फँड्रीमधील जब्या आणि शालू अडकले विवाहबंधनात? हळदी आणि लग्नाचा फोटो व्हायरल

नागराज मंजुळे यांच्या फँड्री चित्रपटातील शालू (राजेश्वरी खरात) आणि जब्या (सोमनाथ अवघडे) यांच्या लग्नाचा फोटो सोशल मीडियावर व्हायरल होत आहे. 

दोघेही फोटोमध्ये वधू-वराच्या वेषात दिसत आहे. राजेश्वरी खरातने देखील तिच्या इन्स्टाग्रामवर हा फोटो शेअर केला आहे. 

त्यासोबतच सोमनाथ अवघडे आणि राजेश्वरी खरात यांचा हळदीचा देखील फोटो तुफान व्हायरल होत आहे. ज्यामध्ये राजेश्वरीने पिवळ्या रंगाची साडी तर सोमनाथने पांढरा कुर्ता परिधान केला आहे. 

दोघांनीही फँड्री चित्रपटात एकत्र काम केलं आहे. याच चित्रपटातून दोघांना प्रचंड प्रसिद्धी मिळाली आहे. सोशल मीडियावर दोघांचे लाखो चाहते आहेत. 

सोशल मीडियावर त्यांच्या लग्नाचा फोटो व्हायरल होताच चाहते देखील संभ्रमात पडले आहेत. त्यांनी देखील फोटोंवर कमेंट्स करून प्रश्न उपस्थित केला आहे. 

राजेश्वरी खरातने शेअर केलेल्या फोटोंवर चाहत्यांनी कमेंट्सचा वर्षाव केला आहे. ज्यामध्ये काही चाहत्यांनी हे फोटोशूट चित्रपटाच्या शूटिंगचे असावे असे म्हटले आहे. 

काही दिवसांपूर्वी देखील सोमनाथने राजेश्वरीसोबत एक फोटो शेअर केला होता. जब्या आणि शालू दोघे चित्रपटाच्या शूटिंगमध्ये व्यस्त असल्याचं म्हटलं जात आहे.