PM Modi Lion Safari: देशाचे पंतप्रधान गिर इथं पोहोचताच अभयारण्य व्यवस्थापनाच्या वतीनं त्यांना जंगल सफारीवर नेण्यात आलं. याच सफारीचे काही खास क्षण वृत्तसंस्थेनं सोशल मीडियार शेअर केले...
)
PM Modi Lion Safari: गुजरात दौऱ्यावर असणाऱ्या पंतप्रधान नरेंद्र मोदी यांनी दौऱ्याच्या दुसऱ्या दिवशी गिर अभयारण्य गाठलं. जिथं त्यांनी आशियाई सिंहांना अगदी जवळून पाहिलं.
)
जंगलाच्या सफरीवर गेलं असता पंतप्रधानांनी अभयारण्यात मुक्त वावर करणाऱ्या या जंगलच्या राजाचे काही फोटोसुद्धा आपल्या खास कॅमेरामध्ये टीपले. एएनआय या वृत्तसंस्थेनं मोदींच्या या खास दौऱ्यातील फोटो शेअर केले.
)
आशियाई सिंहांचा सर्वात मोठ्या अधिवासांपैकी एक अशा या गिर अभयारण्यामध्ये जंगल सफारीदरम्यान क्षणाक्षणाला या प्राण्याला इतकं जवळून पाहताना पंतप्रधानही भारावून गेले.
)
गिरमधील या खास सफरीदरम्यान पंतप्रधान मोदी अगदी कमाल पोषाखात पाहायला मिळाले. जंगल सफारीसाठी सहसा पसंती जिलं जाणारं कॅमोफ्लज शर्ट, त्यावर जॅकेट, सफारीची हॅट असा त्यांचा लूक होता.
)
सूर्योदयापासूनच पंतप्रधान गिरच्या या अभयारण्यामध्ये जिप्सीतून सफारीसाठी निघाले होते. यावेळी त्यांनी या जंगलाची कैक रुपं आपल्या नजरेसह आपल्या कॅमेरामध्येही कैद केली.
)
सरकारी सूत्रांच्या माहितीनुसार देशात आशियाई सिंहांच्या संरक्षणासाठी 'प्रोजेक्ट लायन' अंतर्गत केंद्राच्या वतीनं 2900 कोटी रुपये इतकी मोठी रक्कम मंजूर करण्यात आली आहे.
)
पंतप्रधान नरेंद्र मोदी शनिवारी गुजरात दौऱ्यावर पोहोचले. रविवारी सकाळी जामनगरमधील वनतारा येथे त्यांनी भेट दिली. त्यानंतर ते सासन गिर राष्ट्रीय उद्यानाला पोहचले.
)
सोशल मीडियावर पंतप्रधानांचे हे फोटो बरेच व्हायरलही झाले आहेत. याच निमित्तानं आतापर्यंत पंतप्रधानांनी भेट दिलेल्या काही अद्वितीय ठिकाणांच्या यादीत आता गिरचंही नाव जोडलं गेलं आहे. (सर्व छायाचित्र- एएनआय)
Newsletter
