टाटाची कमाल, 2 लाख इलेंक्ट्रिक कारची विक्री, आता बंपर ऑफर

गेल्या अनेक दिवसांपासून भारतीय बाजारपेठेत इलेक्ट्रिक कारची मागणी झपाट्याने वाढत आहे. अशातच अनेक परदेशी कंपन्या देखील त्यांच्या ईव्ही कार लॉन्च करत आहेत. 

मात्र, देशातील प्रमुख वाहन निर्माता कंपनी, टाटा मोटर्स कंपनी बाजारपेठेत लीडरची भूमिका बजावत आहे. टाटा मोटर्सने आतापर्यंत 2 लाख इलेक्ट्रिक कारची विक्री केली आहे. 

यासोबतच कंपनी त्यांच्या EV कारवर आकर्षक फायदे देखील देत आहे. यामध्ये कंपनी इलेक्ट्रिक कारवर 100% ऑन-रोड फायनान्स देत आहे. त्यासोबतच 6 महिने मोफत चार्जिंगचा लाभ देखील दिला जात आहे. 

कंपनी इलेक्ट्रिक वाहनांवर 50 हजार रुपयांचा एक्सचेंज बेनिफिट आणि मोफत चार्जर बसवण्याची सुविधा देखील देत आहे. ही ऑफर पुढील 45 दिवसांसाठी असणार आहे. 

ही ऑफर कंपनीच्या टिएगो ईव्ही, टिगोर ईव्ही, पंच ईव्ही, नेक्सन ईव्ही आणि कर्व ईव्ही यासह 5 इलेक्ट्रिक कारचा समावेश आहे. 

याशिवाय भारत मोबिलिटी ग्लोबल एक्सपोमध्ये कंपनीने दोन नवीन इलेक्ट्रिक कार आणि त्यांची संकल्पना देखील प्रदर्शित केली आहे. 

Tiago EV या इलेक्ट्रिक कारची किंमत 7.99 लाख रुपये इतकी आहे. जी एका चार्जमध्ये 250 ते 315 किमी अंतर पार करू शकते.