माऊली आणि संत तुकाराम महाराज यांच्यासह बऱ्याच संतमंडळींच्या पालख्यांनी राज्या...
)
Ashadhi Ekasadhi : माऊलींच्या चरणी सुप्रिया सुळे नतमस्तक; डोक्यावर तुळस घेत वारीत सहभाग
)
टप्प्याटप्प्यानं या पालख्या आता पंढरपूरच्या दिशेनं पुढे जात असून, आता येणाऱ्या दर दिवसागणिक हा प्रवास आणखी रंगतदार होणार हे नाकारता येत नाही.
)
नुकताच ज्ञानेश्वर माऊलींच्या पालखीनं दिवेघाट ओलांडला.
)
दरवर्षी पालखी दिवेघाटात पोहोचते तेव्हातेव्हा इथं प्रचंड गर्दी होते. मुंबई- पुण्याहून असंख्य मंडळी या पालखीचं दर्शन घेत वारीत सहभागी होण्यासाठी येतात.
)
अगदी राजकीय चेहरेसुद्धा यात मागे नाहीत. यंदाच्या वर्षीसुद्धा हेच चित्र पाहायला मिळालं जिथं राष्ट्रवादीच्या खासदार सुप्रिया सुळे वारीत सहभागी झाल्या.
)
दिवेघाट परिसरात सुप्रिया सुळे वारीत सहभागी होत माऊलींच्या चरण नतमस्तक झाल्या.
)
वारीत आलेल्या सानथोरांशी त्यांनी संवाद साधला, मोठ्या आपुलकीनं या मंडळींच्या साथीनं त्या वारील चालल्या.
)
यावेळी 'झी 24तास'शी संवाद साधताना त्यांनी माऊलींकडे नेमकं काय मागणं मागितलं हेसुद्धा सांगितलं.
)
'माऊली... यंदा चांगला पाऊस पडू दे आणि अडचणीत आलेल्या बळीराजाला न्याय मिळू दे' अशी आर्जव त्यांनी केली.
)
वारीत चालत असताना त्यांनी निवडणुकांचा विषय निघताच 'रामकृष्ण हरी' अशा मोजक्या शब्दांत त्यांनी उत्तर दिलं.
)
राज्यातील राजकारण आणि तत्सम प्रश्नांना बगल देत सुप्रिया सुळे यांनी कोणतीही प्रतिक्रिया न देता 'रामकृष्ण हरी' इतकंच म्हणणं योग्य समजलं.
)
थोडक्यात भक्तिच्या या महासागराला राजकारणाची किनार नको, असाच अविर्भाव त्यांच्या या वागण्यातून स्पष्ट झाला.
)
वारी प्रत्येकासाठी खास असते, सुप्रिया सुळे यासुद्धा याच वारीतल्या असंख्य विठ्ठलभक्तांपैकी एक असं म्हणायला हरकत नाही.
Newsletter
