Saif Ali Khan Meet Auto Rickshaw Driver: सैफ अली खानवर हल्ला झाल्याच्या दिवसापासून हा रिक्षाचालक चांगलाच चर्चेत आहे. असं असतानाच आता या रिक्षाचालकाचे सैफबरोबरचे फोटो समोर आले आहेत. या दोघांमधील चर्चेचा तपशीलही समोर आला आहे.
)
अभिनेता सैफ अली खानने त्या रिक्षाचालकाला काय शब्द दिलाय आहे जाणून घ्या. या दोघांनी लिलावतीमध्ये सैफला डिस्चार्ज मिळतानाच भेट घेतली. या भेटीत दोघांनी काय चर्चा केली जाणून घ्या.
)
अभिनेता सैफ अली खान लिलावती रुग्णालयामध्ये पाच दिवस उपचार घेतल्यानंतर मंगळवारी घरी परतला.
)
16 जानेवारीला सैफवर प्राणघातक हल्ला झाला होता. त्यामधून थोडक्यात बाचवलेल्या सैफने रुग्णालय सोडण्याआधी एका खास व्यक्तीची भेट घेतली.
)
16 जानेवारीच्या रात्री रक्तबंबाळ अवस्थेत सैफ अली खान त्याच्या घराखाली आला तेव्हा त्याला जो रिक्षाचलक भजन सिंग राणा रुग्णालयात घेऊन गेला त्याचीच सैफने रुग्णालयातून डिस्चार्ज मिळताना भेट घेतली.
)
आयएएनएस या वृत्तसंस्थेनं या भेटीचे फोटो आणि भेटीत या दोघांमध्ये काय बोलणं झालं याबद्दलची माहिती दिली आहे. सैफने मदतीच्या क्षणी धावून आलेल्या या रिक्षाचालाचे आभार मानले.
)
विशेष म्हणजे सैफ अली खानबरोबरच त्याची आई आणि ज्येष्ठ अभिनेत्री शर्मिला टागोर यांनीही भजन सिंग राणाची भेट घेतली. या दोघांच्या भेटीचे रुग्णालयातील फोटो समोर आले आहेत.
)
शर्मिला टागोर यांनी तुमच्याकडून अशाचप्रकारे गरजुंची मदत होवो, असं म्हणत भजन सिंग राणा या रिक्षाचालकाचे आभार मानले. यापूर्वीच या रिक्षाचलकाला एका संस्थेनं 11 हजारांचं बक्षीस देऊन गौरव केला आहे.
)
यावेळेस सैफ अली खानने भजन सिंग राणा यांना 16 तारखेच्या रात्री न दिलेलं भाडं मी नक्की देईन असं सांगितलं. अगदी गळ्यात गळे घालून दोघांनी सैफला डिस्चार्ज मिळण्याआधी हॉस्पीटलमध्ये गप्पा मारल्या.
)
तसेच भजन सिंग राणाला काहीही मदत लागल्यास आपण ती करण्यास तयार असल्याचंही सैफ अली खानने सांगितलं, असं आयएएनएसने दिलेल्या वृत्तात म्हटलं आहे.
Newsletter
