Newsletter
