Most Expensive House in Mumbai: मुंबईतील सर्वात महागडी घरं, जाणून घ्या कोण आहेत मालक आणि घराची किंमत

मुंबईत सर्वात महागडं घर आहे ते देशातील सर्वात श्रीमंत उद्योगपती मुकेश अंबानी (Mukesh Ambani) यांचं. अंबानी यांच्या निवासस्थानाचं नाव एंटीलिया असं असून फोर्ब्सने दिलेल्या माहितीनुसार एंटीलियाची किंमत जवळपास एक बिलियन डॉलर इतकी आहे. जगातील सर्वात महागड्या घरांपैकी हे एक घर आहे. एंटीलियामध्ये 27 मजले असून यात 9 हाय स्पिड लिफ्ट आहेत. घरात 168 कार राहू शकतात इतकं पार्किंग आहे. शिवाय 3 हेलीपॅड, एक  भव्य बॉलरुम, एक थिएटर, स्पासुद्धा आहे. 

आदित्या बिरला समूहाची चौथी पिढी कुमार मंगलम बिरला मुंबईतल्या अलीशान मलबार हिल इथल्या जाटिया हाऊसमध्ये राहातात. हे घर 28 हजार चौर मीटरमध्ये पसरलं आहे. या बंगल्याची किंमत जवळपास 425 कोटी इतकी आहे.

मुकेश अंबानी यांची कन्या ईशा अंबानी आणि जावई आनंद पिरामल अलिशान बंगल्यात राहातात. 2012 मध्ये पिरामल कुटुंबाने 452 कोटी रुपयांना हा बंगला विकत घेतला. या बंगल्याचं नाव गुलिटा असं आहे. या बंगल्यात पाच मजले असून तीन बेसमेंट आहेत. 

Expensive House in Mumbai: मुंबईतल्या 78 भूलाभाई देसाई रोडवर असलेलं लिंकन हाऊस हे सायर पूनावाला यांचं घर. या घराला ऐतिहासिक पार्श्वभूमी आहेत. वांकानेरचे महाराजा एचएच सर अमरसिंह बनसिंहजी आणि त्यांचे पूत्र प्रतातपसिंहजी यांच्यासाठी हा बंगला बनवण्यात आला होता. 2015 मध्ये सायरस पुनावाला यांनी हा बंगला 113 मिलियन डॉलरला हा बंगला विकत घेतला.

बॉलिवूडचा किंग खान शाहरुखचा मुंबईतला मन्नत बंगला चाहत्यांसाठी नेहमीच आकर्षणाचा विषय असतो. मुंबईतल्या बँडस्टँड परिसरात असलेला या बंगल्याची किंमत 200 कोटी रुपये इतकी आहे. सहा मजल्यांचा हा बंगला असून याला मोठी गॅलरी आहे. याशिवाय एक थिएटरदेखील आहे. 

टाटा समूहाचे सर्वेसर्वा रतन टाटा यांचा मुंबईतल्या कुलाबा इथं अलिशान बंगला आहे. रतन टाटा यांच्या बंगल्याची किंमत 150 कोटी रुपये इतकी असून जवळपास 13,350 चौरस मीटर इतकं या बंगल्याचं क्षेत्रफळ आहे. 

बॉलिवूड दिग्दर्शक आणि निर्माता रमेश सिप्पी यांनी बिग बी अमिताभ बच्चन यांना जलसा हा बंगला भेट म्हणून दिला होता. या बंगल्याची किंमत 112 कोटी रुपये इतकी आहे.