क्रिकेट नव्हे, 'या' अनपेक्षित क्षेत्रात करिअर करतेय गांगुलीची लेक; पगार माहितीये का?

सौरव गांगुली यांनं टीम इंडियासाठी बहुमूल्य योगदान दिलं. त्याची लेक या क्रिकेट क्षेत्रात वडिलांच्या निवृत्तीनंतर करिअर करते का अशीच उत्सुकता अनेकांना लागली होती. पण, सना गांगुली अर्थात गांगुलीच्या मुलीनं मात्र वेगळीच वाट निवडली. 

क्रिकेट जगताला बगल देत सनानं कॉर्पोरेट जगतात भवितव्य घडवण्याचा निर्णय घेतला असून, इथं तिला समाधानकारक पगारही देण्यात येत आहे. 

वयाच्या 21 व्या वर्षी सनानं कॉर्पोरेट जगातातून करिअर करण्याचा निर्णय घेत ती या वाटेवर यशस्वीरित्या चालू लागली. युनायटेड किंग्डममधील युनिवर्सिटी कॉलेज लंडन येथून तिनं पदवीपर्यंतचं शिक्षण घेतलं असून, सध्या ती एका मोठ्या मल्टीनॅशनल कंपनीसाठी काम करतेय. 

सनानं तिच्या आतापर्यंतच्या कारकिर्दीत अनेक कॅम्पस इंटर्नशिप केल्या, तिनं एनेक्टसमध्येही काम केलं. एचएसबीसी (HSBC), केपीएमजी (KPMG), गोल्डमॅन सॅक्स (Goldman Sachs), बार्कलेज (Barclays), आईसीआईसीआय (ICICI) अशा कंपन्यांसाठी इंटर्नशिप केली. 

पदवी शिक्षणाच्या शेवटच्या वर्षात असताना सनानं PwC या मल्टीनॅशनल कंपनीत काम सुरु केलं. अनेक वृत्तांच्या हवाल्यातून समोर आलेल्या माहितीनुसार PwC  कंपनी निपूण इंटर्न्सना जवळपास 30 लाखांचं पॅकेज देते. 

PwC मधील नोकरीनंतर सना कॉर्पोरेट क्षेत्रातील एक मोठं नाव असणाऱ्या डेलॉइट (Deloitte)वर लक्ष केंद्रीत करत आहे. 

सूत्रांच्या माहितीनुसार जून महिन्यामध्ये तिची ही इंटर्नशिप सुरु होईल. इथं तिला इंटर्न म्हणून दरवर्षी 5 ते 10 लाख रुपयांचं पॅकेज मिळू शकतं.