IPL मधून शिका गुंतवणुकीचे 5 धडे! विराटचे चौके आणि रोहितच्या सिक्सरप्रमाणे बरसतील पैसे

इंडियन प्रीमियर लीग (IPL)लोकप्रियता आणि कमाईच्या बाबतीत सर्वोच्च स्थानी आहे. आयपीएलच्या तोडीस कोणी स्पर्धक राहीला नाहीय. क्रिकेट विश्वातील सर्वात मोठी लीग म्हणून आयपीएलकडे पाहिले जाते. अमेरिकेच्या नॅशनल फुटबॉल लीग (NFL) नंतर आयपीएल ही जगातील दुसरी सर्वात यशस्वी लीग  आहे. 

भारताचा शेअर बाजार आणि आयपीएल जवळजवळ एकाच वेळी टेक ऑफ सुरू झाले. शेअर बाजारात गुंतवणूक करण्याचा धडा घ्यायचा असेल तर आयपीएलपेक्षा चांगले उदाहरण क्वचितच असेल. आयपीएलमधून तुम्ही कोणते गुंतवणुकीचे धडे शिकू शकता याबद्दल जाणून घेऊया. 

ज्यांच्या किमती खूप वाढल्या आहेत त्या शेअर्सच्या मागे धावण्याची गरज नाही. अशा शेअर्सना ओव्हरव्हॅल्युड म्हटले जाते आणि त्यांच्याकडून चांगला परतावा मिळण्याची शक्यता खूपच कमी असते. उदाहरणार्थ, यावेळी कोलकाता नाईट रायडर्सने ऑस्ट्रेलियन वेगवान गोलंदाज मिचेल स्टार्कला सर्वाधिक किंमतीत, 24.75 कोटी रुपयांना विकत घेतले. पण प्रत्यक्ष मैदानात स्टार्कने 6 सामन्यात अवघ्या 5 विकेट घेतल्या. प्रत्येक षटकामागे 11 धावा दिल्या आहेत.

स्वस्त पण मजबूत फंडामेंटल असलेल्या शेअर्सवर तुम्ही पैज लावली पाहिजे. असे शेअर्स तुम्हाला सातत्याने चांगला परतावा देतात. यासाठी मयंक यादव, रिंकू सिंग आणि रचिन रवींद्र .यांचे उदाहरण घेता येईल. लखनौ सुपर जायंट्स (एलएसजी) ने मयंकला अवघ्या 20 लाख रुपयांना आणि चेन्नई सुपर किंग्सने (CSK) त्याला 1.8 कोटी रुपयांना खरेदी केले. मयंकने आत्तापर्यंत 3 सामने खेळले आहेत, त्यापैकी दोन सामन्यांमध्ये त्याने आपल्या संघाला विजय मिळवून देण्यात महत्त्वाची भूमिका बजावली आहे. त्याने आतापर्यंत 6 बळी घेतले आहेत आणि त्याचा इकॉनॉमी देखील 6 आहे. जी टी-20 च्या दृष्टीने आश्चर्यकारक म्हणावी लागेल.

बऱ्याच स्टॉकची बॅलन्सशीट खूप मजबूत असते. पण काही काळ उलटला तरी त्यातून चांगला परतावा मिळत नाही. असे झाले की तो स्टॉक आपण पोर्टफोलिओमधून काढून विकतो. राजस्थान रॉयल्सने रियान परागसोबत हेच केले. रियान पराग राजस्थानशी बराच काळ जोडला गेला आहे. पण या काळात त्याची कामगिरी काही विशेष झाली नाही. सोशल मीडियावरही त्याला खूप ट्रोल करण्यात आले. मात्र राजस्थानने त्याला संधी देणे सुरूच ठेवले. 

या आयपीएल हंगामात रियानने राजस्थानच्या आतापर्यंतच्या गुंतवणुकीची पूर्ण भरपाई केली आहे. सध्याच्या मोसमात सर्वाधिक धावा करणाऱ्यांच्या यादीत तो विराट कोहलीनंतर दुसऱ्या स्थानावर आहे. रायनने आतापर्यंत 7 सामन्यात 318 धावा केल्या आहेत. सरासरी 64 आणि स्ट्राइक रेट 161 आहे.

जर एखादा स्टॉक योग्य परतावा देत असेल तर तो दीर्घ मुदतीसाठी ठेवला पाहिजे. आणि रॉयल चॅलेंजर्स बेंगळुरू (RCB) च्या चुकीपासून तुम्ही हा धडा घेऊ शकता. करिष्माई लेग स्पिनर युझवेंद्र चहल हा बराच काळ आरसीबीचा भाग होता. पण फ्रँचायझीने त्याला अचानक सोडले. लिलावात त्याला पुन्हा विकत घेण्याचा प्रयत्नही केला नाही. दुसरीकडे राजस्थान रॉयल्सने त्याला 6.5 कोटी रुपयांमध्ये करारबद्ध केले आणि त्याने संघासाठी अनेक सामने जिंकणारी कामगिरी केली. आयपीएलच्या इतिहासात 199 विकेट्स घेऊन तो सर्वाधिक बळी घेणारा गोलंदाजही ठरला आहे.

जर तुम्हाला शेअर बाजारातून खरोखरच नफा मिळवायचा असेल, तर काही शेअर्सवर पैज लावा जे तुमचा संपूर्ण पोर्टफोलिओ स्वतःहून खेचू शकतात. ही तुमची दीर्घकालीन गुंतवणूक असावी. चेन्नई सुपर किंग्जने जसे महेंद्रसिंग धोनीसोबत केले. तसे मुंबई इंडियन्सने रोहित शर्मासोबत केले आणि रॉयल चॅलेंजर्स बंगलोरने विराट कोहलीसोबत केले.

हे सर्व खेळाडू त्यांच्या फ्रेंचायझीचा अभिमान आहेत. धोनी आणि रोहितनेही आपल्या संघांसाठी अनेक आयपीएल ट्रॉफी जिंकल्या आहेत. अर्थात कोहली आरसीबीसाठी एकही ट्रॉफी जिंकू शकला नाही. असे असले तरी विराट कोहलीच्या नावाने आरसीबीची टीम ओळखली जाते.