'तारक मेहता फेम रोशन सिंह सोढीची प्रकृती बिघडली, शेअर केला हॉस्पिटलमधील व्हिडीओ

'तारक मेहता का उल्टा चश्मा' ही मालिके गेल्या अनेक वर्षांपासून प्रेक्षकांचे मनोरंजन करत आहे. यादरम्यान, अनेक कलाकारांनी मालिका सोडली. 

त्यापैकीच एक म्हणजे रोशन सिंह सोढीची भूमिका करणारा गुरुचरण सिंग. नुकताच गुरुचरणने एक व्हिडीओ शेअर केला आहे. 

ज्यामध्ये त्याने सांगितले आहे की, त्याची तब्येत बिघडली असून तो रुग्णालयात दाखल झाला आहे. सध्या हा व्हिडीओ सोशल मीडियावर व्हायरल होतोय. 

व्हिडीओ पाहिल्यानंतर चाहते देखील नाराज झाले आहेत. व्हिडीओमध्ये त्याच्या हातात एक सलाईन लावल्याचं दिसत आहे. 

गुरुचरणने त्याच्या चाहत्यांना गुरु गोविंद सिंह जयंतीच्या शुभेच्छा देण्यास उशीर का झाला याबद्दल तो लवकरच चाहत्यांना सांगणार असल्याचे सांगितले. 

चाहत्यांनी गुरुचरणच्या व्हिडीओवर कमेंट करत लवकर बरे होण्यासाठी शुभेच्छा दिल्या आहेत. तर काही चाहत्यांनी काय झाले सर? असा प्रश्न देखील विचारला आहे. 

गुरुचरण गेल्या वर्षी अचानक गायब झाले होते. त्यानंतर कुटुंबीय आणि चाहते चिंतेत पडले होते. घरी पतल्यानंतर गुरुचरण कामाच्या शोधात होता.