SIP vs PPF: कुठेही गुंतवणूक करण्यापूर्वी कृपया तुमच्या आर्थिक सल्लागाराचा सल्ला घ्या. असे केल्यास तुम्ही तुमच्या गुंतवणुकीचे अधिक चांगल्या पद्धतीने नियोजन करू शकता.
)
SIP vs PPF: दीर्घकालीन गुंतवणुकीसाठी एसआयपी आणि पीपीएफ दोन्ही प्रभावी ठरू शकतात. तुम्हालाही या दोघांपैकी एकामध्ये गुंतवणूक करायची आहे का? एसआयपी की पीपीएफपैकी कशामध्ये पैसे गुंतवायचे याबद्दल तुम्ही संभ्रमात आहात का? यामधील फरक थोडक्यात जाणून घेऊया.
)
पीपीएफ म्हणजे सार्वजनिक भविष्य निर्वाह निधी. ही सरकारी योजना आहे. यामध्ये सरकारकडून हमी असते. त्यामुळे कोणत्याही तणावाशिवाय पीपीएफमध्ये गुंतवणूक करता येते. PPF खाते 15 वर्षांत परिपक्व होते. सध्या, पीपीएफमध्ये गुंतवणुकीवर 7.1% वार्षिक व्याजदर दिला जात आहे.
)
तुम्ही पीपीएफमध्ये एका आर्थिक वर्षात 1.5 लाख रुपयांपर्यंत गुंतवणूक करू शकता. खात्याच्या मॅच्युरिटीपूर्वी पैसे काढल्यास, 1% व्याज कापून तुम्हाला पैसे परत केले जातील. यामध्ये तुम्हाला दरवर्षी 1.5 लाख रुपयांपर्यंत कर सूटही मिळते.
)
SIP म्हणजे सिस्टेमॅटीक इन्व्हेट्समेंट प्लान म्हणजेत पद्धतशीर गुंतवणूक योजना. एसआयपीद्वारे तुम्ही म्युच्युअल फंडात गुंतवणूक करू शकता. बाजारातील चढउताराचा परिणाम एसआयपीवर दिसून येतो.
)
साधारणपणे एसआयपीमध्ये गुंतवणूक केल्यास सरासरी 12% परतावा मिळू शकतो. एसआयपीद्वारे चांगला फंड बनवण्यासाठी तुम्ही दीर्घकालीन गुंतवणूक करावी, असा सल्ला तज्ञांकडून दिला जातो.
)
पीपीएफमध्ये दरमहा 5000 रुपये गुंतवून तुम्ही वार्षिक 60,000 रुपये गुंतवाल. जर तुम्ही हे 15 वर्षे सतत करत असाल तर तुम्हाला PPF खात्यात एकूण 9 लाख रुपये जमा होतील. 7.1% च्या वार्षिक परताव्यानुसार, तुम्हाला 15 वर्षांमध्ये 16 लाख ,27 हजार 284 व्याज मिळेल.
)
गुंतवणूक आणि व्याजाची रक्कम मॅच्युरिटीवर मिळालेल्या रकमेत एकत्रितपणे दिली जाईल. या गुंतवणुकीत प्राप्त झालेली एकूण रक्कम 16 लाख 27 हजार 284 इतकी असेल.
)
जर तुम्ही एसआयपीमध्ये 15 वर्षांसाठी दरमहा 5 हजार रुपये गुंतवले तर तुम्ही त्यात एकूण 9 लाख रुपये गुंतवाल. समजा तुम्हाला 12% परतावा मिळाला, तर या गणनेनुसार तुम्हाला 15 वर्षात फक्त 16 लाख 22 हजार 880 चे व्याज मिळेल.
)
मॅच्युरिटीवर, तुम्हाला व्याज आणि गुंतवणुकीची रक्कम एकत्रितपणे मिळेल, जी 25 लाख 22 हजार 880 रुपये असेल. बाजारातील चढउतारांमुळे, SIP परतावा कमी किंवा जास्त असू शकतो.
)
एसआयपी आणि पीपीएफ दोघांमध्ये 15 वर्षांसाठी गुंतवणूक केली तर तुम्हाला PPF पेक्षा SIP मधून जास्त परतावा मिळू शकतो. असे असले तरी कुठेही गुंतवणूक करण्यापूर्वी कृपया तुमच्या आर्थिक सल्लागाराचा सल्ला घ्या. असे केल्यास तुम्ही तुमच्या गुंतवणुकीचे अधिक चांगल्या पद्धतीने नियोजन करू शकता.
Newsletter
