'तारक मेहता का उल्टा चश्मा'मधील सोनू अडकली विवाहबंधनात, दोघेही झाले भावूक

'तारक मेहता का उल्टा चश्मा' ही लोकप्रिय मालिका नेहमीच सोशल मीडियावर चर्चेत असते. आता या मालिकेतील सोनूची भूमिका साकारणारी अभिनेत्री झील मेहता हिने लग्न केलं आहे.

अभिनेत्रीने 28 डिसेंबर रोजी आदित्य दुबे याच्यासोबत लग्नगाठ बांधली. नुकताच झील मेहताने तिच्या लग्नाचा व्हिडिओ सोशल मीडियावर शेअर केला आहे.

झीलने शेअर केलेल्या व्हिडीओमध्ये ती लाल रंगाच्या ड्रेसमध्ये वधूच्या रुपात खूपच सुंदर दिसत आहे. अभिनेत्रीचे चाहते तिच्या फोटोंवर आणि व्हिडीओवर लाईक्स आणि कमेंट्सचा वर्षाव करत आहेत. 

तर आदित्य दुबेने शेरवानी घातली होती. एकमेकांना पुष्पहार घालताना दोघेही भावूक झाले होते. सध्या दोघांचा लग्नाचा व्हिडीओ सोशल मीडियावर प्रचंड व्हायरल होत आहे. 

अभिनेत्री झील मेहताने 'तारक मेहता का उल्टा चश्मा' या मालिकेत सोनूची व्यक्तिरेखा साकारून प्रेक्षकांवर चांगलीच छाप पाडली होती. परंतु, सध्या ती अभिनयापासून दूर आहे.

सध्या झील मेहता मेकअप आर्टिस्ट बनली असून पुढे ती यामध्येच तिचं करिअर घडवणार असल्याचं म्हटले जात आहे. 

झील आणि आदित्य 14 वर्षांपासून एकमेकांना डेट करत होते. अनेक वर्षे डेट केल्यानंतर आता दोघांनी लग्न केलं आहे. दोघेही खूप आनंदी दिसत आहेत.