New Electric Car: फक्त उन्हात उभी करा, 643 किमी चालवा; चार्जिंगच्या कटकटीपासून सुटका!

अमेरिकेतील लास वेगास येथे झालेल्या कंझ्युमर इलेक्ट्रॉनिक्स शो 2025 मध्ये 'अपटेरा मोटर्स'ने त्यांची पहिली प्रोडक्शन कार, एक इलेक्ट्रिक कार सादर केली. या कारची खासियत म्हणजे ही ईव्ही सौर उर्जेवर चालते. इंटिग्रेटेड सौर पॅनेल असलेली ही भविष्यकालीन कार जगातील पहिली प्रोडक्शन रेडी सौरऊर्जेवर चालणारे इलेक्ट्रिक वाहन आहे. 

कार प्लग इन न करतादेखील दररोज 60 किलोमीटरपर्यंतचे अंतर कापू शकते. सौरऊर्जेवर चालणाऱ्या ईव्हीसाठी आतापर्यंत सुमारे 50 हजार बुकिंग मिळाले आहेत. ही कार लवकरच रस्त्यावर येईल, असे अमेरिकेतील या स्टार्टअप कंपनीने म्हटले आहे. 

सौरऊर्जेवर चालणाऱ्या अपटेराच्या पॉवर आणि स्पीडबद्दल जाणून घेऊया. फ्रंट-व्हील ड्राइव्ह इलेक्ट्रिक कारची सिंगल इलेक्ट्रिक मोटर जास्तीत जास्त 198 बीएचपी पर्यंतची पॉवर निर्माण करू शकते. ही कार साधारण 6 सेकंदात 0 ते 10 किमी प्रतितास वेग वाढवू शकते.

अपटेरा सौरऊर्जेवर चालणाऱ्या इलेक्ट्रिक कारची रचना अनोखी आहे. ही दोन सीटर कार आहे. जी पंख नसलेल्या उडत्या कारसारखी दिसते. या कारमध्ये 4 सौर पॅनेल्स आहेत. प्रत्येकी एक हुड, डॅश, छत आणि हॅट आहे. हे पॅनेल 700 वॅटपर्यंत वीज निर्माण करू शकतात. 

सौरऊर्जेवर चालणारी ही ईव्ही एका चार्जवर 643 किलोमीटरपर्यंतचा प्रवास करू शकते असा विश्वास व्यक्त करण्यात आला आहे. सौर पॅनेल एका तासापेक्षा कमी वेळात ईव्ही पूर्णपणे रिचार्ज करण्यास मदत करू शकतात. कडक उन्हात चार्ज केल्यास ही कार वर्षाला 16 हजार  किलोमीटरपेक्षा जास्त प्रवास करू शकते.

3 चाकी इलेक्ट्रिक कार बरीच हलकी आहे. कारण ती कार्बन फायबर शीट मोल्डिंग कंपाऊंडपासून बनविली आहे. सौरऊर्जेवर चालणाऱ्या ईव्हींना पारंपारिक वाहने तयार करण्यासाठी लागणाऱ्या भागांच्या दहाव्या भागापेक्षा कमी भाग लागतात.

इटलीतील ट्यूरिन येथील पिनिनफेरिनाच्या पवन बोगद्यात विकसित केलेले वायुगतिकी देखील यात आहे. चाचणी दरम्यान त्याने 0.13 चा ड्रॅग गुणांक देखील गाठला. जो ऑटोमोटिव्ह उद्योगातील एक विक्रम आहे.

ही कार वर्षातील नाविण्य आणि ऊर्जा-कार्यक्षम गतिशीलतेच्या अथक प्रयत्नांचे प्रतीक आहे, असे अपटेरा मोटर्सचे सह-सीईओ क्रिस अँथनी यांनी म्हटलंय.

जगाला स्वच्छ सौर ऊर्जेवर चालणारे भविष्य निर्माण करण्याच्या आमच्या दृष्टीकोनातील एक पुढचं पाऊलं असल्याचेही ते म्हणाले.