मुकेश अंबानीच नव्हे, अनिल अंबानींचं घरही आहे तोडीस तोड; पाहून म्हणाल काय ती श्रीमंती...

Anil Ambanis luxuriou`s Mumbai home : कधी एकेकाळी जगातील 6 व्या क्रमांकाचे धनाढ्य व्यक्ती अशी ओळख असणाऱ्या अनिल अंबानी यांचं नाव त्यांच्यावर ओढावलेल्या आर्थिक संकटामुळं चर्चेत असतंच. पण, आता मात्र त्यांचं नाव त्यांच्या मुंबईतील घरामुळं प्रकाशात आलं आहे. 

मुंबईच्या पाली हिल भागात अनिल अंबानी यांच्या मौल्यवान संपत्तीपैकी एक असणारं त्यांचं घर आहे. बॉलिवूड अभिनेत्री- पत्नी टीना अंबानी यांच्यासह मुलं जय अनमोल अंबानी आणि जय अंशुल अंबानी यांच्यासह ते या 17 मजली आलिशान घरात राहतात. 

रिअल इस्टेट क्षेत्रातील जाणकारांच्या मते अंबानींच्या या घराची किंमत साधारण 5000 कोटी रुपये इतकी आहे. शहरातील सर्वात महागड्या घरांमध्ये अंबानींच्या या घराची नोंद होते. 

हे मुंबईतील तिसऱ्या क्रमांकाचं महागडं घर आहे. तर, मुकेश आणि नीता अंबानी यांचं अँटिलिया 15000 कोटी रुपयांचं असून, ही किंमत अनिल अंबानी यांच्या घराहून तिपटीनं जास्त आहे. वांद्र्यातील पाली हिल परिसरात असणारं हे घर साधारण 16000 चौरस फुटांच्या भूखंडावर उभं आहे. इथं हेलिपॅडचीही सुविधा आहे. ओपन स्विमिंग पूल, जीम आणि तत्सम अनेक सोयीसुविधा इथं आहेत. 

अनिल अंबानी यांच्या कुटुंबानं या घराला Abode असं नाव दिलं आहे. 'एक असं ठिकाण जिथं तुम्ही राहता', असा या शब्दाचा अर्थ. 

घरच इतकं मोठं आहे की, इथं प्रत्येक व्यक्तीला त्याची खोली. पाहुणे मंडळी आल्यास त्यांच्यासाठी राहण्याची स्वतंत्र व्यवस्था, लाऊंज एरिया अशा गोष्टी आहेत. 

माध्यमांमध्ये उपलब्ध माहितीनुसार अनिल अंबानींकडे Rolls Royce, Lexus XUV, Porsche, Audi Q7 आणि मर्सिडीज अशा महागड्या कार आहेत.