शाहरुख किंवा रजनीकांत नव्हे तर 'हा' अभिनेता एका सिनेमासाठी घेतो 200 कोटी!

Thalapathy Vijay:थलपथी विजय हा साऊथचा सुपरस्टार आहे, ज्याने गेल्या काही वर्षांत अनेक सुपरहिट चित्रपट दिले आहेत. त्याचा आगामी चित्रपट द ग्रेटेस्ट ऑफ ऑल टाईम (GOAT) या वर्षातील बहुप्रतिक्षित चित्रपटांपैकी एक आहे. हा सिनेमा 5 सप्टेंबर रोजी जगभरात प्रदर्शित होत आहे. व्यंकट प्रभू दिग्दर्शित या चित्रपटात थलपथी विजय, प्रशांत, प्रभू देवा, मोहन आणि जयराम हे आघाडीचे अभिनेते महत्त्वाच्या भूमिकेत दिसणार आहेत. AI च्या मदतीने विजयकांत देखील छोट्या भूमिकेत दिसणार आहे.

मे 2023 मध्ये 'थालपथी 68' नावाची तात्पुरती घोषणा करण्यात आली. हा प्रोडक्शन हाऊसचा 25 वा चित्रपट असून 300-400 कोटी रुपयांच्या बजेटमध्ये बनला आहे. द ग्रेटेस्ट ऑफ ऑल टाईम या चित्रपटातील दुहेरी भूमिकेसाठी थलपथीला 150 कोटी रुपये मानधन देण्यात येणार असल्याच्या बातम्या यापूर्वी आल्या होत्या. मात्र, आता निर्मात्या अर्चना कलापथी यांनी या चित्रपटासाठी अभिनेत्याचे मानधन उघड केले आहे.

'गलाटा'ला दिलेल्या मुलाखतीदरम्यान, निर्मात्या अर्चना थलपति यांनी सांगितले की, विजयला 'द ग्रेटेस्ट ऑफ ऑल टाईम'मधील त्याच्या भूमिकेसाठी 200 कोटी रुपये मानधन देण्यात आले होते. यामुळे तो भारतातील शाहरुख खान, सलमान खान, प्रभास, अल्लू अर्जुन, रजनीकांत आणि आमिर खान यांच्यापेक्षा जास्त फी घेणारा अभिनेता बनतो.

निर्मात्या अर्चना थलापाथी यांनी थलपथीला थक्क करणारी फी देण्याच्या निर्णयाबाबत स्पष्टीकरण देखील दिले आहे.  विजय याची बॉक्स ऑफिसवर जबरदस्त क्रेझ आहे. गेल्या काही वर्षांमध्ये त्याची लोकप्रियता सतत वाढतेय, असे ते म्हणाले. 

गेल्यावर्षी थलपथीचा लिओ हा चित्रपट बॉक्स ऑफिसवर 200 कोटींहून अधिक कलेक्शन करणारा 7वा चित्रपट ठरला होता. त्याचे सलग 7 चित्रपट ब्लॉकबस्टर ठरले आहेत आणि त्यांनी बॉक्स ऑफिसवर 2000 कोटींहून अधिक कमाई केली आहे.

'थलपथी विजय' या चित्रपटाने निर्मात्यांना आधीच मोठा नफा कमावून दिला आहे. कारण त्याने रिलीजपूर्वीच्या व्यवसायाद्वारे (सॅटेलाइट, डिजिटल, संगीत आणि नाटक अधिकार) त्याच्या बजेटपेक्षा जास्त वसुली केली आहे, अशी माहिती निर्मात्यांनी दिली.

'द ग्रेटेस्ट ऑफ ऑल टाइम' चित्रपटाचा ट्रेलर 17 ऑगस्ट रोजी रिलीज झाला होता आणि 24 तासांत तो 33 दशलक्षाहून अधिक वेळा पाहिला गेला होता. हा चित्रपट 5 सप्टेंबरला चित्रपटगृहात प्रदर्शित होणार आहे.