Business Ideas: घरबसल्या वाढेल तुमचे उत्पन्न, फक्त 10 हजार गुंतवून करा सुरुवात

Work From Home Buisness Idea: व्यवसाय करणे, तो नीट चालविणे हे प्रत्येकालाच जमेल असे नाही. त्यामुळे बहुतांशजण यात न पडता नोकरी करण्यावर समाधान मानतात. असे असले तरी काही ट्रेंडिंग बिझनेस आयडिया बाजारात आल्या आहेत. ज्यातून तुम्हाला फक्त एक ते दोन महिन्यांत चांगले उत्पन्न मिळू शकते. 

महत्त्वाची गोष्ट म्हणजे या बिझनेस आयडिया अंमलात आणल्याने तुमच्या खिशावर भार पडत नाही. विशेष म्हणजे यासाठी तुम्हाला कोणत्याही प्रकारचे कर्ज घेण्याचीही गरज नाही. जर तुम्हालाही घरबसल्या तुमचे उत्पन्न वाढवायचे असेल तर काही बिझनेस आयडिया जाणून घेऊया.

प्रोडक्ट लेबलिंग हा एक वेगाने वाढणारा व्यवसाय विभाग आहे. घरापासून कंपन्यांपर्यंत सर्वांना याची गरज भासते. आजकाल खाद्यपदार्थांपासून सौंदर्यप्रसाधनांपर्यंत अनेक वस्तूंसाठी लेबलिंग करण्याचे काम सुरू करू शकता. यासाठी तुम्हाला खूप कमी गुंतवणूक करावी लागेल. हा व्यवसाय तुम्हाला दररोज 1000 ते 5000 रुपये कमवू शकतो.

सध्या पाण्याच्या बाटलीचा व्यवसाय तेजीत आहे. दुर्गम भागात बाटलीबंद पाण्याचा वापर वाढत आहे. हे लक्षात घेऊन या व्यवसायात पैसे गुंतवणे तुमच्यासाठी फायदेशीर ठरू शकते. यामध्ये तुम्ही दररोज 2000 ते 5000 रुपये कमवू शकता.

क्लाउड किचन ही संकल्पना वेगाने लोकांचे लक्ष वेधून घेत आहे. खरं तर, आता तुम्ही कोणत्याही रेस्टॉरंट सेटअपशिवाय तुमच्या घरातील स्वयंपाक आवडणाऱ्या व्यक्तींना टार्गेट करु शकता. लोकांना स्वादिष्ट खाद्यपदार्थ विकू शकता. यासाठी फूड अॅप्सचा वापर करु शकता. अशा प्रकारे तुम्ही दरमहा 1000 ते 4000 रुपये कमवू शकता.

आजकाल, क्लिनरपासून हात धुण्यापर्यंत अशी अनेक उत्पादने आहेत, ज्यांचा कच्चा माल सहज उपलब्ध आहे. तुम्हाला फक्त या कच्च्या मालामध्ये पाणी मिसळावे लागेल आणि ते काही तास ठेवावे लागेल, त्यानंतर ते तयार होतील. तयार झालेले पदार्थ घरीच बाटलीबंद करून बाजारात पाठवले जातात. या व्यवसायात चांगले उत्पन्न आहे आणि त्यात गुंतवणूकही 4000 ते 10,000 रुपयांपर्यंत आहे.

चपात्या, वडे बनवण्यासाठी लागणारे पीठ बाजारातून आणायचा अनेकांना कंटाळा येतो. अशावेळी तुम्ही घरघंटी आणू शकलात तर तुमचा चांगला व्यवसाय होऊ शकतो. घरघंटी तुम्हाला घरच्या पीठासाठीदेखील उपयोगी येईल आणि घरी असलेल्या व्यक्तीसाठी चांगली कमाई करुन देईल. 

आपल्या घरी एखादा व्यक्ती असतो जो ऑनलाइन फॉर्म भरण्यात पटाईत असतो. लोकांना याची गरज असते. कॉलेजचा फॉर्म भरणे, नोकरभरतीचा फॉर्म भरणे, आधार कार्ड, पॅनकार्ड काढून देणे, पीएम किसानचा फॉर्म, पेन्शन योजनेचा फॉर्म भरुन तुम्ही लोकांच्या मदतीसोबत कमाईदेखील करु शकता.