Saving Schemes: गुंतवणूक करण्यासाठी 'या' 5 बचत योजना बेस्टच, बंपर रिटर्न मिळण्याबाबत अधिक जाणून घ्या

ज्येष्ठ नागरिक बचत योजनेत गुंतवणूक केल्यास चांगला परतावा मिळतो. यामध्ये तुम्हाला वर्षाला 8 टक्क्यांपर्यंत व्याज मिळते. यामध्ये 60 वर्षांवरील कोणताही नागरिक लाभ घेऊ शकतो. यामध्ये तुम्हाला संयुक्त खात्यावरही लाभ मिळतो.

सार्वजनिक भविष्य निर्वाह निधी (PPF) या योजनेत बचत करणे खूपच फायद्याचे आहे. या योजनेत तुम्हाला चक्रवाढीचा लाभही मिळतो. सध्या 7.1 टक्के परतावा मिळत आहे. दरवर्षी तुम्ही त्यात किमान 500 रुपये आणि कमाल 1.5 लाख रुपये जमा करु शकता. यामध्ये गुंतवणुकीवर तुम्हाला आयकर कलम 80C अंतर्गत करात सूटही मिळते.

गुंतवणुकीसाठी सुकन्या समृद्धी योजना (SSY) चांगली आहे. मुलींचे भविष्य डोळ्यासमोर ठेवून ही योजना सुरु केली गेली आहे. या योजनेत 7.6 टक्के रिटर्न मिळतो. येथे गुंतवणुकीवर तुम्हाला आयकर कलम 80C अंतर्गत कर सूट मिळते.

किसान विकास पत्र (KVP) ही एक गुंतवणुकीसाठी चांगली योजना आहे. या योजनांमध्ये गुंतवणूक केल्यास तुम्हाला 7.2 टक्के परतावा मिळेल. किसान विकास पत्रामध्ये तुम्हाला कोणत्याही प्रकारची कर सूट मिळत नाही. यामध्ये 10 वर्षांसाठी पैसे जमा केले जातात आणि दुप्पट परत मिळतात.

नॅशनल सेव्हिंग स्कीममध्ये (NSS) गुंतवणूक केल्यावर तुम्हाला 7 टक्के परतावा मिळतो. यामध्ये 5 वर्षांसाठी पैसे जमा केले जातात. तुम्हाला 1.5 लाख रुपयांपर्यंत कर सूट मिळते.